Lukat 8:43 - Ala Wone Peenok Peebi Mbanak

⁴³ Nogwe me, kwe ambi amiya eeke kagak tahun 12 eereegerak me, obeelom aruwak nduk amendek abok aret ndotet wogoragaatak kwe, obeelom aga'lek aret wonagagerak.

Lukat 8:43 ပူးပေါင်းရင်းမြစ်များ

2 Mbinineegwaarak 16:12

Ndi, at Ata endagembogut logonet, wone lengganogo yorage kagak, tahun 38 eeppunuk, ambi age paga, iyok imbirak andi eereegerak. Andi mondok alik negen eereegerak kwe, “Aliku ALA nen obeelom ee'nabuwak,” mbarulik. Ata, “Aap obeelom aganaka nen obeelom ee'nabuwak,” mban mbake nagagerak.

Ayup 13:4

An wone abet aret ari neegak kwe, An ari nogo yaga-kaga eerogo pilit wone agan nogo monggotak me, Kit abok aret obeelom eerogo piiga mendek lek aanom warogo piiga mendek aret ogotik o.

Ndawi 108:12

Togop aret me, Aakumi nen ninagap ndariyak ti, meek aret me, Nit wim eekwi niinok, kat ninom a'nuk eeko logowok o.

Yetaya 2:22

Togop aret me, it inambe aagi ne ambit wumbunuk kanggo menggaarak aakumi nogo Ineebe paga kiniki panggombunuk logorak mage o. It aakumi ti, nano kwak me, iya inombariyak mbakop? Lek aret o!

Marakut 9:18

Kugi inikime lik yi wage kenok, anobak yimbik-ngginnagak eeke, ambe wulilan nggelo agan nage logonet, eyak nggilik maake, eeke nagaatik, nggi'nggak eekkolage menggerak me, kat koone waganggwi nogo nen kugi nggiginogo wumbuwak nduk yoragarak mendek, it nen wumbuurak meek iigirak o.”

Lukat 13:11

kwe ambi kugi andi kagak, tahun 18 eereegerak me, amborowak kalenak mi'nariyak abu meek aret wonagagerak.

Lukat 13:16

Ndi, ti kenok, Abarakam ombooluk kwe yi, Ibilit nen keele maarogo porogo wonage kagak, tahun 18 eereegerak me, kit tamban eekwi paga piinogo teppuurak ti, mage me nduk, yogo ogotik?”

Lukat 8:27

Wambi wogo nogogwaarik, at Yetut yiiro paga nen nggween paga wundi wage mbareegi, aap ambi kota time mendek kugi inikime unggwagagerak nogo Yetut ka nagagerak. O maan nen oome wonaga'lek kobeewak mbanak aakumi kanggaatak piigo menggam ndoome time aret wonagagerak.

Lukat 8:42

At apuluk ambolom kolaga ndarak tawe kagak, tahun 12 eereegerak abu kambuurak eeke me, yoreegerak. Yoge mbareegi, Yetut nogo nage kagak, it aakumi ambik inom ninggi'nuk nogogwaarak.

Lukat 8:44

Kwe nogo Yetut ambo'me wage nagagerik, ayum irip eenggi pigagangge kagak, amiya eeke nagagerak nogo lek aret agagerak.

Yaya 9:1

Ti'nuk, peebi nen at Yetut tu paga nage logonet, aap ambi itok enegen mbuk ndarak nogo kagagerak.

Yaya 9:21

yogondak nonggop togon enegen obeelom agaarak nogo inom, ndi, ta nen at enegen obeelom eekerak nogo inom, nit kunduk, nineenggo'lek o. At aap koleewak aret me, at nen mban yokkiraawak nduk, yo'nip o,” yinuk, yorogogwaarak.

Nappiigak 3:2

Ala awi wurik tungga'nggi endage, Obeelom, tooneegwam nogome aap ambi endop maluk nda'nagagerak nogo nen it aakumi Ala awi wurik me unggwogwe iinok, ambe nggino yorage logowak nduk, ko'lu-kii'me wonok pi nagak mban eeko nogogwaarak me, ne ti eyom paga muk pi nogogwaarak time wonage me,

Nappiigak 4:22

At aap eerubok mendek agago obeelom eereegwaarak nogo, ndarak kagak tahun 40 aret eereegerak.