Lukat 7:6 - Ala Wone Peenok Peebi Mbanak

⁶ Yogo mbareegwa, Yetut inom wogogwaarak. Aap nogo ame awo wok yi wogwe iigak, aap yigin unde inowe nogo nen oreewi yonggo nappiyareegerak Yetut owagam nogo nogogwaarik, “Ai, ninogoba! Aap ninore yigin unde nen, Iyok aanom warogo woraagurik o. An aap mbuuluk me, at nen an name unggwi woroorak meek o.

Lukat 7:6 ပူးပေါင်းရင်းမြစ်များ

Wakkagagerak 32:10

Ari nagagerik, “An aa'nduk tu yi paga niyo Yoraran ene paga wundage logonet ti, we waanggun ambit mban neenggime aret wundagagirak kwe, yogondak perak, nineebe mbere aago wogwe me, nogoba kat kayeloman an nogo nobaabut maluk tit neegak kwe, kat nabuwa nen yo'nege nogo liippaninuk obeelom eeppanege menggendak o.

Kini Wuppiige 29:23

Aap iniki tiyappatit nage nogo aap nen tebenogo pogo menggaarak kwe, Aap iniki tebenak wonage kenok perak, endage tiyappogo menggaarak.

Matiyut 3:11

Kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o.

Marakut 5:24

imbirak aret nagagerak. Imbirak nage me, it aakumi ambik at ambokan ninggi'nuk, nogogwaarak.

Lukat 5:8

Timon nen yiiro nogo imbirak tebenikit nduk eeke kage nagagerik, Yetut abu'me tebe yinuk, “Nogoba o. An aap abu maluk mendek me, nogole nen mbaganu o,” yinuk, yoreegerak.

Lukat 7:4

Nappiyareegerak Yetut owagam nogo nogogwaarik, inoone nabek togon yogo logonet, “At aap ti, aakumi nit mendek ninom niniki kunik ee'ninake, ndi, at lombok nen nit tamban eeko monggom o wuppinanege, eeke nagagerak me, ayeloman obeelom eeri noorak ti op o.”

Lukat 7:7

Ndi, at owagam noorak kunduk, an mbarulik mban o. Oone mban yemenggerak paga nayeloman obeelom arigin o.

Lukat 8:49

Awo yoge kagak, aap ambi it Yakuri tamban eeko menggam unde inowe ame nogome nen wage nagagerik, aap Yariyut nogo yoge logonet, “Kapuluk muk kanggerak me, ninogoba Ngguru yi, tu aanom warogo wonok nagun o.”

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Yakobut 4:10

Ala abu'me kiniki tebe yinip o. Tebe yogwe kiinok, at nen kit aret tiyappinagagin o.

Yakobut 4:6

Aberiniki iniki togop aret wakkolage kagak kwe, maluk mbo puwak nduk, Ala iniki kunik nen eeppinanegak mban eeke menggerak. Ti kenok, Ala nen ari logonet, “It aakumi iniki wogoppako menggaarak nogo, an nen tebenogo piige minggirak kwe, Iniki tebenak menggaarak nogo perak, niniki kunik nen eeppiige minggirak o,” yinuk, yereegerak Ala wone liiru mbanak wonage o.