Lukat 6:30 - Ala Wone Peenok Peebi Mbanak

³⁰ nggino yokkirogwe iinok, aret wogorogwe, eeko logonip o. Kinamendek waganggwi iinok, Wo'ninip o, yoroorak ti mage o.

Lukat 6:30 ပူးပေါင်းရင်းမြစ်များ

Ndawi 112:9

Ineenggi lek iinok amendek tumburiranet nage, Obeelom mban eeppiinet nage nogo kobak arigin lek mondok aberak wonage, At obaabut abe kenok endage tiyappugwi iigak, at engga teeluk nege, Eeke logogin o.

Ndawi 41:1

Aap ambi nen Aakumi lebenak mendek enegen wogonake kenok, Ale'nggen mbake logogin o. Aaninggin oba age eyom paga At Aliku ALA nen agap ndarigin o.

Kini Wuppiige 19:17

Aap ambi nen aap ineenggi lek inabuwa nen wogorage ti, Aliku ALA wogorukwak wogorage me, Aliku ALA nen onggo aap ti wogorigin o.

Kini Wuppiige 21:26

At iniki nen nenet nage kagak, o kubondendok nen nok, oonikiya ari nage menggerak kwe, Aap iniki abe koonak nogo perak, wogogwi nogo kuli pega'lek kuluk aret wogorit wundi wogo menggaarak.

Kini Wuppiige 22:9

Aap iniki ndoobu nen aap ineenggi lek ambi tumburirage menggerak me, ale'nggen kage logogin o.

Wone Alom Kibingga 11:2

O nggween paga yime maluk ariyak nogo kat keenggo'lek me, kambi aap ineebe 7 wogorage logonet, aap ambi inom wogoge logot o.

Wone Alom Kibingga 8:16

Iniki warak alom neenu age, ndi, aakumi o nggween paga yime o liingge oonikiya wu nogo yega'lek eerit mban nogo menggaarak nogo maloppiige, eerikit nduk, liippit unggwage nagagirik,

Matiyut 18:35

Yoge nagagerik, “Kit kinoreewi maluk eeppinagagwi nogo, kinalitak lombok abet aret kinami eerogo piigwi lek kiinok, an nogoba mbogut paga mendek nen kit togop aret eekkinabigin o,” yinuk, yoragagerak.

Matiyut 5:39

an nen perak, Maluk eeppinagagwi iinok, onggo inooriyak mage o. Kinagandin peenok abe'nggan kinookwi iinok, peenok inom kinooruwak nduk, wogoraanip o.

Matiyut 6:12

Ndi, it aap nit maluk eerogo pinanugwi nogo, ninami eerogo piigo monggo kwak, Kat nen nit ninomaluk lek eerogo pinanu o.

Lukat 11:41

Lek o. Kinikime aken yonggolak ti, it aap ineenggi lek wogorogwe kiinok perak, yi mendek ndi mendek abok koorak aret kaamunggup o.

Lukat 12:33

Kinamendek paga wu kunggo logomonggotik, aap ineenggi lek kenok, wogoraanip o. It aap yogoot iyagalo kiraari unggwage, yininuwo nibini unggwage, eekeelik menggim mbogut paga time kinamendek abe, lek ariyak lek nogo mendek yonggolak logowak nduk, yumunggok awi nibik yuurak lek nogo mendek yirikkologo logonip o.

Lukat 18:22

Yoge nogo at Yetut konengge nagagerik, “Wone ti abok aret eeke menggendak kwe, ambiriluk perak, eeka'lek keegirak nogo yokkiri o. Kat kamendek abok aret onggo mbanogo it aap inamendek lek nogo tumburira nak o. Tumburira nage keenok, kamendek abe mendek mbogut paga wonage kaamunggun o. Ti eeke logomenggendik, nimbirak nugu logowok nduk, wa'nu o,” yinuk, yoreegerak.

Lukat 6:29

Ndi, kinagandin peenok paga kinookwi iinok, peenok aret wogorogwe, kinayum togwi yum waganggwi iinok, kinayum agi yirika ili yugup o. Ata, inom aret wogorogwe,

Lukat 6:31

Aakumi nen, Ndogop eeppinaniyak ao, mbako monggotak nogo ndak-ndak eeppiinet nogo logonip o.

Lukat 6:38

Ugun wogorogwe kiinok, ugun wokkirogwe kaamunggup o. Togolowa'na eno korok togon yonggoppunuk, nggwik-nggwik eeke, tebenogo wuppege, eeppunuk, a'nggan ngginu-ngginu wangge kagak, kinabu'me ngginggirogo mengga kwak, ndak-ndak wokkirage kaamunggup o. Wakkagak nogo paga wakkaanuk aakumi wogorogo monggotak nogo ti, ndak-ndak wakkaanuk wokkirage kaamunggup o,” yoragagerak.

Nappiigak 20:35

At ninogoba Yetut nen ari logonet, Kologwe paga inale'nggen mbuuluk kogwe, ndi, wogorogwe paga perak, inale'nggen ambik kogwe, eeko menggaarak o, yereegerak nogo, abeke logonet, an abok aret eeke nagagirak nogo ti, yabu ta'liila eeppunuk, it yabu eeko logorak meek mendek yeenggwaarogo logorak, kogo o, yinuk, mbarumunggup nduk, eeke nagagirak o,” yoragagerak.

2 Korindut 8:9

Ninowe Yetut Keritut nen kinabuwa mbake logonet, eeppinagareegerak nogo kineenu aret o. At nen, “An aap nggwok mondok tiyanak aret minggirak kwe, it ninom ndak-ndak tiyanak logowok nduk, an tebeppati wambi o,” yinuk, at nggween paga tebekkola wambi wagagerak nogo o.

Epetut 4:28

Kit yogoot waganggo monggotak nogo, ambinom yogoot waagup o. Ata, kineenggi paga nen mban eerogo nunggwi, it aakumi inamendek lek iinok yeenggwaarogwe, eeko logobagip nduk, yabu ambi eeriyak miippunuk, kineenggi omaawi paga eekko'net nogo logonip o.