Lukat 8:53 - Ala Wone Peenok Peebi Mbanak

⁵³ Yorage mbareegi, it aakumi nen kolaga nogo abu kanggerak ineenu me, at agi'ndok kambeegwaarak.

Lukat 8:53 ပူးပေါင်းရင်းမြစ်များ

Ayup 12:4

Noreewi nen aret meek nombako logonet, nagi'ndok kanggwi, An maluk eeka'lek niniki abe koonak logonet, At Ala yoge neenok, Wone onggo yo'nege menggerak kwe, yogondak nagi'ndok kanggwi, Eeko agaarik o.

Ayup 17:2

An miyuk-meya eerogo panugwi nogo, nowagam ninggirik wonogwe, Nabuwa mbaka'lek noori wogwe, Eekwi nogo abet aret nenegen iige me,

Ndawi 22:7

It inigen wonggonogo an mban pe'neego logonet, Nagi'ndok kanggwi, “Aap yi, we kabot o,” yinuk, meek eerogo panugwi,

Yetaya 53:3

Aakumi nen, “Ogole o,” yinuk, meek ombakwi, mbo pugwi, eereegwaarak o. At aaninggin-paaninggin nen iniki wakko'net unggwage, Andi-pandi kage, eeke nagagerak o. “Aap yi ogole o,” yinuk, inete nobakkologo mengga kwak at kenok, “Ogole o,” yinuk, meek ombako nogogwaarak me, Nit kunduk, “Aap abe o,” yinuk, ayuk wurulik o.

Matiyut 9:24

“Kolaga yi, kambulik we nogo yege me, mbaganinip o.” Yoragagerak kwe, it nen at agi'ndok kambeegwaarak.

Lukat 16:14

Yorage mbareegi, it aap Pariti nen Yetut wone yoragagerak nogo konenggo nogogwaarik, wu inikilom me, Yetut meek agago pereegwaarak.

Lukat 8:52

Unggwi nage nagagerik, aakumi apit aret le yogwe, ineebe wakkologwe, eekwi iige nagagerik, “Le yugup o. Kolaga yi, kanggerak lek we nogo yege me, le yugup o.”

Lukat 8:54

Agi'ndok kanggwi iigak kwe, Yetut nen kolaga nogo eenggi pigagangge logonet, “Napuluk mi'naru o!”

Yaya 11:39

Yetut nen, “Yugum tu narak ti, ponggonogo nappinip o.” Yorage mbareegi, at kambeegerak awuluk Marata nogo nen, “Nogoba o. Kanggerak kagak nogo kenagan yegerak me, muk obari agaarak o.”