Lukat 7:13 - Ala Wone Peenok Peebi Mbanak

¹³ Ninogoba Yetut nen kwe nogo enegen kage nagagerik, abuwa ambik ombake logonet, “Le ari mage o,” yoreegerak.

Lukat 7:13 ပူးပေါင်းရင်းမြစ်များ

Ndawi 103:13

Nit nonggop eerogo ogobakkigi'ninabeegerak nogo At Aliku ALA eenu age, Nit yi, liirubu mendek mban niige, Eeke menggerak me, Aap inapuri inabuwa nggwok lombok mbako mengga kwak, Aliku ALA nen it aap at inagabiti mbakwi nogo Togop aret inabuwa mbake menggerak o.

Ndawi 86:15

Nogoba o. Kat aakumi inabuwa mbake, Kiniki yanggo yinuk eeppiige, Kiniki aan aganggenggwi lek kwi'ndak wonage, Aakumi kiniki kunik aganakak mban eeke, Yoraga'ndak nogo li'luk eeppiige, Eeke menggendak o.

Ndawi 86:5

Nogoba o. Kat Ala abu obeelom aret wonage, Aakumi inomaluk aberak wonageelik mari eerogo piige, Aakumi abok aret inoone nggwok paga yokkugwi iinok, Inabuwa lombok mbarit nage logonet inoone konengge, Eeke menggendak o.

Yetaya 63:9

Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,

Yeremiya 31:20

At Eparayim nogo ti, naput niniki kunik eeke, Napuluk ninikilom mbake, Eeke minggirak nogo lek a? Kulinik aret mberigitak kwe, oba aberak wonage me, Kaakit lak, ao, yinuk, niniki nggilu ari, Abuwa lombok mbake, Eeke minggirak o,” yinuk, Aliku ALA nen aret yegerak o.

Marakut 8:2

“Wologo wae! It aakumi yi, ninom nogo kenagan yogo logonet, inambi abu lek agaarak me, inabuwa o.

Lukat 10:1

Ti'nuk, peebi ninogoba Yetut nen aap alik 70 leenogo mippiige nagagerik, yi awi ndi awi o kota lombok noorak mbareegim nogome it inaa'nduk mbere'ndak lombok mban nappiyareegerak.

Lukat 11:1

Peebi ne ambi paga at Yetut ambime tamban eeke nagagerak. Eeke mbareegi, at oone waganggwi mendek ambi nen Yetut yoge logonet, “Nogoba o. Aap Yaya nen at oone waganggwi tamban eeruwak nduk, mamuniragagerak nogo pogom nit tamban eeruwok nduk, kat mamunniret o.”

Lukat 11:39

Mbake mbareegi, at ninogoba Yetut nogo nen, “Kit Pariti mendek nen aakumi inamendek yumbu-lambu agago kologwe inom, yi maluk ndi maluk eekwi inom, kinikime apit yagabit aago kagak, kinagiiwak-kinarenggap agabolo endekem mban kooko monggotak.

Lukat 12:42

Yoge mbareegi, at ninogoba Yetut nen, “Ti kenok, aap nggwok ayeloman ambi nen oreewi at ogoba ayeloman mini ando nogo inarum logonet, inambi noorak wogorage logowak nduk, mippuurak iniki warak yabu li'lak eeke menggerak ambi ta o?

Lukat 13:15

Yorage mbareegi, ninogoba Yetut nogo nen at yoge, “Kit aakumi kiniki laakot logonet, yorogo monggotak yi wae! Kit abok tamban eekwi paga kinerapi a, kinageledai a, ngga'nggo'na narak me, yi na nawak nduk, tu paarogo punuk wogoret nogo monggotak nogo lek a?

Lukat 17:5

Yorage mbareegi, it nappiyareegerak nogo nen, “Ninogoba o. Niniki koba panggombunuk, abet kombakwi nogo ambinom kole aruwak nduk, ee'ninabu o.”

Lukat 17:6

Yogo mbareegwa, at ninogoba Yetut nen it yorage logonet, “Kit kiniki noba panggombunuk, abet nombakwi nogo mbuuluk kulok anggen pogom kinikime logonetak en, eyo kilu nggwok yi, Kalom kinggo'nok yi inikime ya'nari nage keyaagin o, yogwi kiinok, ya'nari nage aret ka'netak o,” yinuk, yoragagerak.

Lukat 18:6

Yorage nagagerik, at ninogoba Yetut nogo nen, “Aap wone owak loongga nen wone abe owak loongge logolik kwe, yereegerak nogo koneninip o.

Lukat 19:8

Yogo mbareegwa, at Takeyut nen it apit inenggaanom paga Yetut yoge logonet, “Nogoba o. An namindik-namendek mogonogo aap ineenggi lek kenok, wogorage, aap wi-wi aganake nagarak kero, obaane'me onggo 4 aret wogorage, eerikit o.”

Lukat 22:61

Oone ari mbareegi, ninogoba Yetut ena logurogon Peterut pekkage mbareegi, Peterut nogo nen, “O yogondak yi paga ayam oone awo yaga'lek kagak, kat ne kenagan paga, Yetut an neenggo'lek, yumunggun o, yo'negerak nogo, yi aret yigi,” yinuk, abeke nagagerik,

Lukat 24:3

unggwi nogogwaarak kwe, ninogoba Yetut eebe wanenak nogo inigen koolik.

Lukat 7:12

O kota tu pak ambe mbanak me wok yi wogwe me, kwe togwe ambi aagaluk aap ambolom ndarak me kangge mbareegi, eewu'nuk wogwe iigak, it aakumi apit o kota time menggaarak inom, agalo inom, wogwe iyareegerak.

Lukat 7:14

Yoge nagagerik, aap eewurik wonok wogwe me panggo yi nage nagagerik, eenggi pigaganeegerak. Eenggi pigagangge mbareegi, aakumi eewurik wonok wogwe nogo puk ogo mbareegwa, at Yetut nen, “Wulaga! Mi'na'nok nduk, yokkege agarik o.”

Lukat 7:19

Yogo mbareegwa, Yaya nen at oone waganggwi mendek mbere wiirage nagagerik, wogo mbareegwa, it yorage logonet, “At woroorak nogo kat aret wagandak ilik, alik ambi woraagin nduk tokkogo logomun a? At ninogoba Yetut nogo yori nanip o,” yinuk, nappiyareegerak.

Lukat 8:52

Unggwi nage nagagerik, aakumi apit aret le yogwe, ineebe wakkologwe, eekwi iige nagagerik, “Le yugup o. Kolaga yi, kanggerak lek we nogo yege me, le yugup o.”

Yaya 11:2

Kwe Mariya nogo ti, ninogoba Yetut iyok paga amburu obari abe mendek mbenambunuk, eeruwak paga woloneegerak nogo aret. At oweeluk Latarut nogo andi eeke mbareegi,

Yaya 11:3

awurilogwe komologwe nogo nen wone agago nappiigo logonet, “Ninogoba o. Aap kat kiniki kunik nogo andi eekerak wonage o,” yinuk, Yetut yori nawak nduk, nappiyareegwaarak.

Yaya 20:13

Iige mbareegi, it nogo nen kwe Mariya yogo logonet, “Kwe yi wae. Kat nonggop nduk le ari agandik o?” Yogo mbareegwa, at Mariya nen, “Lek o. It aakumi nen an nogoba wonok nagaarak o. Ndi, at eebe nggeeme pi nagaarak nogo an neenggo'lek me, le ari agarik o.”

Yaya 20:15

Mbaka'lek mbareegi, Yetut nen at yoge logonet, “Kwe yi wae. Kat nonggop nduk le ari agandik o? Ta kwaake agandik?” Yoge mbareegi, at Mariya nogo nen, “Aap yi, yabu yarak unde nogo aret,” mbake logonet, “Ai, nogoba. At eebe kat aret wonok nagandak kenok, ngga pi nagandak an wa naakit nduk, yo'niru o.”

Yaya 4:1

Yetut nen at apuri ambik agago piinok, yiime wuppiige, ndi, Yaya perak, at apuri mbereeret negen agago piinok, yiime wuppiige, eekwi nogo, it aap Pariti mendek inaruk koneneegwaarak. (

Yaya 6:23

yiiro ando o Tiberiyat nen ninogoba Ala, “Wa,” yinuk, aakumi roti tumburiragagerak nonggo nogogwam nogome aret wunda wogwe iigo nogogwaarik,

1 Korindut 7:30

ndi, kit le yogwe nogo ti, le yogolik negen a'nuk, wonogwe, kit kiniki ale'nggen wonogwe nogo ti, kiniki ale'nggen lek negen a'nuk, wonogwe, kit yi mendek ndi mendek kunggwi nogo ti, yi mendek ndi mendek unde lek negen a'nuk, wonogwe,

1 Tetalonika 4:13

Noreewi o. It aakumi kambunuk nonggop ogo menggaarak wone nogo, kineenggo'lek logorak ti, nineebi o. Aakumi ando iniki lunik ambi lek me, inore ambi kangge kenok iniki wakkologo mengga kwak, kit kiniki togop aret wakkologo logokwak, mbininogo yokkiraawi o.

Iberani 2:17

nit aakumi maluk eekwi niinok, Ala anini ninombake nogo, iniki yanggo yuwak nduk, Ala unde inowe nggwok logonet, ninabuwa nen puk aga'lek ko'lu-kii'me ninake eeke logowak nen, nit ee'ninake menggerak nogo, abok aret at ndak-ndak eeriyak age mbareegi, aa'nduk at awuri nit pogom aret eekkolagagerak.

Iberani 4:15

Ala unde ninowe nggwok nogo nen nit aap nggween paga mendek me, ninobaabut ninggin-nanggin eekwi niinok, “Eebi,” ninomba'nuk ninake ugun-ugun eekeelik o. Ata, “An kagagirak nogo aret eeginake o,” yinuk, ninake liirogon eeke menggerak o. Nit ninabut mbaniyak nduk, aaninggin-paaninggin ninoba age menggerak nogo, at togop aret oba age kagak maluk eeka'lek ogogumbuk logonet, waganeegerak eenu me,

Owak Loongga 10:16

Yogo nogogwaarik, aakumi alik mendek inagugi inenggela'me wonage nogo mbo pogo nogogwaarik, at Aliku ALA nogo mugurok nogogwaarak. Mugurok nogo mbareegwa, it aaninggin-paaninggin inoba wonogwe nogo Aliku ALA nen, “Kinobaalombok o,” yinuk, mbo piyoolik yeenggwaaragagerak.