Lukat 6:38 - Ala Wone Peenok Peebi Mbanak

³⁸ Ugun wogorogwe kiinok, ugun wokkirogwe kaamunggup o. Togolowa'na eno korok togon yonggoppunuk, nggwik-nggwik eeke, tebenogo wuppege, eeppunuk, a'nggan ngginu-ngginu wangge kagak, kinabu'me ngginggirogo mengga kwak, ndak-ndak wokkirage kaamunggup o. Wakkagak nogo paga wakkaanuk aakumi wogorogo monggotak nogo ti, ndak-ndak wakkaanuk wokkirage kaamunggup o,” yoragagerak.

Lukat 6:38 ပူးပေါင်းရင်းမြစ်များ

2 Tamuwen 19:36

An eeppagareegirak nogo onggo, Ndogop eeppikit, nombake ti mage o. Ata, an kayeloman nen kat nowe kendagembogut wokkeren niyo Yoraran enebagan iluk taati pagi wundanuk, niyokan woraakit nduk, E, yo'niru o.

Etet 7:10

Yoge mbareegi, at Kaman nen eyo aap Morekayi tugunogo puurak nduk yineegerak nogo paga Kaman aret enggaanok keele yilinogo tugumbi nogo mbareegwa, aap endagembogut anini mbake nogo teyok yereegerak.

Etet 9:25

koonogo pereegerak nogo, kwe Etet nen aap endagembogut yori unggwage mbareegi, aap Kaman nen it Yakuri mendek eeppiyoorak maluk lombok koonogo pereegerak nogo, at endagembogut nen melak togon at oba aruwak nduk, wone lengganogo liiru mbanogo wumbege, at apuri inom inenggaanok keele yilinogo tugumbiige, eereegerak.

Ayup 42:11

Wogoge mbareegi, at oreewi-iriwi inom, it aa'nduk inom wonagagerak inom, abok aret ka wogo nogogwaarik, at ame inom laago lako logonet, iniki eyak wappugwi, Aliku ALA nen aaninggin oba pereegerak kenok iniki ale'nggen eeppugwi, inalitak lombok nen inawu mbuti perak mendek wogogwi, mbuti emas paga ogobakkigirik ogobak ayo inom, aruk ayo inom, nogo wogogwi, eereegwaarak.

Ndawi 79:12

Nogoba o. It aakumi ninaagan-ambokan wonogwe yi, Kat meek eerogo pagagaarak onggo ne 7 kuli melak togon inoba kwippiyet o.

Wundeegwaarak 21:24

Enegen ndaganogo pege kenok, at enegen aret ndaganogo pugwi, eyak langgunogo pege kenok, at eyak aret langgunogo pugwi, eenggi mbanogo pege kenok, at eenggi aret mbanogo pugwi, ndi, iyok mbanogo pege kenok, at iyok aret mbanogo pugwi,

Kini Wuppiige 10:22

Aliku ALA ale'nggen inoba piige paga it aakumi ineenggi warak ogo menggaarak o. Ndi, eeppiige logonet, aaninggin-paaninggin kaawak nduk, inom eeppiigeelik o.

Kini Wuppiige 19:17

Aap ambi nen aap ineenggi lek inabuwa nen wogorage ti, Aliku ALA wogorukwak wogorage me, Aliku ALA nen onggo aap ti wogorigin o.

Kini Wuppiige 22:9

Aap iniki ndoobu nen aap ineenggi lek ambi tumburirage menggerak me, ale'nggen kage logogin o.

Yeremiya 32:18

Yi aakumi ndi aakumi ambik ineenggi lingginiyak meek nogo inabuwa nen kiniki kunik eeginake menggendak kwe, inogobamini inomaluk paga inapurilogwe aaninggin inoba piige menggendak o. Kat mondok iya komaawi ambik Ala aret. Kendage ti, Komaawi Lombok Menggendak Kaliku ALA aret o.

Matiyut 10:42

Ndi, kit nen, Yetut oone waganggwi me, yinuk, wologwe mbuulogwe yi mendek ambi, niyo miin toologo wogogwi kiinok ti, onggo kolaamunggup lek ti lek o. Kolaamunggup aret o, yinuk, abet aret yokkiragi o,” yoragagerak.

Matiyut 7:2

3 Kit maluk eekotak o, yinuk, kinoone omaawi paga perak togon yorogwe kiinok, Ala nen kit togop aret yokkirage kaamunggup o. Wakkagak nogo paga wakkaanuk aakumi wogorogo monggotak nogo ndak-ndak wakkaanuk wokkirage kaamunggup o.

Marakut 4:24

Yorage nagagerik, “Kit kinaruk konenggwi nogo, kiniki liippogo logonip o. Wakkagak nogo paga wakkaanuk, aakumi wogorogo monggotak nogo ndak-ndak wakkaanuk wokkirage kaamunggup o. Ti'nuk, ambinom lunogo wokkirage kaamunggup o.

Lukat 6:30

nggino yokkirogwe iinok, aret wogorogwe, eeko logonip o. Kinamendek waganggwi iinok, Wo'ninip o, yoroorak ti mage o.

Pelaareegerak 15:10

Kineebi mbakak wogorogo logorak mage o. Ata, kiniki ndoobu paga aret wogorogwe kiinok, kit yi yabu ndi yabu eekwi, yi mendek ndi mendek eeriyak mba'nuk eekwi, eekwi kiigak, Aliku kinogoba Ala nen ale'nggen kinoba pinagage logogin o.

Yakobut 2:13

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.

Owak Loongga 1:7

Mbanogo pogo mbareegwa, at Aroni-Mbetek nen ari logonet, “An nen aap inendagembogut lombok ineebe 70 nogo ineenggi iyagalo imbirak inom, iniyok iyagalo imbirak inom, mbanogo piyareegirak wonogo logonet, nambi nengge neegak, nageyo ndoonak abu'me ameneno wanggetak anebenogo nonggo nogogwaarak nogo ndak-ndak, Ala nen inamee'nggo ee'naki o,” yinuk, ari mbareegi, at eebe o Yerutalem wonok nogogwaarak me, time aret kambeegerak.