Lukat 7:45 - Ala Wone Peenok Peebi Mbanak

⁴⁵ Kat nen an kambu'nirulik kwe, at perak, an unggwi wagarak kuli nen yogondak kuli puk aga'lek naganak paga pirik-perek mban ari agaarik o.

Lukat 7:45 ပူးပေါင်းရင်းမြစ်များ

Wakkagagerak 29:11

Wogorage nagagerik, “An ti, kat kogoba awuluk Iribaka nogo aagaluk an aret o,” yinuk, ale'nggen nen Araken agandin eyak mbangge logonet, oone nggwok paga leenggu maareegerak. Leenggu maake mbareegi, at kolaga Araken nogo ame nggare agan ogoba yori nagagerak.

Wakkagagerak 33:4

Nogo eeke kagak, at Etawu nogo nggare agan Yakup ka nage nagagerik, lamooppunuk, agandin eyak mbangge, eenggi enggaanok me komamin wappunuk, leenggu maakwi, eereegwaarak.

2 Tamuwen 15:5

Ndi, it aakumi nen Abatalom owagam wogo nagaatik, abu'me tebe yinuk, ayuk wukwi iinok, at Abatalom nen lamooppiinok, inagandin eyak mbaninake nagagerak.

2 Tamuwen 19:39

Ndi, at Ndawut inom wonogogwaarak nogo, niyo Yoraran wunda wogo mbareegwa, aap endagembogut Mbaritilayi imbirak wunda wage nagagerik, aap Mbaritilayi keyage wappege logonet, agandin eyak mbambunuk, ale'nggen oba pege mbareegi, aap Mbaritilayi nogo iyokan ame aret nagagerak.

Matiyut 26:48

Ndi, at Yetut eebe waruwak nduk, onggo mbaneegerak nogo nen, aa'nduk inom wone mbangge logonet, “Yelok kaabagip nduk, an nen at ambi kambugege neenok, Aap nogo ti aret, mba'nuk, piganu o,” yinuk, wone inom mbaneegerak me,

Oroma 16:16

Kit nen keyage wat-wat eeko logonet, “Ala apuri o,” yinuk, linggik-kambuk yogo logonip o. Ndi, it Keritut wone waganeegwaarak paga kuwak eeko menggaarak yime nogo nen abok aret keyage wappinagaga o.

1 Korindut 16:20

Ndi, it ninoreewi Ala apuri yime abok nen keyage wappinagagwi mban o. Kit-kit aret keyage wako logonet, linggik-kambuk yogo logonip o.

Epetut 6:4

Kit aap kinapuri wonogwe kenok, inanini aruwak nduk, eeppiyaagup o. Ata, Ala wone mugurok nogo logowak nduk, inaruk wakwi, Ala wone mamunirogwe, eeko logonet, tawe eeginako logonip o.

1 Tetalonika 5:26

Keyage wat-wat yogo logonet, kiniki kunik paga linggik-kambuk yogo logonip.