Lukat 7:29 - Ala Wone Peenok Peebi Mbanak

²⁹ At Yetut yoragagerak nogo ti, it aakumi abok aret aap o unde inake wu kuwak eeka inom konenggo nogogwaarik, at Yaya nen it yiime wuppiyareegerak me, “Ala ti, abu obeelom eeke menggerak o,” yinuk, yereegwaarak.

Lukat 7:29 ပူးပေါင်းရင်းမြစ်များ

Ndawi 51:4

Kat aret maluk eeppagage, Aap alik lek kat lombok maluk eeppagage, Maluk eeriyak keebi mbake menggendak nogo kagak aret eeke, Eekirak me, Eekirak onggo eeppaniyak nogo ti op aret mbake, Ndi, nowak loonogo punuk, Aaninggin noba paniyak mbake nogo ti, a'me nggelok aret eeppanumunggun kombake, Eeke agarik o.

Matiyut 5:46

It aap iniki kunik eekkinakwi nogo mban kiniki kunik eeginakwi kiinok, ti paga onggo ambi koloorak mbakop? It o unde inake wu kuwak eeko menggaarak nogo nen eeko menggaarak nogo mendek mban eekwi me, kit onggo koloorak lek aret mbako logonip o.

Lukat 20:6

Ndi, nit nen, Aakumi nen yoreegwaarak paga yiime wuppiige nagagerak o, yogwi niinok, Ia! It aakumi abok aret, At Yaya ti, Ala nen yoge kagak yoraga mendek mbakwi me, yugum paga ninoorugun o,”

Lukat 3:12

Yorage nagagerik, wonage me, it o unde inake wu kuwak eeka nogo nen kunduk, “Yiime wuppinanuwak o,” yinuk, at owagam nogo nogogwaarik, “Ngguru wae. Nit nonggop eeruwi o?”

Lukat 7:28

At Yaya endage warak lombok nda'nagagerak kokwak it kumi inaagalogwe togop ti, ambi ndaganakulik kwe, Ala abu'me piige menggim inendage lek tebenak wonogwe nogo ti, Yaya tiyanak kagak at irimbaga lombok aret logogun o, yinuk, yokkiragi o.”

Lukat 7:35

yogo monggotak kwe, Ala iniki warak nen koonit nage nogo ti, it eeko menggaarak abok aret eekwi paga obeelom aret kogo logogun o,” yinuk, yoragagerak.

Nappiigak 18:25

Nage nagagerik, ninogoba Yetut eereegerak wone at yogwi iinok, liirogon waganeegerak me, Yetut eeke nagagerak wone abet aret mamunirage, iniki aganggen kerek togon yorage, eeke nagagerak kwe, Aberiniki wambi wagagerak eenggo'lek, we Yaya yiime wuppiige nagagerak wone nogo mban eenu me yorage nagagerak.

Nappiigak 19:3

Yogo mbareegwa, “Ti kenok, nano wone konenggo mbareegup, yiime wuppinagareegwaarak o?” Yorage mbareegi, it nen, “Lek o. At Yaya wone yo'nirogogwaarak koneneegurak nogo paga yiime wuppinaneegwaarak o,” yoreegwaarak.

Oroma 10:3

Ala nen aakumi obeelom agago piige menggerak wone liippega'lek logonet, “Nit ninalik nen obeelom eekkolaawok,” mba'nuk, Ala obeelom agago piyoorak wone nogo, “Waawi o,” yinuk, wagangga'lek aret wonogogwaarak.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.

Wayu 16:5

at malayikat niyo ti, unde menggerak nogo nen ari logonet, “Aa'nduk wonagagindak yogondak wonage kat nogoba Ala kalik leenak kitok obeelom logonet, a'me nggelok mban eeke menggendak me, It maluk eekaarak onggo kanini inoba piige yi ti, op aret eeke keegi o.

Owak Loongga 1:7

Mbanogo pogo mbareegwa, at Aroni-Mbetek nen ari logonet, “An nen aap inendagembogut lombok ineebe 70 nogo ineenggi iyagalo imbirak inom, iniyok iyagalo imbirak inom, mbanogo piyareegirak wonogo logonet, nambi nengge neegak, nageyo ndoonak abu'me ameneno wanggetak anebenogo nonggo nogogwaarak nogo ndak-ndak, Ala nen inamee'nggo ee'naki o,” yinuk, ari mbareegi, at eebe o Yerutalem wonok nogogwaarak me, time aret kambeegerak.