Lukat 7:2 - Ala Wone Peenok Peebi Mbanak

² Unggwi wage nagagerik, wonage me, it aap yigin unde inowe ambi ayeloman iniki kunik me, andi warak abu kambuurak eeke wonagagerak.

Lukat 7:2 ပူးပေါင်းရင်းမြစ်များ

Wakkagagerak 24:27

Alut eeke logonet, “An nogoba Abarakam ogoba Ala wa! Kat nogoba Abarakam abuwa mbake logonet, iniki mbakerak nogo ndak-ndak aret lik togon eeke keegi o,” ari nagagerik, “An kunduk, Kaliku ALA nen aret nogoba owe-awot wonogwe me a'me lik togon wo'neren wagandak o,” yinuk, tamban eereegerak.

Wakkagagerak 35:8

Nogome wonogwe me, at Iribaka ndegengge nagagerak kwe endage Ndebora nogo kangge mbareegi, at eebe wonok o Mbeten abu'me eyo teno alome time aret nggween taambereegwaarak me, o nogo endage, “Teno Alome Le Yogo Menggam o,” yinuk, tooneegwaarak.

Ayup 31:5

An pilit pugunit nage logorak mban ee'nake, Aap inambokan laganiyak mban ninikilom mbarit nage, Eeka'lek neenok,

Kini Wuppiige 29:21

Aap kayeloman awo logonet, nggino ari kenok, eeppegak mban eeremenggendak paga peebi irip paga kamendek abok aret at mban tebenggolage logogin o.

Matiyut 27:54

Ndi, at yigin unde inowe inom, it Yetut arum wonogogwaarak inom, nogo nen mi nuk ari, ndi, yi eekak ndi eekak eeke, eeke nogo inigen kogo nogogwaarik, inagabiti ambik age mbareegi, “At yi, Ala aput abet aret kogo o,” yinuk, yereegwaarak.

Lukat 23:47

At yigin unde inowe nogo nen eeke kage nagagerik, at Ala endage wogoppege logonet, “Aap yi, oone lek yeendo kagak eekoorak abet aret kagi o,” yinuk, yereegerak.

Lukat 7:1

At Yetut aakumi inenggaanom wone abu yorage nagagerik, o Kaperenawum unggwi wagagerak.

Lukat 7:3

Aap yigin unde inowe nogo Yetut eerit nage konengge nagagerik, ayeloman obeelom eeri woroorak yori nawak nduk, aap Yakuri inoweewi ando yonggo nappiyareegerak.

Lukat 8:42

At apuluk ambolom kolaga ndarak tawe kagak, tahun 12 eereegerak abu kambuurak eeke me, yoreegerak. Yoge mbareegi, Yetut nogo nage kagak, it aakumi ambik inom ninggi'nuk nogogwaarak.

Nappiigak 10:1

Aap yigin unde ambi aago “Italiya mendek o,” yogo nogogwaarak inowe endage Koreneliyut nogo, o Kayitareya time aret wonagagerak.

Nappiigak 10:7

At malayikat wone yoreegerak nogo nage kagak, at Koreneliyut ayeloman mini mbere inom, at awot yigin unde Ala agabiti mbake logonet, Ala wone liirogon eeka mendek ambi inom, “Woraawak o,” yinuk, wiiragagerak wogo mbareegwa,

Nappiigak 22:26

Yoge nogo aruk konembunuk, at owe owagam nage nagagerik, yoge logonet, “At aap ti, Oroma mendek me, kat nonggop eeppuurak nduk ari agandik?”

Nappiigak 23:17

Yoge mbareegi, at Pawulut nogo nen it yigin unde inowe abu'me mendek ambi, “Omok o,” yoreegerak wage mbareegi, yoge logonet, “At wulaga yi nen, kinowe wone ambi yoruwak nduk wagaarak me, wonok nak o.”

Nappiigak 27:1

O Italiya wo'niren noorak nduk wone mbambunuk, at Pawulut inom, aap ando keele maarak inom, at Kayitat abu'me mendek yigin unde ambik aago inowe endage Yuliyut nogo nen wogoren nawak nduk, yoreegwaarak.

Nappiigak 27:3

nogo ambi yippunuk, ko'lu nen o Tiron ari nogogurak. Ari nogo nogogurik, at Yuliyut nogo nen Pawulut abuwa mbake logonet, “Koreewi yi mendek ndi mendek wokkiruwak nen pegiinet nage logomenggendik, woroorak op o,” yoreegerak.

Nappiigak 27:43

inowe nogo nen, “Pawulut enaani wonok naakit,” mbake logonet, “Inoorugup o,” yinuk, inaruk wappege nagagerik, “Kit ngguu'mo wakwi kineenu kenok, kinaa'nduk yi inikime time ku'mbo wura nanuk, ngguu'mo warit yi aa'nggi paga time wundi nanip o.

Kolote 3:22

Kit aakumi inayeloman monggotak yi wae. Kinogobamini inikilom kinombaruwak nduk, inigen wonogwe iinok mban eeko logorak ti mage o. Ata, ninowe ayuk wuko logonet, it yokkirogo menggaarak nogo abok aret, “E o,” yinuk, kiniki abe paga inake eerit nogo logonip o.