Lukat 7:34 - Ala Wone Peenok Peebi Mbanak

³⁴ Ndi, an aap aret nda'nagagirak nogo mbi inom, amburu inom, ugun nenet wagagirak me, kit nen yogo logonet, Mbi inom, anggur amburu inom, lagap mban agan nenet nege logonet, it aap o unde inake wu kuwak eeka inom, aap maluk eeka abok inom, inom kunggo'net nage yi, kaanip o, yinuk,

Lukat 7:34 ပူးပေါင်းရင်းမြစ်များ

Matiyut 11:19

Ndi, an aap aret nda'nagagirak nogo, mbi inom, anggur amburu inom, nenet wagarak me, kit nen yogo logonet, At mbi inom, anggur amburu inom, ugun lagap mban agan nege, it o unde inake wu kuwak eeka inom, it aap maluk eeka inom, iniki kunik eeginake, eeke yi, kaanip o, yinuk, yo'nogo monggotak kwe, Ala iniki warak nen koonit nage nogo ti, it eeko menggaarak abok aret eekwi paga obeelom aret kogo logogun o,” yinuk, yoragagerak.

Matiyut 5:46

It aap iniki kunik eekkinakwi nogo mban kiniki kunik eeginakwi kiinok, ti paga onggo ambi koloorak mbakop? It o unde inake wu kuwak eeko menggaarak nogo nen eeko menggaarak nogo mendek mban eekwi me, kit onggo koloorak lek aret mbako logonip o.

Matiyut 9:11

Inom mbi nunggwi nogo it aap Pariti mendek nen iigo nogogwaarik, Yetut oone waganggwi nogo yorogo logonet, “Kinowe ngguru yi, it aap o unde inake wu kuwak eeka mendek inom, it maluk eeka mendek inom, inom lambunik logonet, nonggop nduk mbi nengge agaarik o?” yinuk, yorogogwaarak.

Lukat 11:37

Wone ti yorage mbareegi, aap Pariti mendek ambi nen, “Nimbirak mbi nawok nduk, omok o,” yinuk, Yetut yoreegerak. Yoge mbareegi, at Yetut aap nogo ame unggwi nage nagagerik, mbi naakit nduk, kwi'nagagerak.

Lukat 14:1

Peebi ne ambi paga at Yetut nen it Yakuri tamban eekwi paga mbi noorak nduk, aap Pariti inowe ambi ame unggwagagerak me, aakumi nen at inigen wonok nugu nogogwaarak.

Lukat 15:2

Owagam nagak eeko mbareegwa, it Pariti mendek inom, it Ala wone liiru mbanak unde inom, nen Yetut it aap ti inom wonogwe iigo nogogwaarik, ineebi-ineeba yogo logonet, “Aap yi, aakumi maluk eeka wogonake nagaatik, inom mbi nengge menggerak kiraap!” yogogwaarak.

Lukat 19:7

Yetut imbirak nage it aakumi nen kogo nogogwaarik, ineebi-ineeba yogo logonet, “Aap maluk eeke menggerak imbirak ame nogo yuurak nduk, nogwe yi kiraap?”

Lukat 5:29

Ti'nuk, aap Lewi nogo ame Yetut anooniya nggwok lareegerak. Lareegerak me, it aakumi kuwak aago apit aap o unde inake wu kuwak eeka inom, aakumi ugun nogo mendek inom, laago noorak nduk, Yetut Lewi imbirak inom mbi nunggwi me,

Lukat 7:33

At Yiime Wuppiiga Yaya nogo mbi inom, anggur amburu inom, nengga'lek aret wagagerak kwe, kit nen, Kugi inikime unggwegerak o, yogo monggotak.

Lukat 7:35

yogo monggotak kwe, Ala iniki warak nen koonit nage nogo ti, it eeko menggaarak abok aret eekwi paga obeelom aret kogo logogun o,” yinuk, yoragagerak.

Lukat 7:36

Ti'nuk, aap Pariti mendek ambi nen Yetut imbirak mbi nawok nduk, “Mok o,” yoge mbareegi, at ame unggwage nagagerik, mbi naakit nduk, kwi'nagagerak.

Yaya 12:2

Nage mbareegi, it aakumi time nen anooniya lareegwaarak me, Marata nen laago tumburirage kagak, aakumi Yetut inom kwi'na'nuk mbi nunggwi me, Latarut inom nenggegerak.

Yaya 2:2

Ndi, Yetut at oone waganggwi mendek inom aap kwe kolage me nogome woraawak nduk, inayonggo pereegwaarak wogogwaarak me,