Lukat 8:38 - Ala Wone Peenok Peebi Mbanak

³⁸ Nage me, at aap kugi inikime wundi nagagerak nogo nen, “Nimbirak nawok o,” yinuk, oone nabek togon Yetut yoreegerak kwe, Yetut nen at ame nappege logonet,

Lukat 8:38 ပူးပေါင်းရင်းမြစ်များ

Ndawi 116:12

At Aliku ALA nen Obeelom mban eeppanit wundi wage menggerak me, An nen onggo nano wogoriyak mbakop? Lek o.

Ndawi 116:16

Kaliku ALA wae. An kayeloman abet aret wonage, Kwe kayeloman aagaluk an kayeloman aret wonage, Eeke agarik o. Mbutigeele maarak wonage me, Kat nen aret piinogo panggendak o.

Ndawi 27:4

Wone ambit ambi Kaliku ALA yokkiriyak mbake, Ambiriluk ambi an eeke logorak uugwe mbake, Eeke nogo yi aret. Keraambe abu obeelom lombok menggendak nogo liippagage, Kat kawi wurik me logorak ninikilom mbake, Eeke logokit nduk, An Kaliku ALA kawi wurik me wonage neegak, Mondok kambi noorak kuli ari nawak o.

Ndawi 32:7

An kumaa'nage minggim kat keebe aret o. Aaninggin noba age kero, kat unde wo'nake, “Ala nen kagap ndakerak o,” yinuk, Neebe yendok-wandok ndawi warit nogo logowak nduk, Eerogo piige, Eeke logomunggun o.

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Lukat 8:28

At nen Yetut kage nagagerik, abu'me ngginnari nage logonet, oone nggwok paga, “Yetut wae! At Tiyanak Lombok Menggerak Ala aput kat Yetut yi, an nonggop ee'nabikit nduk wagan o? An nooke keyo nduk, yokkigi o,” yoreegerak.

Lukat 8:37

Yorogo mbareegwa, it aakumi o Nggerata yi awi ndi awi time abok inagabiti abu alik lombok aganabeegerak me, Yetut iname nen wundi nawak nduk, yogo mbareegwa, at Yetut yiiro paga unggunuk, iyok paga wunda nagagerak.

Lukat 8:39

“Kame kiyok paga nage logomenggendik, Ala nen eekkakerak nogo mbininogo yorage a nak o.” Yoge mbareegi, wage nagagerik, at ame kota time abok aret, “Yetut nen ndogop ee'nakerak o,” yinuk, mbininogo yoranet nege nagagerak.

Pilipi 1:23

An Keritut nimbirak logorak ti, op lombok mbake logonet, nggween paga yime mbo punuk, ka noorak, “Ao,” mbake kwe, kit ninom logonet eeppinagarak ambi wonage mban me, niniki abu mbere ee'nake o, noreewi.