Lukat 8:44 - Ala Wone Peenok Peebi Mbanak

⁴⁴ Kwe nogo Yetut ambo'me wage nagagerik, ayum irip eenggi pigagangge kagak, amiya eeke nagagerak nogo lek aret agagerak.

Lukat 8:44 ပူးပေါင်းရင်းမြစ်များ

Wundeegwaarak 15:26

Eeke logonet, “Kit nen Naliku kinogoba Ala noone yokkirage neenok, liirogon aret konembunuk, nenggaanom paga li'lak obeelom mban eekwi, Yogop ee'nu ndogop ee'nu, yinuk, yokkirage nogo liippugwi, yi wone ndi wone lengganogo yokkirage nogo mondok-mondok porogo wonogwe, eekwi kiinok, aakumi Metit mendek andi-pandi eeppiyareegirak nogo pogom ambi eeppinagage logogin lek o. Naliku ALA nen obeelom eerogo pinagage minggirak nogo ti, an aret o,” yinuk, yoragagerak.

Maleyaki 4:2

It an nendage tiyappogo logonet, nayuk wuko menggaarak iinok perak, oonegen wundi wage logonet, aakumi inagabolo mbiganogo piige menggi kwak, at obeelom eeppiinet nega nogo, wundi wa'nuk, towe kwak wiga agan it obeelom eeppiinet nage logogin o. Tapi aagaluk anggenogona wonage me, wumbugwi iinok, ale'nggen paga kunu wonet nege menggi kwak, it inale'nggen nen togop aret agan nugu logogun o.

Matiyut 20:34

Yogo mbareegwa, at Yetut nen inabuwa mbake nagagerik, inigen eenggi awo mbaaniige kagak, inigen nogo pagak yogo nogogwaarik, Yetut inom wogogwaarak.

Matiyut 8:3

Yoge mbareegi, at Yetut eenggi nderogon aap nogo pigagangge logonet, “Obeelom eekkaburak mbakirak me, obeelom agago pagagi o,” yinuk, awo yoge kagak, at awin aaga'ne kunik nogo lek aret a'nuk, obeelom agagerak.

Matiyut 9:20

Nogwe me, kwe ambi amiya eeke kagak tahun 12 eereegerak me, Yetut tu paga nage kagak, kwe nogo at ambo'me nage nagagerik, inikime nen, “Ayum mban neenggi pigagangge neenok, obeelom ee'nabigin o,” mba'nuk, ayum irip eenggi pigaganeegerak.

Marakut 6:56

O kota nggwok me inom, mbuuluk me inom, o yambo-ndambo time inom, nege kagak, it kugi andi warak nogo mbi onggo kunggo menggam piya wagaatak nogo nen, we ambogoyum irip pigaawok nduk nggino yogo nagaatik, pigaganggwi iinok, it abok aret obeelom ogogwaarak.

Lukat 13:13

eenggi awo pigagangge kagak, kwe nogo amborowak koonnage mbareegi, Ala wogoppereegerak.

Lukat 7:38

Wonok wage nagagerik, Yetut iyok unggu'me ambokan taati mi'nari wage nagagerik, le ari logonet, ale amburu paga Yetut iyok miin eeke, ti'nuk, eeruwak paga wolombege, eeppege nagagerik, aganak paga pirik-perek ari logonet, amburu nogo iyok paga kilippereegerak.

Lukat 8:43

Nogwe me, kwe ambi amiya eeke kagak tahun 12 eereegerak me, obeelom aruwak nduk amendek abok aret ndotet wogoragaatak kwe, obeelom aga'lek aret wonagagerak.

Lukat 8:45

Lek age mbareegi, at Yetut nen, “Ta nen pi'nakerak?” Yorage mbareegi, it apit aret lik-lek yogwe iigak, Peterut nen at yoge logonet, “Nogoba o. It aakumi apit yi, ninggikkeren wogo logonet, taga'mbit agago pagagwi iigi o.”

Yaya 5:13

Yogo mbareegwa, Yetut nogo aakumi ambik time kuwak aago inenggela'me nogome kobak agagerak me, aap obeelom eereegerak nogo nen, “Aap ndogop nen obeelom ee'nakerak o,” yinuk, paganogo yoroorak meek aret agagerak.

Nappiigak 19:12

Iya tit eeke nagagerak ti, at ayum liigak kookak inom, ambogoyum oba pereninuk nege menggerak inom, wonok nogo nagaatik, it aakumi kugi andi nogo, inoba labumbiigwi iigak, kugi andi nogo lek age, kugi inikime unggwegetak nogo nggik togon wungge, eeke nagagerak.

Nappiigak 5:15

It nappiigak togop eerit nogwe me, Peterut nage kenok agalu'mak mbaaninabuwak nduk, aakumi andi agaatak eewugeren enaani tu paga piya wogwe, ando wogoren wa'nuk, lit ndoonogo tu nggwok paga piigwi, eeko nogogwaarak.

Pelaareegerak 22:12

Kinayum nggorek irip 4 paga ligi laanak pugu'ndalik-pugu'ndalek eerogo punuk, yikkologo logomunggup o,” yoragagerak.