Lukat 7:33 - Ala Wone Peenok Peebi Mbanak

³³ At Yiime Wuppiiga Yaya nogo mbi inom, anggur amburu inom, nengga'lek aret wagagerak kwe, kit nen, Kugi inikime unggwegerak o, yogo monggotak.

Lukat 7:33 ပူးပေါင်းရင်းမြစ်များ

Matiyut 10:25

at wone wagangga ambi nen at wone mamunega nogo imbirak ndak-ndak age kenok perak, op aret o. Ndi, ayeloman nogo nen ogoba nogo imbirak ndak-ndak age kenok ti, op mban o. Aap inowe o unde endage, Mbeletebut o, yogwi iinok, at awuri ti, abunuk yorogo logogun o,” yinuk, yoragagerak.

Matiyut 3:1

O ti eyom paga Yiime Wuppiiga Yaya nogo nen o Yureya karume aakumi lek me nage nagagerik, aakumi yorage logonet,

Matiyut 3:4

At Yaya nogo, ayum ti, unta eeruwak paga ogobakkigirogo yikkolage, ndi, agabolo poorogo agabee'le yikkolage, eeppunuk logonet, at ambi ti, yibila inom, nggiin amburu inom, nengge nagagerak.

Marakut 1:6

At Yaya nogo unta eeruwak wiirogo ayum ogobakkigirogo yikkolage, agabolo poorogo agabee'le yikkolage, eeppunuk logonet, at ambi ti, yibila inom, nggiin amburu inom, nengge nagagerak.

Lukat 1:15

At ninogoba Ala nen at aap nggwok aret kaagin o. Ndi, anggur amburu inom, amburu omaawi kumili aganake mendek inom, at nengge logogin mondok lek aret o. At awo agalo inikime nen Aberiniki inikime mondok liinik nda'narigin o.

Lukat 7:32

Lek o. Wologwe mbuulogwe aakumi kuwak eeko menggam yine kunit it mban-mban wone onggo-onggo agan nugu logonet, Nit ndawi tiyanggirogoorak kwe, kit eebe wakwi lek. Ndi, leendawi tiyanggirogoorak kwe, kit le yogwe lek, agan nugwi nogo pogom kit togop aret agan nugwi kiigi o.

Lukat 7:34

Ndi, an aap aret nda'nagagirak nogo mbi inom, amburu inom, ugun nenet wagagirak me, kit nen yogo logonet, Mbi inom, anggur amburu inom, lagap mban agan nenet nege logonet, it aap o unde inake wu kuwak eeka inom, aap maluk eeka abok inom, inom kunggo'net nage yi, kaanip o, yinuk,

Yaya 10:20

Eekkologo logonet, it ando nen, “At kugi inikime lik ari nagaarik, kumili kunggerak kagak, nonggop nduk at oone konenggo ogotik?”

Yaya 8:48

Yorage mbareegi, it Yakuri mendek nen, “Kat aap Tamariya mendek kugi kinikime lik yegerak, yokkogoorak nogo ti, abet aret nogo lek a?”

Yaya 8:52

Yorage mbareegi, it Yakuri mendek nen at Yetut yogo logonet, “Wone yagandak ti paga kugi kinikime liinik abet aret keego o. At Abarakam inom, Ala nen yorage kagak yoraga inom, kambeegwaarak kagak, kat nen, Aap ambit ambi an noone liippunuk, mugurok nage kenok, kambigin mondok lek o, yagandak ti,

Nappiigak 2:13

it ando nen, “Lek o. It anggur amburu nonggo nagaarik, kumili-kumili negen agan nugwi, ha!” yinuk, inagi'ndok kambeegwaarak.