Lukat 8:8 - Ala Wone Peenok Peebi Mbanak

⁸ Ndi, ando nggween mili abe paga wambit nagagerak. Nggween mili paga wambit nagagerak nogo ti, mbilangge nagagerik, mili kwit agan lagangge logonet, ero ambi nen anggen 100 yege, ambi 100 yege, eereegerak o,” yoragagerak. Wone ti yorage nagagerik, oone nggwok ari logonet, “Wologwe! Kinaruk koneniyak kenok, liirogon aret konenggo logonip o,” yinuk, yoragagerak.

Lukat 8:8 ပူးပေါင်းရင်းမြစ်များ

Wakkagagerak 26:12

Ndi, at Itak nogo it inom nogome aret wonage logonet, yi mendek ndi mendek yarit nage logonet, “Ero ambit nen anggen ambiret mbanggolaagin,” mba'nuk, yareegerak kwe, at Aliku ALA ale'nggen oba pege me, ero ambit paga anggen ambik 100 negen aret yege me,

Kini Wuppiige 20:12

Ninaruk paga konenggwi, ninigen paga kogwe, eeko logowok nduk, Aliku ALA nen imbirak ogobakkigireegerak.

Kini Wuppiige 8:1

Iniki warak nogo nen oone nggwok ari, Yi wone ndi wone eenu nen oone tiyarogon ari, Eekeelik mbakop?

Yeremiya 13:15

Kit Iterali mendek yi wae. At Aliku ALA nen wone abu aret yegerak me, kiniki wogoppatiyak mage o. At yegerak ti, kinaruk konembunuk, liippako logonip o.

Yeremiya 25:4

Ndi, at Aliku ALA nen it aap at yorage kagak yoraga ayeloman mini nogo, abok aret kinowagam nappiya wagak mban eeketak kwe, inoone konenggwi, liippunuk waganggwi, eeka'lek aret monggotak o.

Matiyut 11:15

Kinaruk wonage kenok ti, liirogon aret konenggo logonip o.

Matiyut 13:23

Ndi, nggween mili paga wambit nagagerak nogo ti, it wone inaruk konenggo nagaatik, liippunuk, eekwi paga anggen yi'nage logonet, ero ambi 30 yege, ambi 60 yege, ambi 100 yege, eeko menggaarak nogo aret o,” yoragagerak.

Marakut 4:20

Ndi, nggween mili paga wambit nagagerak nogo ti, it wone konembunuk waganggaatak me, anggen yi'nage logonet, ero ando anggen 30 yege, ando anggen 60 yege, ando anggen 100 yege, eeke menggerak nogo aret o,” yoragagerak.

Marakut 4:23

Kinaruk koneniyak kenok ti, liirogon aret konenggo logonip o.”

Marakut 4:8

Ndi, ando nggween mili paga wambit nagagerak. Nggween mili paga wambit nagagerak nogo mbilambunuk, kwit agan lagangge nagagerik, anggen yi'nage logonet, ero ando anggen 30 yege, ando anggen 60 yege, ando anggen 100 yege, eerit nagagerak o,” yinuk, yoragagerak.

Marakut 7:16

Kinaruk wonage kenok, liirogon aret konenggo logonip o.)

Lukat 14:35

Mayu andi lek wurik nogo ti, nggween obeelom aruwak nduk yabu yarak me ilik, nggween maluk me a, pemenggaarak kwe, nggween nogo abe arigin lek me, abu mbo nappogo menggaarak o. Kinaruk koneniyak kenok, liirogon aret konenggo logonip o,” yinuk, yoragagerak.

Lukat 8:15

Ndi, nggween mili paga wambit nagagerak nogo perak, it aakumi wone konembunuk, iniki abe lombok paga pippak waganggo nagaatik, nabenak mban eeko logonet, anggen yikkologo menggaarak nogo aret o,” yinuk, yoragagerak.

Lukat 8:7

Ando iri'ngga alok-palok me wambit nagagerak. Iri'ngga alok-palok me wambit nagagerak nogo ti, iri'ngga inom laganeegerak me, iri'ngga nen mbanogo wuppereegerak.

Epetut 2:10

Ala nen aret ogobakkigi'ninabeegerak me, nit at amendek aret ogoorik o. Nit nda'naga'lek niigak obeelom eerit nogo logorak Ala nen maan kooneegerak nogo, Keritut Yetut ninom kunik logonet eerit nogo logowok nduk, ogobakkigi'ninabeegerak.

Kolote 1:10

Kinake tamban eekwi ti, ninowe inikilom kinombaruwak nduk, ndak-ndak eerit nogo logonet, eyoonggen abe yi'nage menggi kwak, obeelom eerit nogwe, ndi, Ala eeke menggerak kineenu ogo logonet, kiniki kole ogwe, eerubagip nduk, kinake tamban eeko monggoorak.

Wayu 13:9

“It keele maarinaburak punik kenok keele maarinakwi, Kambuwak nduk mbuti tege paga inooriyak punik kenok, inookwi, Eeko logogun o, yinuk, yereegerak nogo aret aganabit nagun me, aganabit nogwe iigak, it Ala apuri ake leenak nogo nen, Yi nonggop ee'ninakwi o? yinuk, iniki lek-lek arugwaarik o. Ata, Obeelom eeppinaniyak yereegerak nogo abet aret eeppinanigin o, yinuk, iniki kwippunuk, inogogumbuk logonet, waganggo logowak o. Inaruk wonage kenok, wone ti, liirogon aret konenggo logowak o,” yinuk, yo'nege kagarak.

Wayu 2:11

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o. Ndi, it aaninggin-paaninggin nogo mendek abok aret inoba age kwe, kagak, Ala wone mbo pega'lek mondok inogogumbuk logonet liirogon mugurok nogwe iinok, ne mbere paga kambugun lek o, yinuk, wone yi yagarak nogo abok aret at malayikat Ala apuri o Timirina kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 2:7

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o. Ndi, it Ala wone mbo pega'lek, iniki nu'lek porogo logonet, liirogon mugurok nogwe iinok, eyoonggen aakumi ineenik eeginake menggerak Ala eyabu me wonage nogo, It noorak op aret yoraagin o, yinuk, wone yi yagarak nogo abok aret at malayikat Ala apuri o Epetut kuwak eekwi inarum menggerak nogo nen apuri yoraawak nduk, liiru mbanogo nappu o.”

Wayu 3:13

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o, yinuk, wone yagarak nogo ti, abok aret at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 3:6

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o, yinuk, wone yagarak nogo abok aret at malayikat Ala apuri o Taririt kuwak eekwi inarum menggerak nogo nen apuri yoraawak nduk liiru mbanogo nappu o.”