Lukat 7:10 - Ala Wone Peenok Peebi Mbanak

¹⁰ Yorage mbareegi, yonggo nogogwaarak nogo iname iniyok paga wogo nogogwaarik, ayeloman andi warak nogo muk obeelom agagerak me, ka wogogwaarak.

Lukat 7:10 ပူးပေါင်းရင်းမြစ်များ

Matiyut 15:28

Yoge mbareegi, Yetut nen, “Kwe yi wae. Kat abet nombakendak nogo ti, mondok iya lombok me, kiniki mbakendak nogo ndak-ndak aret eekkaki o,” yoge kagak, ti eyom aret aagaluk andi nogo mondok lek aret agagerak.

Matiyut 8:13

Yorage nagagerik, Yetut nen aap yigin unde inowe nogo yoge logonet, “At nen, Ndogop eerigin o, yinuk, abet nombakendak nogo ndak-ndak eeppagagin me, kame nak o,” yoge mbareegi, ayeloman nogo ne ti eyom paga aret obeelom agagerak.

Marakut 9:23

Yoge mbareegi, at Yetut nogo nen, “Eeriyak op mbake keenok, eeriyak o, yo'negendak ti, aakumi abet mbakwi paga nen ambi eeriyak mbakwi kenok, eeriyak lek ti lek. Eeriyak aret o,” yoreegerak.

Lukat 7:11

Ti'nuk, peebi Yetut o kota ambi endage Nayin wage me, at oone waganggwi inom, aakumi apit inom, wogogwaarak.

Lukat 7:9

Yoreegwaarak Yetut aruk konengge nagagerik, “Wi!” yinuk, pi wake nagagerik, aakumi at mugurok wogwe nogo ena logurogon pegiige logonet, “It aakumi Iterali mendek kunduk, at iniki noba panggombunuk, mondok iya lombok abet nombake yogobi ambi an kaga'lek aret agarik o, yinuk, yokkiragi o.”