Lukat 8:33 - Ala Wone Peenok Peebi Mbanak

³³ Yorage mbareegi, kugi nogo aap inikime nen wundit nogo nogogwaarik, wam inikime unggwogo mbareegwa, wam apit aret elan me nogome yuulu agan yi yenggenak inikime tabu-tabu unggwit nogo mbareegwa, yi nogo nen ndonggoninabeegerak.

Lukat 8:33 ပူးပေါင်းရင်းမြစ်များ

Matiyut 8:32

Inoone nabek togon Yetut yogo mbareegwa, Yetut nen, “Nanip o,” yorage mbareegi, kugi nogo aap inikime nen wundi nogo nogogwaarik, wam inikime unggwi nogo mbareegwa, wam nogo abok aret elan me nogome nen yuulu agan yiime tabu-tabu unggwit nogo mbareegwa, niyo nogo nen ndonggoninabeegerak.

Lukat 5:1

Ti'nuk, peebi ne ambi paga at Yetut yi Nggenetaret yenggenak aa'nggi paga mi'ndak wonage me, it aakumi apit aret Ala wone inaruk konenuwok nduk, yagabit-kagabit kuwak eeri wogo mbareegwa,

Lukat 8:32

Puurom elan me time wam ambik ambit me inogobak eerit nugwi me, wam inikime time unggwi nawok nduk, “Nappinanu o,” yinuk, inoone nabek togon Yetut yogo mbareegwa, Yetut nen, “E o. Time aret unggwi nanip o.”

Lukat 8:34

It wam ndegeninaka nen wam yi ndonggoninake nogo kogo nogogwaarik, kole mbaganit wogo logonet, wam ndonggoninabeegerak wone nogo o kota time yorogwe, o yaga'lelo lombok nogome yorogwe, eerit nugu nogogwaarak.

Yaya 8:44

Kit yi, kinogoba Ibilit aret me, at eeriyak mbake menggerak nogo mban, Eeruwok, mbako monggotak. At o aa'nduk nen nok, yogondak kuli aakumi inooka aret menggerak o. Ala ndogop menggerak wone nogo at inikime wonage lek me, Ala ari menggerak nogo at mondok eeka'lek aret agaarik o. At pilit pugungge menggerak itok aret me, pilit pugungga iyagalo at aret logonet, at iniki nen wone ugun-ugun koombunuk, pilit-pilit pugunit nege menggerak.

1 Peterut 5:8

Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.

Wayu 9:11

Ndi, at malayikat Kambunuk Nogo Menggam mbuun ambeme unde menggerak nogo ti, it wurin inowe endagembogut inarum menggerak at aret o. At endage ti, aakumi Iberani inoone paga, “Abaron,” yogwe, ndi, Yunani inoone paga, “Apoliyon,” yogwe, eeko menggaarak. (Ndi, nit ninoone paga ti, “Pup Eerogo Piiga o,” yinuk, yogo monggoorak.)