Lukat 6:37 - Ala Wone Peenok Peebi Mbanak

³⁷ Yorage nagagerik, ambinom yorage logonet, “Kit kinoone omaawi paga perak togon aakumi yorogo logonet, Kit maluk o, yinuk, yoraagup o. Kinoone omaawi paga perak togon yorogwe lek kiinok, Ala nen perak togon, Kit maluk o, yinuk, yokkiraagin lek o. Kit nen aakumi inenggali wappiyaagup o. Inenggali wappiiga'lek kiinok, Ala nen kit kinenggali wappinagagin lek o. Kit nen it aakumi maluk eeppinagagwi nogo kinami eerogo pogo logonip o. Kinami eerogo pugwi kiinok, Ala nen kit kinomaluk lek eerogo pinagagin o.

Lukat 6:37 ပူးပေါင်းရင်းမြစ်များ

Matiyut 18:30

Yoreegerak kwe, aap nogo nen, Lek o. Nawu obaane'me wo'nege kenok perak, keele piinogo pagarak o, yinuk, keele maarogo mambiigo menggam mambereegerak.

Matiyut 5:7

It aakumi inoreewi inabuwa nen eeppiigo menggaarak nogo ti, Ala nen it kunduk inabuwa nen eeppiyaagin me, Iniki ale'nggen aret mbako logowak o.

Marakut 11:25

Ndi, kit mi'na'nuk, tamban eeko logonet, aap ambi kinom ogoorak wonage kenok, kinogoba mbogut paga wonage nogo nen kit kinomaluk lek eerogo pinagawak nduk, at omaluk nogo kinami eeppunuk logonip o,” yinuk, yoragagerak. (

Lukat 23:16

Togop me, iniki koonnaruwak nduk, yawi mban warogo teppikit o,” yinuk, yoragagerak. (

Lukat 6:36

Kinogoba nen aakumi inabuwa mbake logonet, obeelom eeppiige menggi kwak, kit ndak-ndak aakumi inabuwa mbako logonet, obeelom eeppiinet nogo logonip o,” yinuk, yoragagerak.

Nappiigak 3:13

Ninombomini Abarakam inom, Itak inom, Yakup inom, inogoba Ala ayeloman Yetut nogo, at Pilatut nen teppuurak mbake kagak, kit nen, At yi, nineebi o, yinuk, waruwak nduk, wogorogotak kwe, Ala nen muk tiyappegerak o.

Epetut 4:32

Mbo punuk, kinom nabuwa-kabuwa eeko logonet, kiniki yanggonak paga at ambi obeelom eeppegak eeko logonip o. Keritut eereegerak nogo paga Ala nen kit kinomaluk lek eerogo pereegerak nogo ndak-ndak, kit-kit aret maluk eekkologomonggotak nogo, mari eerogo mbo pogo logonip o.

Kolote 3:13

yeenggwa-yeenggwa eekwi, eeko logonet, at ambi nen at ambi omaluk mari eerogo pegak eeko logonip o. Kit kinore ambi nen maluk eeppinagage kenok, ninowe nen kit kinomaluk mondok lek eerogo pereegerak nogo ndak-ndak, kit togop aret at maluk eeppinagage nogo, mari eerogo mbo pogo logonip o.

Yakobut 2:13

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.

Yakobut 5:9

Nowe-nawot o. Ala nen maluk onggo eeppinagi wage kero, kiniki laakit-laakot mbako logonet, at ambi abok mbanggak eeko logogup o. Ninowak loongga nogo ti, muk tu ngga'nggi paga panggoni wagaarak wonage yi kaanip o.