Lukat 8:15 - Ala Wone Peenok Peebi Mbanak

¹⁵ Ndi, nggween mili paga wambit nagagerak nogo perak, it aakumi wone konembunuk, iniki abe lombok paga pippak waganggo nagaatik, nabenak mban eeko logonet, anggen yikkologo menggaarak nogo aret o,” yinuk, yoragagerak.

Lukat 8:15 ပူးပေါင်းရင်းမြစ်များ

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Ndawi 51:10

Ala wae. Niniki kikak naka'lek eerogo panege, Niniki nu'lek logokit nduk, Niniki ngget mendek eerogo panege, Eeru o.

Kini Wuppiige 3:1

Naput wae. Kogoba an nen wone mamunggege nogo mari eerogo mbo puurak mage o. Ata, “Yogop ee'nu ndogop ee'nu,” wone yokkege nogo kinikime liirogon porogo logot o.

Yeremiya 15:16

Komaawi Lombok Menggendak Kaliku Ala wae. An paga kendage wiganit nege me, koone ari konengge nagarik, abu liirogon waganggirak paga Ninikime mondok lik yi unggwage logonet, nale'nggen nggwok ee'nabit unggwage, eeriyak ninikilom mbake, Eekirak o.

Yeremiya 31:33

“Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak yoragagirak nogo inikime nabenogo piige, Inikime liiru negen mbanogo piige, Eerigin me, An nen it inogoba age, ndi, it nen an napuri ogwe, Eerugun o.

Yeremiya 32:29

It Mbaben mendek o yi tebenggola ungguwok nduk eekwi nen unggwi wa'nuk, o yi, kani pogo logonet, it aakumi inawi kirin ndoonak paga obari abe kaga kugi Mba'an ake kani kunggwi, an neegak kwe, anggur amburu inagugi inake kilirogo pugwi, eekwi paga nanini mbareegirak inawi wurik nogo, inom kani pit namenggaarak pup eerogo nanet nage logogin,” yo'nereegerak o.

Matiyut 24:13

Togop aret arit wage kagak kwe, kiniki kwi'ndak nu'lek kiigak, o age yobok yi wage kenok, kinagap ndarigin o.

Lukat 11:28

Yoge mbareegi, at Yetut nen, “At nogo mban lek o. It Ala wone liirogon konembunuk, eerit nugu menggaarak iinok perak, iniki ale'nggen aret mbako logogun o,” yinuk, yoragagerak.

Lukat 6:45

Aap abe mendek inikime yugu abe mendek nogo paga obeelom mban eeke menggerak. Ndi, aap maluk mendek inikime yugu maluk mendek nogo paga maluk mban eeke menggerak. Inikime uum kilu-kilu wungge logonet, ambe paga nen ari menggerak o,” yoragagerak.

Lukat 8:14

Iri'ngga alok-palok me wambit nagagerak nogo ti, it aakumi wone inaruk konenggwi kwe, ambi eeriyak nduk, Ao, yinuk, iniki piirik wonogwe, ineenggi warak eekkoloorak mban iniki aberit nugwi, nggween paga ale'nggen logorak mban iniki koonit nugwi, eerit nugu logonet, wone yugu nogo mbanogo wuppogo menggaarak nogo aret o. Anggen abe mendek abu yugulik aret menggaarak.

Lukat 8:16

Yorage nagagerik, ambinom yorage logonet, “Ndi wuninogo punuk togolowak paga nobappugwi, nogo yugu menggam abu'me pugwi, ti eekulik o. Ata, wuninogo punuk, it aakumi tu unggwi wogwe nogo eya kaawak nduk, tena'me tiyarogon aret pogo menggaarak.

Yaya 14:15

Yorage nagagerik, ambinom yorage logonet, “Kit an kiniki kunik ee'nakwi kiinok, an nen, Yogop ee'nu, ndogop ee'nu, yokkirage minggirak nogo aret eeko logomunggup o.

Yaya 15:10

Nogoba nen, Yogop ee'nu, ndogop ee'nu, yo'nereegerak nogo an eeke nagagirak paga iniki kunik ee'nabeegerak nogo kwak, an nen, Yogop ee'nu, ndogop ee'nu, yokkirage nogo eekwi kiinok, niniki kunik eekkinabigin me, ninom kunik aret logomunggup o.

Oroma 2:7

It aakumi ando nen mbako logonet, “Ala nen tiyappinanege logonet, ninayuk warak agago nabelan-kabelan wo'niraagin o,” yinuk, iniki mondok kwippunuk, puk aga'lek obeelom mban eerit nogwe iinok ti, Ala nen ineenik mondok logorak mendek wogoraagin o.

Oroma 6:22

Ndi, yogondak perak, kit maluk ayeloman wonogwe kiinok, Ala nen wondet eerogo pinagage nagagerik, at ayeloman logobagip nduk, eerogo pinagareegerak paga eyo anggen yi'nage menggi kwak, at nen leenogo pinagareegerak me, at ake eerit nogo logonet, irip paga kineenik mondok logorak mendek kologo logomunggup o.

Oroma 7:18

An obeelom eerikit mbakitak kwe, eeriyak meek tit aga o. An aakumi aret me, ninikime obeelom ambi eeriyak ee'naka'lek aret neenu agarik o.

Oroma 7:4

Noreewi o. Ti ndak-ndak, kit kunduk, anggen yi'nage menggi kwak, Ala ake eeko logobagip nduk, at kanggo menggam nen eenik agagerak nogo kinogonggelo negen a'nuk, at oone konenggo logobagip nduk, Keritut kinom kunik logonet, kambeegutak nogo paga Muta yoreegerak wone nogo lek aret agagerak o.

Oroma 8:25

Nit ninigen kaga'lek mendek kaawok nduk, niniki lunik wonogwe kenok, niniki mondok kwippunuk, tokkogo monggoorak.

1 Korindut 7:19

Kinagabolo mbanak inom, kinagabolo mbanak lek inom, ti iya lek o. Ata, at Ala nen “Yogop ee'nu, ndogop ee'nu,” yo'nirage menggerak nogo eerit noorak kenok perak iya o.

Epetut 2:8

Kit abet mba'nuk, kiniki at oba panggombugwi kiinok, kinabuwa nen iniki kunik eekkinake logonet, kinagap ndareegerak o. Kit ambi eekkologogutak paga eeppinagulik o. Ata, Ala nen onggo lek we aret eeppinagareegerak o.

Pelaareegerak 30:6

Eerogo pinagage kenok, kit kineenik wonogo logonet, kiniki kineebe abok aret at Aliku kinogoba Ala kiniki kunik logomunggup nduk, at Aliku ALA nen kit inom, kinapuri-kinombowologwe inom, aakumi inagabolo mbanggo mengga kwak kiniki omaawi wonage nogo lek eerogo mbo pege,

Kolote 1:10

Kinake tamban eekwi ti, ninowe inikilom kinombaruwak nduk, ndak-ndak eerit nogo logonet, eyoonggen abe yi'nage menggi kwak, obeelom eerit nogwe, ndi, Ala eeke menggerak kineenu ogo logonet, kiniki kole ogwe, eerubagip nduk, kinake tamban eeko monggoorak.

Kolote 1:6

Obeelom wone kinaruk konenggwi, Ala abet aret iniki kunik en eeppinagage menggerak wone nogo liippugwi, eeko nogogutik, abet mba'nuk, waganeegutak kuli nen, yogondak awo aret kinenggela'me nen wiganinuk nage me, eyoonggen yi'nage menggi kwak, yi o ndi o abok togop aret wiganinuk nage logonet, anggen abu alik negen yi'nage agaarik o.

Iberani 10:36

At Ala nen ari logonet, “At woroorak nogo ti, elaambirik logonuk woraagin lek o. At mbet-mbet aret woraagin me, it an napuri iniki abe koonak nogo nen iniki noba panggombunuk abet mbakwi iinok perak, mondok-mondok ineenik aret logogun o. Ndi, it abet nombakwi nogo mbo pugwi iinok ti, an inabuwa inombarigin lek o,” yinuk, yereegerak me, Ala nen kit eeko logorak kinombareegerak nogo, abu eekwi kiinok, wokkiroorak yereegerak nogo wokkiraawak nduk, maluk eeppinagagwi iigak kwe, kinogogumbuk logonet, waganggo logonip o.

Iberani 2:1

Togop me, nit Ala wone ninaruk konembunuk waganeegurak nogo, mbo punuk nomo agan nogwe niyo, ambinom nggirik-nggerok agago porogo logowok o.

Yakobut 1:4

Kit kiniki mondok kole eekkinake, ndi, abu obeelom eekkinake, eeke nogo ambi yobok yigin lek abok ndak-ndak eekkinabuwak nduk aaninggin-paaninggin kinoba age me, kiniki kwi'ndak logonet, waganggo logonip o.

1 Yaya 2:3

Ala nen, “Yogop ee'nu, ndogop ee'nu,” wone yo'nirage nogo ndak-ndak eekwi paga, “Nit Ala apuri abet aret wonogwe kogo o,” yinuk, yogo monggoorak kwe,