Lukat 8:47 - Ala Wone Peenok Peebi Mbanak

⁴⁷ Yoge mbareegi, kwe nogo nen, “Muk yelok neegerak kagi o,” mba'nuk, agabiti nen aganak nugege logonet, Yetut abu'me tebe yinuk, aakumi abok inenggaanom paga alom ngge paga Yetut ayum pigaganeegerak inom, ndi, awo pigagangge kagak eebe obeelom agagerak nogo inom, mbininogo yoreegerak.

Lukat 8:47 ပူးပေါင်းရင်းမြစ်များ

Ndawi 2:11

Aliku ALA ayuk wuko logonet amugurok nogwe, Kinaganak wake logonet, kinale'nggen yogwe, Eeko logonip o.

Ndawi 38:9

Ala wae. Niniki uugwe mbarit unggwage nogo, kat nen kin aret neege, Niniki wakko'net unggwage yi, Kat nen yelok neege, Eeke agandik o.

Ndawi 66:16

Kit Ala kinagabiti mbako monggotak yi wae. Ala nen eeppanit wage kagarak nogo Mbininogo yokkirage neegak, Kinaruk liirogon konenggo logobagip nduk, woraanip o.

Yetaya 66:2

Yi mendek ndi mendek ogobakkigirik yi, an nen mban ogobakkigireegirak me, Aret wonage menggerak nogo lek a?” yinuk, Aliku ALA nen yegerak o. “It aap iniki tebenak wonogwe, Maluk eekirak, ao, mbakwi, noone ari neenok inaganak wake, Eekwi iinok, An liippiige minggirak kwe,

Oteya 13:1

Aa'nduk it Eparayim mendek nen wone yogwe iinok, aakumi nen, “Yi yogwe yi, iya!” yinuk, inaganak wake, Iterali inenggela'me it Eparayim mendek inendage tiyak ari, Eeke nagagerak kwe, It nen kugi Mba'an ayuk wurit nogo nogogwaarak paga inenggaawak lek eerogo patit nogogwaarak.

Oteya 5:3

It Eparayim mendek an abu liippiige, ndi, it Iterali mendek kumaarak lek kin paga iige, eeke agarik o. It Eparayim ti, kwe ya wukak kwak eerit nugwi, Ndi, it Iterali ti, inalik nen aret maluk eerogo pakwi, Eekaarak wonogo agaarik o, yinuk, yegerak me, yokkiragi o,” yoragagirak.

Abakuk 3:16

Agan wage yi abok aret naruk konengge, niniki ma'nage, Nagabiti nen nambe lele ari, Nowak ne agan nage, Naganak ndik-ndik ee'nake, Eereegerak kwe kagak, It aakumi tebenogo pinani unggwogwe nogo, aaninggin inoba kwippiyorak eyom ari woraawak nduk, An niniki aanaganggenggwi lek tokkage logogin o.

Matiyut 28:8

Yorage mbareegi, it kumi nogo ndoome pekka unggwogo nogogwaarik, wundi nanuk, inagabiti aganabeegerak kwe, iniki ale'nggen mbakak, puu'nuk it Yetut oone waganggwi nogo yora nogwe me,

Marakut 5:33

kwe nogo nen, “Obeelom ee'nakerak kagi,” mbake nagagerik, agabiti nen aganak nuk irit Yetut abu'me tebe yinuk, “An togop eekirak o,” yinuk, eereegerak nogo abok aret paganogo yoreegerak.

Lukat 8:46

Yoge mbareegi, at Yetut nen, “Lek o. An nomaawi ambi lek negen age kagarak me, ta nen pi'nakerak?”

Lukat 8:48

Yoge mbareegi, at Yetut nen, “Napuluk o. Kiniki an noba panggombunuk, abet nombakendak paga obeelom agandak me, kinikiigun kame nak o,” yoreegerak.

Nappiigak 16:29

Yoge mbareegi, at keele maarak inarum waka nogo nen, “Ndi wonok wa'nip o,” yorage nagagerik, agabiti nen aganak nugirit nggarek togon Pawulut Tilat imbirak inabu'me ngginnari nagagerak.

1 Korindut 2:3

An neebe lebenak aret me, nagabiti nen naganak wake kagak ninom wonagagirak.

2 Korindut 7:15

At Titut aa'nduk kinabuwa mbake nagagerak kwe, kiya nage mbareegi, kinagabiti nen kinaganak nuk-nuk yogo logonet, keyage warogo eebe waganggo nogogutik, kooniyak yokkirogogurak nogo, “E o,” yinuk, mbet-mbet koonggwi kiyareegerak nogo, aberak logonet, yogondak abunuk kinabuwa nggwok lombok mbake agaarik o.

Pilipi 2:12

Togop me, noreewi o. Kit an niniki kunik me, wone ambi yokkira o. Aa'nduk kit ninom time logonet, an noone yugu ndak-ndak eeko nogogutak nogo kokwak, yogondak neebe yime neegak, kinagap ndakkolaabagip nduk, kinagabiti nen kinaganak wake logonet, ambinom nggwiirit-nggwaarit eeko logonip o.

Iberani 12:28

Togop me, Ala abu'me piige menggim nit unde logorak mbareegerak nogo ti, nuk-nuk ariilik me, “Ala wa,” yinuk, keyage wako logowok o. Ninogoba Ala ti, kani omoonuk nen iri'ngga mondok pup eerogo nenet nage menggi kwak aret me, ninagabiti nen ayuk wuko logonet, at eeriyak inikilom mbake nogo mban aret eerit nogo logowok o.

1 Tamuwen 16:4

Yoge mbareegi, at Tamuwen nogo at Aliku ALA nen yoreegerak nogo ndak-ndak aret, o ti eyom paga o kota Mbe'lekem wambi nage mbareegi, it aap o kota wonogwe inoweewi nogo nen inaganak nugiranet Tamuwen inom lambumbunuk, at yogwi, “Ninogoba wae. Kat yime op eeppinaniyak nduk wagan a?”