Lukat 8:17 - Ala Wone Peenok Peebi Mbanak

¹⁷ Yi mendek ndi mendek kumaarak wonage kenok, pilak ari, ndi, wone inikime taberak wonage kenok, nggwok paga aret pagak ari, eerigin o.

Lukat 8:17 ပူးပေါင်းရင်းမြစ်များ

Kini Wuppiige 26:26

Anini nen aap eeppiyoorak mbake nogo ti, kumaarak kagak oone abe agan nage menggerak kwe, Maluk eebe eerit nage paga perak, aakumi abok inigen kogo menggaarak.

Matiyut 10:26

Wone ambinom yorage logonet, “Ti kenok, yi eekwi ndi eekwi nobarak wonage kenok ti, tena'me aret age, ndi, kumaarak wonage kenok ti, pagak ari, eerigin me, it aap ti, kinagabiti inombarugup o.

Marakut 4:22

Yi mendek ndi mendek kumaarak wonage ti, tena'me age, ndi, yi wone ndi wone inikime tebenak wonage ti, pagak ari, eerigin o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.