Lukat 9:28 - Ala Wone Peenok Peebi Mbanak

²⁸ Wone ti yorage nagagerik, nogo 8 negen yinuk, Yetut nen Peterut kunduk, Yaya kunduk, Yakobut kunduk, wogoret tamban eeruwok nduk, puurom lagi nogogwaarak.

Lukat 9:28 ပူးပေါင်းရင်းမြစ်များ

Ndawi 109:4

Niniki kunik eeginake onggo negen inoone liirit yo'nugwi, Eekwi iigak kwe, An nen inake tamban eeke minggirak o.

Matiyut 14:23

Eeke nagagerik, nogwe iigak, at alik tamban eerikit nduk, puurom paga laganeegerak wonage kagak, o kiip agagerak.

Matiyut 5:1

Aakumi ambik inom nogwe nogo Yetut enegen iinok, puurom paga lagangge nagagerik, kwi'na'nuk wonage me, it at oone wagangga nogo owagam nogogwaarak.

Marakut 1:35

O kilim nagabikit nduk apit eeke kagak, Yetut eenik a'nuk wundi nage nagagerik, aakumi ineebe lek me time tamban eeri nagagerak.

Marakut 6:46

nogwe iigak, aakumi nogo iname nappiinok, tamban eerikit nduk puurom time laganeegerak.

Lukat 3:21

At Yaya nen aakumi abok yiime wuppiige nagagerik, Yetut inom wuppege mbareegi, Yetut tamban awo eeke kagak, mbogut keyaake mbareegi,

Lukat 5:16

Togop aret eeko nogogwaarak kwe, at Yetut karume aakumi lek me time tayo yi nage nagaatik, tamban eekak eeke nagagerak.

Lukat 6:12

Ti eyom paga Yetut tamban eerikit nduk, puurom lagi nagagerak. Lagi nage nagagerik, oonikiya Ala yoge tit kagak, o weereegerak.

Lukat 8:51

aap nogo ame aret nogogwaarak. Nogo nogogwaarik, it aakumi abok endekem logowak nduk, yorage nagagerik, Peterut kunduk, Yaya kunduk, Yakobut kunduk, kolaga agalo-ogoba kunduk, nogo mban wogoret ame unggwi nagagerak.

Lukat 9:18

Ti'nuk, peebi ne ambi paga at Yetut alik tamban eeke me, at oone waganggwi nogo owagam nogo mbareegwa, Yetut nen ineegwa'me wogiige logonet, “It aakumi abok en an ta nomba'nuk, yogo agaarik?”

Yaya 6:3

Mugurok nogwe iigak, at Yetut puurom lagi nage nagagerik, at oone waganggwi inom time aret kwi'nogogwaarak. (

2 Korindut 13:1

Ne mbere paga pekkiya wagagirak kwe, yogondak ne ambinom pekkiya woraakit nduk, eeke agarik o. “Aap ineebe mbere a, kenagan a, nen inigen kenok, yogwe iinok perak, Abet aret eekaarak me, yinuk, awone op aret mbanggo logorak o,” yinuk, liiru mbanak nogo wonage o.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,

2 Peterut 1:16

Nit ninowe Yetut Keritut, “Wi,” yinuk, pi wakwi iigak woroorak wone yokkirogogurak nogo ti, it aakumi nen timbayok wone mbininggo logonet, inoone amburu ndik-ndik yogo menggaarak nogo paga niniki panggombunuk yokkirogo logolik o. Ata, at Yetut Keritut mondok tiyanak lombok menggerak ninigen abe nen kogogurak nogo aret yokkirogogurak o.