Lukat 8:25 - Ala Wone Peenok Peebi Mbanak

²⁵ Lek age mbareegi, Yetut nen at oone waganggwi yorage logonet, “Kiniki noba panggombunuk, abet nombakwi nogo ti, nonggop agaarak me, yogo ogotik o?” Yorage mbareegi, inagabiti nen at ambi nen at ambi yogak yogo logonet, “Wologwe! O wiya inom, yi inom, yoge kenok, at oone konengge menggerak yi, ta mbakop? Wi!” yinuk, pi wareegwaarak.

Lukat 8:25 ပူးပေါင်းရင်းမြစ်များ

Kini Wuppiige 30:4

Ta nen mbogut paga lagi nanuk, wambi wage, Ta nen o wiya eenggime kuwak eerogo porogo wonage, Ta nen ayum irip paga yi kole laut nogo nggeremborogo wonage, Ta nen o nggween yi irip-irip kuli mbanogo pege, Eeke menggerak mbakop? At ti endage ta o? Ndi, apuluk kunduk, endage ngge o? Kit kineenu me, yo'ninip nda!

Kini Wuppiige 8:29

“Kuli yi o,” yoreegerak kagak niyo kole laut ugun-ugun nage logokwak, non mbanogo pege, Nggween alom ndoonogo pit nage, Eereegerak.

Matiyut 14:31

Yoge mbareegi, Yetut eenggi nggerok togon pigagangge logonet, “Kat kiniki liirogon abet nombaka'lek yi, nonggop nduk kiniki mbere wonage agandik?”

Matiyut 17:20

Yogo mbareegwa, at nen, “Kiniki liirogon abet nombaka'lek nogo paga eeriyak meek aret wonogotak o. Kit kiniki abet nombakwi nogo kulok anggen pogom logonetak en, puurom yi yogo logonet, Yime nen tayo yi nage keyaagin o, yogwi kiinok, tayo yi nage kaanetak o. Kiniki mondok abet nombakwi kiinok, kit eeriyak mbakwi nogo ambi eeriyak meek ti lek abok aret eeko logomunggup o. (

Matiyut 6:30

Iri'ngga-kale'ngga endekem mendek yogondak ki lagangge, ndi, ko'lu tekkani pugwi iinok, nengge, eeke menggerak kwe, at Ala nen enete abe eerogo pege menggerak me, at nen iri'ngga nogo mbuuluk eeppege, ndi, kit aap kiniki Ala liirogon abet ombaka'lek mendek yi, mondok iya negen eeppinagage, eerigin lek mbakop?

Matiyut 8:10

Yoreegerak nogo at Yetut aruk konengge nagagerik, “Wi!” yinuk, pi wake logonet, at inom wogwe nogo yorage logonet, “It Iterali mendek inenggela'me nen aap iniki mondok iya lombok abet nombake yogop ambi an kaga'lek aret agarik o, yinuk, abet aret yokkiragi o.

Matiyut 8:26

Yogo mbareegwa, Yetut nen, “Kit kiniki liirogon abet nombaka'lek monggotak yi, nonggop nduk kinagabiti yogo ogotik?” yorage nagagerik, mi'na'nuk, o wiya inom, yi kilaarak-mogonik eeke inom, mberege mbareegi, abolok abu lek puk aret agagerak.

Marakut 4:35

Ne ti paga, o kiip age kagak, Yetut nen at oone waganggwi nogo yorage logonet, “Yi ene paga wunda nawok o,”

Lukat 12:28

Iri'ngga-kale'ngga endekem yogondak ki lagangge, ndi, ko'lu tekkani pugwi iinok, nengge, eeke menggerak kwe, at Ala nen enete abe eerogo pege menggerak me, at nen iri'ngga nogo mbuuluk eeppege, ndi, kit aap kiniki at Ala oba panggombunuk, liirogon abet mbaka'lek mendek yi, kit mondok iya lombok eeppinagage, eerigin lek mbakop?

Lukat 8:24

Tebe agan wambuurak eeke mbareegi, Yetut owagam nogo nogogwaarik, eenik eeppunuk, “Ninogoba wae! Ninogoba wae! Yi abu ndonggonninake agaarik o.” Yogo mbareegwa, at eenik a'nuk, o wiya inom, yi kilaarak-mogonik eeke inom, mberege mbareegi, puk a'nuk, yi yenggenak nogo abolok lek agagerak.

Lukat 8:26

Pi wako nogogwaarik, yi Nggalileya ene paga nen o Nggerata wambi wogogwaarak.

Yaya 11:40

Yoge mbareegi, Yetut nen, “Kat kiniki noba panggombunuk, abet nombake keenok, Ala endage abu tiyanak logonet, eeke menggerak kaamunggun o, yokkigirak nogo lek a?”