Lukat 7:25 - Ala Wone Peenok Peebi Mbanak

²⁵ Nano mendek kaawok nduk nogotak? Aap ambi yum kigirikwe yirik kaawok nduk, nogotak? Wologwe! Yum kigirikwe yikwi, obeelom mban wonogwe, eekwi nogo ti, aap inendagembogut iname nogome mban menggaarak o.

Lukat 7:25 ပူးပေါင်းရင်းမြစ်များ

2 Tamuwen 19:35

An nda'nagagirak neegak, tahun 80 aret agaarak me, an nen, Yi obeelom, yi maluk, yinuk, liippege, an kayeloman nen mbi inom, niyo inom, nengge logonet, Yi ombat abe kagi, yi ombat maluk kagi, yinuk, liippege, ndi, ndawi yi, aap nen wakwi iigi, yi kumi nen wakwi iigi, yinuk, liippiige, eeriyak nobam lek aret agaarak me, kat nowe kendagembogut nimbirak nage kenok, aaninggin abunuk koba ariyak me, an kayeloman nonggop yo'negen o?

1 Endagembogut 10:5

nunggwi mendek ageyo ndoonak paga koonogo pege, at inom yabu eeko menggaarak ina koonogo kwippiige, ayeloman mini inayum nggorek abe yirik logonet, ake eeko logowak nduk koonogo piige, niyo toologo iri woraawak nduk yorage, Aliku ALA awi wurik me ake warogo kani kungge, eeke nogo kage nagagerik, oone mondok lek aret agagerak.

2 Endagembogut 1:8

Yorage mbareegi, it nen, “At aap ti, ayum amoori warak mendek yirik. Ndi, aa'ndok keele ti, tapi agabolo mendek yirik kogoorak o.” Yogo mbareegwa, aap endagembogut nogo nen, “Ti aap Titebe mendek Eliya nen aret yokkiragaarak kagi o,” yoragagerak.

Etet 1:3

Wone lengganogo yorage kagak, tahun mbere eeppunuk, ambi age paga it o Peritiya o Meriya mendek ineegin warak inoweewi inom, it aap inendage warak nagawan-nagawan inom, at abu'me o unde menggaarak inom, inake laago nggwok lake me, ne ti eyom paga kuwak eeri wogogwaarak.

Etet 4:2

aap endagembogut ame tu unggwogo menggam ari nanuk, it aap inayum nibinik maluk mendek yirik kenok aap endagembogut wonage me unggwi noorak mage yugu me, ame unggwi noolik tungga paga taati puk agagerak.

Etet 5:1

Nogo mbere yippunuk, ko'lu at aap endagembogut nogo at wone lengganogo yorage menggim kwi'na'nuk, tu unggwogo menggam ena looge wonage me, Etet nogo kumi yo'nggok inayum yiko menggaarak mendek yippunuk, aap endagembogut awi wurik akem ko kole wone mbanggo menggam at wonage engga loolo ari nage mbareegi,

Etet 8:15

Eerit nogwe iigak, at aap Morekayi nogo aap inendagembogut inayum yiko menggaarak mendek enete kibu-kibu inom, yanggwi pogom inom, mbuti emas paga nggare-nggare kole mendaarak inom, kain yawenak maa'ngga kunik yum nggorek inom, yirik logonet aap endagembogut owagam nen wundi wagagerak. Wundi wage mbareegi, wone lengganak liiru mbanogo nappit nagagerak paga it aakumi o Tutan wonogwe abok aret inale'nggen nggwok mbareegwaarak.

Yetaya 59:17

Ti eeppiyaakit nduk, tin yikkologo mengga kwak at a'me nggelok eeppiiga nogo yikkolage, Mbuti petagi inanobak paga yikkologo mengga kwak inagap ndariyak wone yikkolage, Aap inane'me inooruwok nduk towe eeruwak yikkologo mengga kwak, maluk onggo eeppiyaakit nduk, ayum yikkolage, Towe yuut eeruwak mendaarak inambokan tek eerogo wurako mengga kwak, at omaawi togop aret eekkolage, Eereegerak.

Matiyut 11:8

Nano mendek kaawok nduk nogotak? Aap ambi yum kigirikwe yirik kaawok nduk, nogotak ya? Wologwe! Yum kigirikwe mban yikwi ti, aap inendagembogut iname time mban yiko menggaarak o.

Matiyut 3:4

At Yaya nogo, ayum ti, unta eeruwak paga ogobakkigirogo yikkolage, ndi, agabolo poorogo agabee'le yikkolage, eeppunuk logonet, at ambi ti, yibila inom, nggiin amburu inom, nengge nagagerak.

Lukat 16:19

Yorage nagagerik, wone ambi yorage logonet, “Aap ambi eenggi warak lombok me, ayum laambu kigirikwe mban yikkolage nagagerak. At ko'lu-kii'me paalo aago mban logonet, ale'nggen mban wonagagerak.

Lukat 7:24

Yorage mbareegi, it Yaya yonggo nappiyareegerak nogo iname wogwe iigak, Yetut nen Yaya eeke abok aakumi yorage logonet, “Kit nano mendek kaawok nduk, karume aakumi lek me nogotak? Piinde nogo o wiya nen nage-wage eeke kaawok nduk, nogotak ya?

Lukat 7:26

Nonggop nduk, nogotak? Aap Ala nen yorage kagak yoraga mendek ambi kaawok nduk, nogotak? Wologwe! Kit kogotak nogo ti, Ala nen yorage kagak yoraga mendek aret kwe, it ti, tebenak iigak, at ti perak, mondok tiyanak lombok aret kogotak o, yinuk, yokkirage agarik o.