Lukat 7:39 - Ala Wone Peenok Peebi Mbanak

³⁹ “Aap Pariti, Yetut nimbirak mbi noorak,” yoreegerak nogo nen kwe nogo eeke kage nagagerik, iniki mbake logonet, “Kwe yi, maluk eeke menggerak me, aap yi nogo Ala nen yoge kagak yoraga mendek abet aret logonetak en, Kwe yi maluk eeke menggerak nen aret pi'nake kagi, yinuk, ti maan yelok kaanetak,” mbareegerak.

Lukat 7:39 ပူးပေါင်းရင်းမြစ်များ

2 Endagembogut 5:20

at Ala wone liirogon eeka Elita ayeloman Nggekati nen iniki mbake logonet, “Aap Aram mendek Naman yi nen amendek nogoba wogogerak woolik, We nak, yogerak nogo ti, nonggop nduk, eekerak? Ambi wo'niruwak nduk, mbe agan mugurok na o,” yinuk, Aliku ALA endage kumbunuk mugurok nagagerak.

Matiyut 20:16

Togop me, it peebi mendek nogo ti, inaa'nduk ogwe, ndi, inaa'nduk mendek nogo ti, peebi ogwe, eerugun o,” yinuk, yoragagerak.

Matiyut 21:11

Yogo mbareegwa, it aakumi kuwak aago nogo nen, “Aap yi, Ala nen yoge kagak yo'niraga o Nggalileya awi Nataret mendek Yetut nogo aret o,” yinuk, yorogogwaarak.

Marakut 7:21

Kinikime nen maluk eeriyak koonggwi, komologwe tawe ugun eeginabit nugwi, yogoot waganggwi, aap wakwi,

Lukat 12:17

Anggen yugu ka'let age mbareegi, iniki koongge logonet, Yakirak anggen yugu mbanak puurak o lek me, nonggop eeri?

Lukat 15:2

Owagam nagak eeko mbareegwa, it Pariti mendek inom, it Ala wone liiru mbanak unde inom, nen Yetut it aap ti inom wonogwe iigo nogogwaarik, ineebi-ineeba yogo logonet, “Aap yi, aakumi maluk eeka wogonake nagaatik, inom mbi nengge menggerak kiraap!” yogogwaarak.

Lukat 16:3

Yoge mbareegi, ayeloman nogo iniki koongge logonet, Nogoba nen o arum logorak lek, yo'negerak me, an nonggop eeri o? Nomaawi lek me, nggween kabungge logorak ti, meek o. Ndi, nggino yoranet nege logorak ti kunduk, nagabiti o.

Lukat 18:4

Yoge nagagerak nogo aap owak loongga nogo nen aa'nduk eebi mbareegerak kwe, peebi iniki koongge logonet, An Ala nagabiti mbake, ndi, aakumi inayuk wuke, eekeelik kwe,

Lukat 3:8

Kit maluk eeko monggotak nogo, kiniki koombunuk mbo pogotak kenok, eyo anggen abe yi'nage menggi kwak, ndak-ndak aret eeko logonip o. Kit kinikime nen mbako logonet, Ninombo ti, Abarakam aret me, nit obeelom aret o, mban mbakwi ti mage o. At Ala nen, Yugum yi, at Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Lukat 7:16

Agalo nogo wogoge mbareegi, it aakumi apit inagabiti ambik a'nuk, Ala wogoppogo logonet, “Aap Ala nen yorage kagak yoraga mendek nggwok ambi ninenggela'me nen mi'naga o,” yogo nogogwaarik, “At Ala nen at apuri wonde'niya wagaarak kogo o,” yinuk, yereegwaarak.

Lukat 7:37

Kwi'nage mbareegi, o kota time kwe maluk eeka ambi nen Yetut aap Pariti ame kwi'ndak mbi nengge konengge nagagerik, amburu obari abe mendek yugum yiiwak mendaarak me, toolak wonok wagagerak.

Lukat 7:38

Wonok wage nagagerik, Yetut iyok unggu'me ambokan taati mi'nari wage nagagerik, le ari logonet, ale amburu paga Yetut iyok miin eeke, ti'nuk, eeruwak paga wolombege, eeppege nagagerik, aganak paga pirik-perek ari logonet, amburu nogo iyok paga kilippereegerak.

Lukat 7:40

Mbake kagak, at Yetut nen, “Timon wae. An wone ambi yokkirikit mbakirak me, yokkiri o.” Yoge mbareegi, at nogo nen, “Yo'niru o, nogoba.”

Yaya 4:19

Yoge mbareegi, kwe nogo nen, “Ai, nogoba! Ala nen yorage kagak yoraga mendek kat aret keegi o.

Yaya 7:12

It aakumi ambik lakome wogogwaarak nogo nen yagap wone paga Yetut abok ambik mbanggo logonet, ando nen, “At aap obeelom aret o,” yogwe, ndi, ando nen, “Lek o. At nen aakumi nomoninake menggerak aret o,” yogwe, eeko nogogwaarak kwe,

Yaya 9:24

Togop yorogo mbareegwa, it Yakuri mendek nen aap enegen mbuk wonagagerak nogo ambinom wiigo nogogwaarik, wage mbareegi, yogo logonet, “Wulaga! Aap nogo maluk eeke menggerak nit nineenu me, Ala enggaanom paga koone mondok abet aret yu o.”