Lukat 8:2 - Ala Wone Peenok Peebi Mbanak

² it kumi ando kugi inikime unggwagagerak kunduk, andi-pandi aganabeegerak kunduk, at Yetut obeelom eeginabeegerak nogo ti, inom aret nugu nogogwaarak. It kumi obeelom aganabeegerak nogo ti, kwe Mariya endage ambi Magaralena yogo nogogwaarak inikime nen kugi ineebe 7 wumbiyareegerak nogo inom,

Lukat 8:2 ပူးပေါင်းရင်းမြစ်များ

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Marakut 16:1

It Yakuri tamban eeppunuk, o kiip age mbareegi, kwe Mariya awi Magaralena mendek nogo inom, Yakobut agalo Mariya inom, kwe Talome inom, it nogo nen eyoonggen obari obeelom mendek Yetut oba mbeenogo puwok nduk, onggo pi nogogwaarak.

Marakut 16:9

Tamban eekak yuurak ne iyaalok warennagagerak Hari Minggu paga kuubondendok at Yetut nogo eenik a'nuk, mi'nage nagagerik, at kwe Mariya awi Magaralena mendek kugi 7 inikime lik yereegerak nggiginogo wumbiyareegerak nogo, aa'nduk lombok nikkagagerak. Nikkage mbareegi,

Lukat 23:27

It aakumi apit at mugurok nogo logonet, kumi ando nen aleenggu maakwi, ineebe wakkologwe, eerit inom nogogwaarak.

Lukat 23:49

Ndi, at Yetut inom kunik nogo inom, it kumi o Nggalileya nen at inom wogogwaarak nogo inom, tayorogon taati mi'ndak logonet, eeke nogo abok aret inigen kogogwaarak.

Lukat 23:55

Ndi, it kumi Yetut inom o Nggalileya nen wogogwaarak nogo Yutup mugurok nogo nogogwaarik, ndo nenaarak inom, Yetut eebe wanenogo pereegwaarak inom, inigen kogogwaarak.

Lukat 8:30

Kugi nogo nen Yetut yoge mbareegi, at Yetut nen, “Kat kendage yu o!” Yoge mbareegi, kugi ineebe ambik aap nogo inikime unggwogogwaarak wonogwe me, “An nendage Ambik o,”

Yaya 19:25

Eekwi iigak, at Yetut agalo inom, at agaloluk inom, kwe Mariya aap Keleyopat akwe nogo inom, ndi, Mariya awi Magaralena mendek nogo inom, Yetut eyo karo-karo aago abu'me taati aret wonogogwaarak.

Nappiigak 1:14

It kumi ando inom, at Yetut agalo Mariya inom, Yetut awuri ambokan mendek inom, time inom lambunik logonet, iniki ambit a'nuk tamban mban eeko nogogwaarak.