Lukat 9:19 - Ala Wone Peenok Peebi Mbanak

¹⁹ Yorage mbareegi, it nen, “Aap ando nen, at Yiime Wuppiiga Yaya nogo aret yogwe, ando nen, Eliya aret yogwe, ndi, ando nen, Aap maan Ala nen yorage kagak yorogo nogogwaarak nogo mendek ambi eenik a'nuk, mi'nagaarak, yogwe, eeko agaarik o.”

Lukat 9:19 ပူးပေါင်းရင်းမြစ်များ

Maleyaki 4:5

Naliku ALA woroorak ne abu nggwok aakumi inamineeri ne agan noorak mendek koorok panggoni wage kagak, an yoge neegak yoraga Eliya nogo, inowagam nappi wage neyaagun o.

Matiyut 14:2

at awuri inom eeka nogo yorage logonet, “Aap Yiime Wuppiiga Yaya nogo, kanggo menggam nen eenik a'nuk, mi'nage nagagerik, eerubok mendek eerit nage yi aret kagi o,” yoragagerak.

Matiyut 3:1

O ti eyom paga Yiime Wuppiiga Yaya nogo nen o Yureya karume aakumi lek me nage nagagerik, aakumi yorage logonet,

Marakut 6:14

Eeginabit nugu nogogwaarak nogo ti paga Yetut endage yi awi ndi awi inaruk koneneegwaarak me, aap endagembogut Keroret nogo inom aret aruk koneneegerak. It ando nen, “Yiime Wuppiiga Yaya nogo ti, kanggo menggam nen eenik a'nuk, mi'nagaarak nogo paga nen eerubok mendek eerit nage kogo o,” yogwe,

Marakut 6:15

it ando nen, “Lek o. Eliya aret o,” yogwe, ndi, it ando nen, “It maan Ala nen yorage kagak yorogo nogogwaarak nogo kwak a'nuk, yogondak at Ala yoge kagak yorage agaarik o,” yinuk, yogwe, eeko nogogwaarak.

Lukat 9:18

Ti'nuk, peebi ne ambi paga at Yetut alik tamban eeke me, at oone waganggwi nogo owagam nogo mbareegwa, Yetut nen ineegwa'me wogiige logonet, “It aakumi abok en an ta nomba'nuk, yogo agaarik?”

Lukat 9:20

Yogo mbareegwa, at nen, “Ndi, kit perak, an ta nomba'nuk, yogo ogotik?” Yorage mbareegi, at Peterut nen, “Ala nen leenogo mippagareegerak Mesias nogo kat aret o.”

Yaya 1:21

Yorage mbareegi, it nogo nen at Yaya yogo logonet, “Ndi, ti kenok, kat ta o? Kat Eliya ilik?” Yogo mbareegwa, at Yaya nen, “Eliya ti kunduk, an lek mban o.” Yorage mbareegi, it nen, “Ti kenok, aap Ala nen yoge kagak yoraga nogo, kat aret ilik?” Yogo mbareegwa, at nen, “Ti kunduk, an lek mban o.”

Yaya 1:25

It nappiyareegwaarak nogo nen Yaya yogo logonet, “Ala nen leenogo mippereegerak nogo ti, an lek o. An Eliya lek o. Ndi, Aap Ala nen yoge kagak yoraga nogo ti, an lek mban o, yagandak kwe, nonggop nduk aakumi yiime wuppiinet nege agandik?”

Yaya 7:40

Wone yoragagerak nogo it aakumi inaruk konembogo nogogwaarik, it ando nen, “Aap Ala nen yoge kagak yoraga woroorak nogo, eebe yi abet aret kogo o,” yogwe,

Yaya 9:17

Ogoorak ka'let eekkologo nogogwaarik, at enegen mbuk wonagagerak nogo ambinom yogo logonet, “Wulaga! Aap kat kenegen obeelom eekkakerak nogo abok nonggop yumunggun o?” Yogo mbareegwa, at nen, “Ala yorage kagak yoraga mendek at aret o.”