Lukat 6:42 - Ala Wone Peenok Peebi Mbanak

⁴² Ndi, eyo obate mbanak kit kinigen me worekkaga'lek logonet, Nore. Kenegen anggup worekkeya, ti nonggop togon yoriyak mbakop? Aap pilit pugungga kit aret! Eyo obate mbanak kit kinigen me milinik wonage nogo aa'nduk mbo nappunuk, kinore enegen anggup worekkoorak perak, op kaamunggup o,” yinuk, yoragagerak.

Lukat 6:42 ပူးပေါင်းရင်းမြစ်များ

Kini Wuppiige 18:17

Aap ambi owak loonggo logonet, peebi yoriyak awo kagak, aa'nduk yogwi inoone nogo ti abet aret mbake menggerak.

Matiyut 26:75

Ayam oone ari mbareegi, at Yetut nen, “Ayam oone awo yaga'lek kagak, kat ne kenagan paga, Yetut ti, an neenggo'lek, yumunggun o,” yinuk, yoreegerak nogo, at Peterut iniki abe'nage mbareegi, wundi nanuk, iniki puru ari logonet, le nggwok yereegerak.

Matiyut 7:3

Eyo obate mbanak kinigen me milinik wonage maloppega'lek logonet, kit kinore enegen anggup nonggop nduk maloppogo ogotik?

Matiyut 7:4

Ndi, eyo obate mbanak kit kinigen me worekkaga'lek logonet, kinore nogo, Kenegen anggup worekkeya o, yinuk, nonggop togon yoriyak mbakop?

Lukat 13:15

Yorage mbareegi, ninogoba Yetut nogo nen at yoge, “Kit aakumi kiniki laakot logonet, yorogo monggotak yi wae! Kit abok tamban eekwi paga kinerapi a, kinageledai a, ngga'nggo'na narak me, yi na nawak nduk, tu paarogo punuk wogoret nogo monggotak nogo lek a?

Lukat 22:32

kat kiniki noba panggombunuk, abet nombake nogo, lek age kero, an kake tamban eekirak o. Yungguninuk kiyok paga nowagam wage logomenggendik perak, kawuri yi, iniki eyak wappiige logomunggun o,” yinuk, yoreegerak.

Lukat 6:41

Eyo obate mbanak kinigen me milinik wonage nogo maloppega'lek logonet, kit kinore enegen anggup nonggop togon maloppogo ogotik?

Lukat 6:43

Wone ambinom yorage logonet, “Eyo obeelom mendek nen anggen maluk mendek yegeelik o. Ndi, eyo maluk mendek nen anggen obeelom mendek yegeelik mban.

Nappiigak 13:10

“Kat Ibilit aput yi, maluk eeke logonet, obeelom eeriyak keebi mbake menggendak kat aret o. Pilit pugungga iyagalo kat aret me, aakumi inambokan laganikit nduk, yi wone ndi wone ugun pugunogo yorenet nage menggendak. Ala oone abet mban ari menggerak nogo abut lagangge logokit, mbake menggendak nogo, puk arikit mbaka'lek nonggop nduk, ari mban menggendak?

Nappiigak 2:38

Yorogo mbareegwa, at Peterut nogo nen, “Kinomaluk lek eerogo pinagawak nduk, kit kinalitak lombok maluk eeko monggotak nogo kiniki koombunuk mbo pinip o. Mbo pugwi kiinok, Yetut Keritut endage paga yiime wuppinagarak o. Ti eekwi kiinok, Ala nen Aberiniki nogo onggo lek we aret wokkiraagin o.

Nappiigak 8:21

Ala nen kiniki abe koonak lek keegerak me, wone yi mendek ambi kat unde arumunggun mondok lek aret o.

Oroma 2:1

Togop me, noreewi o. It ando kenok mban maluk agago piigo ogotik? Kit togon maluk eekulik ti lek o. Eeko monggotak aret me, kit ambi nen it eekwi togop eeko logonet aret kwe, it mban maluk agago piigwi kenok ti, kit aret maluk eekkologo ogotik o.

2 Korindut 5:18

Wone apit yogoorak nogo ti, Ala nen aret eeppinanege menggerak. Ala ninom ogoorak wonogogurak kwe, at nen Keritut eereegerak paga ninom lambumbinaneegerak me, nit Ala ninom lambumbinaniyak wone yi, yorogo logowok nduk, unde eeppinaneegerak.

2 Timotiyut 2:21

Togop aret menggerak me, aap ambit-ambi togolowak koorak mondok obeelom wonage kokwak, at omaluk mbo pege kenok, at ogoba nen yi mendek ndi mendek obeelom iya lombok eeke logowak nduk, ogoba ake mondok leenak aret menggerak.

2 Peterut 1:9

Ndi, kit ti eeko logorak yokkiragarak nogo eeka'lek kiinok perak, “Ala nen ninomaluk lek eerogo pinaneegerak,” mbaka'lek mari eerogo punuk wonogwe me, aap inigen mbuk nen yi mendek ndi mendek nda nakkoorak meek nogo kokwak wonogwe kinombarugun o.