Lukat 9:16 - Ala Wone Peenok Peebi Mbanak

¹⁶ Kwippiigo mbareegwa, at Yetut nen roti 5 inom, ikan mbere inom, woppunuk, ena mbogut paga ni'nage nagagerik, “Nogoba Ala wa!” yinuk, karereegerak. Karerogo at oone waganggwi nen aakumi kuwak aago nogo tumburiraawak nduk, wogoragagerak.

Lukat 9:16 ပူးပေါင်းရင်းမြစ်များ

Matiyut 14:19

Yinuk, aakumi ambik nogo, “Iri'ngga paga kwi'na'nip o,” yorage nagagerik, kwi'nogo mbareegwa, at Yetut nen roti 5 inom, ndi, ikan mbere inom, woppunuk, ena mbogut paga ni'nage nagagerik, “Nogoba Ala wa,” yinuk, roti nogo karerogo at oone waganggwi nogo wogorage mbareegi, it nen aakumi kuwak aago nogo tumburirogogwaarak.

Matiyut 15:36

roti 7 inom, ikan inom, eenggi me wagangge nagagerik, “Ala wa!” yinuk, karerogo at oone waganggwi nogo wogorage mbareegi, it nen aakumi ambik kuwak aago nogo tumburirogogwaarak.

Marakut 7:34

ena mbogut paga ni'nage logonet, “Ai!” mbake nagagerik, “Epata o,” yoreegerak. Ti yoreegerak ti, nit ninoone paga, “Paa'naru o,” yoreegerak.

Lukat 22:19

Yorage nagagerik, roti eenggime woppunuk, “Nogoba Ala wa!” yinuk, karerogo tumburirage logonet, “An neebe kit kinake punik nogo yi aret me, noba abe'nako logonet, nanip o.”

Lukat 24:30

Unggwi nage nagagerik, inom mbi nawok nduk, kwi'na'nuk, mbi eenggime woppunuk, “Nogoba wa,” yinuk, karerogo tumburirakit nduk eeke mbareegi,

Lukat 9:15

Yorage mbareegi, togop aret kwippiyareegwaarak.

Lukat 9:17

Wogoragagerak tumburirogo mbareegwa, it abok aret nonggo nogogwaarik, ndonggoppiyareegerak. Ndonggoppiige mbareegi, ando ndiinogo pereegwaarak nogo mbirim yum 12 eno korok togon aret yonggologo pereegwaarak.

Yaya 6:11

Kwi'narit nogo mbareegwa, at Yetut nen roti nogo waganogo, “Ala wa,” yinuk, it aap kwi'nogogwaarak nogo tumburiragagerak. Tumburirage nagagerik, ikan togop aret tumburirage logonet, inikime tenak kenok, ambinom wogoragagerak.

Yaya 6:23

yiiro ando o Tiberiyat nen ninogoba Ala, “Wa,” yinuk, aakumi roti tumburiragagerak nonggo nogogwam nogome aret wunda wogwe iigo nogogwaarik,

Nappiigak 27:35

yorage nagagerik, mbi ambi waganogo it inenggaanom paga, “Ala wa,” yinuk, karerogo nengge mbareegi,

Oroma 14:6

It ando nen, “Ne yi paga yi eekak ndi eekak eeriyak mage o,” yinuk, yogwe nogo ti, ninowe endage tiyak yuwak nduk, yogwe me, ti op aret yogwe o. It ando nen, “Yi mendek ndi mendek ugun nonggo logorak,” mbakwi nogo ti, “Ala wa,” yinuk, nunggwi me, ninowe endage tiyappogo logonet, aret nunggwi o. Ndi, it mbi-mbiingga mban nunggwi nogo ti, it kunduk, “Ala wa,” yinuk, nonggo menggaarak me, ninowe endage tiyappogo logonet aret nonggo menggaarak.

1 Korindut 10:30

ndi, an nobaalombok Ala, Wa, yinuk, nengge neegak, it aakumi nonggop nduk, nabok mbanggwi, eeko agaarik o,” yinuk, yogwe kiigirak me, noreewi o.

1 Korindut 11:24

“Ala wa,” yinuk, karerogo wogorage logonet, “Yi an neebe negen aret me, kit kinake aret o. An noba abeko logonet, nonggo logonip o,” yinuk, yorage mbareegi, nunggugwaarak.

1 Tamuwen 9:13

at nen, Wo'niragandak Ala wa, yinuk, Ala yoge kenok, it aap inom eeriyak inayonggo piigaarak nogo Tamuwen inom mbi noorak me, nengga'lek tokkogo logukwak me nduk, mbet-mbet nage kero, o kota tu unggwogo menggam taati wonage me, ka namunggup nduk, mbet-mbet aret nanip o.”