Lukat 6:46 - Ala Wone Peenok Peebi Mbanak

⁴⁶ Yorage nagagerik, ambinom yorage logonet, “Kit an yokkirage minggirak nogo eeka'lek logonet, nonggop nduk, Ai, nogoba! Ai, nogoba! mban yo'nogo ogotik?

Lukat 6:46 ပူးပေါင်းရင်းမြစ်များ

Maleyaki 1:6

At Omaawi Lombok Menggerak Aliku ALA nen ari logonet, “Aap ambi aput nen ogoba ayuk wuke, ndi, aap ambi ayeloman nen ogoba ake eeke nogo ayuk wuke, eeko menggaarak me, an inogoba kenok, nayuk wuko logorak op aret kwe, wuka'lek nonggop nduk agaarik o. Ndi, it an nayeloman mini nake eeka aret kenok, an nayuk wuko logonet, inagabiti mbako logorak op aret kwe, mbaka'lek ti, nonggop nduk agaarik o,” yinuk, yegerak o. “It aap an neebe unde nen aret an nendage maluk eerogo pogo agaarik o. Nendage maluk eerogo pogo logonet kwe, Nit nonggop negen at endage maluk eerogo pogoorak me, yo'nirage agaarik? yinuk, yogwe,

Matiyut 25:11

Tu nappunuk wonogwe me, it komologwe ando nogo wogo nogogwaarik, Ai, ninogoba. Tu paa'niyet o,

Matiyut 25:24

Yoge mbareegi, at wu 1 juta kolagagerak nogo wage nagagerik, Nogoba wa. Kat kogogumbuk logonet, awi yarulik kwe, anggen mbangge, ndi, anggen yumbunulik kwe, kuwak eeke, eeke menggendak neenu me,

Matiyut 25:44

Yorage mbariminggi, it nen an yo'nogo logonet, Ai, ninogoba. Mbi abu eekkake, yi abu eekkake, aap nggiru nage, kayum yirik lek nege, andi warak keele maarak wonage, eeke keegak, mandenom ninigen keego nogogurik, yeenggwaagirulik teppagareegurak me yagan o?

Nggalatiya 6:7

Ala ambokan laganggulik kagak, ambokan laganggwi kiinok, kit aret kinambokan laganggologwe me, liippako logonip o. Aap ambi awi yaremenggerak nogo ti, anggen ti mendek aret mbanggolage menggerak me,

Yakobut 1:22

Ala wone kinaruk mban konenggwi kenok, kit aret kinambokan laganggologwe me, kinaruk mban konenggak eeko logorak ti mage o. Ata, konembunuk, eebe aret eeko logonip o.