Lukat 6:29 - Ala Wone Peenok Peebi Mbanak

²⁹ Ndi, kinagandin peenok paga kinookwi iinok, peenok aret wogorogwe, kinayum togwi yum waganggwi iinok, kinayum agi yirika ili yugup o. Ata, inom aret wogorogwe,

Lukat 6:29 ပူးပေါင်းရင်းမြစ်များ

2 Tamuwen 19:30

Yoge mbareegi, at Mepibotet nen aap endagembogut yoge, “Kat nowe kendagembogut keebe obeelom aret kiyokan wage me, nggween nogo ti, at alik aret kolaawak o,” yinuk, yoreegerak.

2 Mbinineegwaarak 18:23

Nogo awo yoge kagak, aap Kenaana aput Terekiya nogo Mika owagam wage nagagerik, agandin paga eenggi telak wake logonet, “At Aliku ALA Aberiniki nappi wagaarak an paga wonage nogo nonggop agago koba agaarak?”

Yetaya 50:6

It an nooriyak eekwi iinok, nambot wogorage, Namboro wiiriyak eekwi iinok, nena koonogo nagiige, It meek eerogo panugwi, inawoori lengge eerogo panugwi, eekwi iinok, nenete kumaakkolaga'lek aret wonage, Eekirak o.

Leendawi 3:30

Aap ambi nen aap ti wariyak eeke kenok, waruwak nduk, agandin wogoge, Endage maluk eerogo pugwi iinok, “Nendage maluk aret aruwak o,” yinuk, puk age, Eeruwak o.

Mika 5:1

Togop aret kwe, “O Mbe'lekem-Eparata kat yi perak, It Yekura inanebunu mendek inenggela'me kat mbuuluk aret kwe, kat paga nen at ambi o aa'nduk iyaalok togon wonagagerak nogo, It Iterali inarum logowak nduk, mippigin o,” yinuk, yokkege kagarak.

Matiyut 26:67

Yogo nogogwaarik, woori enete me lenggenggogwe, ineenggi lingginik paga wakwi, ndi, ando ineenggi telak wakwi, eeko logonet,

Lukat 22:64

At enegen nobappunuk, ambinom wako logonet, “Ta nen kooke kagan? Yu nda!”

Lukat 6:30

nggino yokkirogwe iinok, aret wogorogwe, eeko logonip o. Kinamendek waganggwi iinok, Wo'ninip o, yoroorak ti mage o.

Yaya 18:22

Wone ti, yoge mbareegi, aap Ala awi wurik arum waka mendek ambi nen taati mi'ndak wonagagerak nogo nen eenggi telak Yetut wake logonet, “Aap Ala unde inowe nggwok nen wone yokkege me, onggo togop yoriyak op mbaken?”

Nappiigak 23:2

Yoragagerak ti paga, at Ala unde inowe nggwok Ananiyat nogo nen it aap Pawulut owagam mi'ndak wonogwe nogo yorage logonet, “Ambe toguk togon wa'nip o,”

1 Korindut 4:11

O maan nen yogondak kuli nit nggween paga yayi wonogo logonet, ninagi-ninambi abu ee'ninake, ninayum nibi-nibi aago kagak nugwi, yawi ninookwi, ninawi wurik lek me ugun ambime nogo yegak eerit nugwi, eerit nugu ogoorik o.

1 Korindut 6:7

It aap abet mbaka'lek mendek nen inawone amburu mbanuwak nduk, kit kinoreewi aret kwe, wogoren piya nogo monggotak ti paga kit Ala apuri mendek kinayuk lek eekkologwe kiigi o. Kit maluk eerogo pinagagwi, kinamendek ineengginabut waganggwi, eekwi iigak, kinendage op logorak nduk, onggo yoraga'lek puk logorak meek mbakop?

2 Korindut 11:20

It aakumi nen inayeloman eekkinakwi, kinamendek lek eerogo nenet nugwi, inabu'me tebenogo pinagagwi, tiyappako logonet, meek eerogo pinagagwi, kinetenggen paga tela eerogo kinookwi, eekwi iigak, “Op aret o,” yinuk, puk ogwe kiigirak kwe,

Iberani 10:34

Kinoreewi ando keele maarak wonogwe nogo, inabuwa mbako logonet, yeenggwaarogwe, ndi, kinamendek ndinggola unggwogwe iigak, “Namendek abe mondok logorak mendek alik ambime wonage aret me, op aret kolaga o,” yinuk, kiniki ale'nggen mbakwi, eeko nogogutak me,