Lukat 6:27 - Ala Wone Peenok Peebi Mbanak

²⁷ Yorage nagagerik, at Yetut nen ambinom yorage logonet, “Kit an noone konenggwi yi, wone ambi yokkira o. It kinom ogoorak monggotak ti, kiniki kunik eeginakwi, ineebi kinombakwi nogo obeelom eeppiigwi,

Lukat 6:27 ပူးပေါင်းရင်းမြစ်များ

1 Endagembogut 13:6

Ti eeke mbareegi, aap endagembogut nogo nen aap Ala wone liirogon eeka nogo yoge, “An neenggi wonage menggi kwak obeelom ee'nabuwak nduk, nake tamban eeke logonet, kabuwa warak nggo-nggo Aliku kogoba Ala yoru o.” Yoge mbareegi, abuwa warak nggo-nggo logonet Aliku ALA yoge mbareegi, eenggi wonage menggi kwak obeelom aret agagerak.

Ndawi 7:4

At nimbirak niniki ugun wonogwe nogo maluk eeppege, Alom lek kagak, at tebembaniyak eeke nogo, Amendek ambi kiraakkolage, Ee'netak en,

Kini Wuppiige 24:17

Kawim maluk oba age kenok, “Kayik a!” yinuk, kale'nggen mbake, Iyogobit lik togon yigeebu wangge kenok, “Op togon wanggi,” yinuk, kiniki tayok ari, Eeriyak mage o.

Kini Wuppiige 25:2

At Ala nen wone kumaarogo pege kenok, ayuk wukwi, Aap inendagembogut nen wone kin paga agan nogwe iinok, inayuk wukwi, Eeko menggaarak o.

Marakut 4:24

Yorage nagagerik, “Kit kinaruk konenggwi nogo, kiniki liippogo logonip o. Wakkagak nogo paga wakkaanuk, aakumi wogorogo monggotak nogo ndak-ndak wakkaanuk wokkirage kaamunggup o. Ti'nuk, ambinom lunogo wokkirage kaamunggup o.

Lukat 23:34

Nabenogo piigo mbareegwa, at Yetut nen, “Nogoba o. It ineenggo'lek logonet, eeppanugwi me, it maluk eekwi yi, lek eerogo pu o,” yoreegerak. Ndi, it aakumi nogo nen yugum anggen nggween paga mbo wuppegak eeko logonet, ambogoyum nogo tumbukkologogwaarak.

Lukat 6:22

It aakumi yi, inombomini nen Ala yorage kagak yoraga eeppiigo nogogwaarak pogom, an aap aret nda'nagagirak nogo noone waganggotak paga ineebi lombok kinombako logonet, Kit nit mendek lek o, yinuk, mbo pinagagwi, miyuk-meya eerogo pinagagwi, Aap yi maluk o, yinuk, kinendage tebembinagagwi, eekwi iinok, kiniki ale'nggen mbako logonu o. Kinake aago mbogut paga ambik wonage me, ti eeppinagagwi eyom paga keyage wako logonet, kiniki ale'nggen nen ndawi lubuk yogo logonu o.

Lukat 6:35

Kit perak, at Tiyanak Lombok Menggerak nen it aap maluk mendek iniki lambek-nggoonak menggaarak nogo iniki kunik aganake menggerak me, kit togon, it kinom ogoorak monggotak nogo kiniki kunik eeginako logonet, obeelom eeppiigwi, Peebi wo'niraagun, mbaka'lek logonet, ugun wogorogwe, eekwi kiinok, kit an napuri aret o, yinuk, onggo mondok iya tit wokkirage kaamunggup o.

Lukat 8:15

Ndi, nggween mili paga wambit nagagerak nogo perak, it aakumi wone konembunuk, iniki abe lombok paga pippak waganggo nagaatik, nabenak mban eeko logonet, anggen yikkologo menggaarak nogo aret o,” yinuk, yoragagerak.

Lukat 8:18

Togop me, wone nonggop konenggo monggotak nogo ti, kiniki liippinip o. It aap inamendek wonage kenok ti, ambinom lunogo wogorage, ndi, inamendek lek kenok ti, mbuuluk, Yi an mendek o, mbakwi iigak kwe, aret kolage, eeke kaamunggup o,” yinuk, yoragagerak.

Lukat 8:8

Ndi, ando nggween mili abe paga wambit nagagerak. Nggween mili paga wambit nagagerak nogo ti, mbilangge nagagerik, mili kwit agan lagangge logonet, ero ambi nen anggen 100 yege, ambi 100 yege, eereegerak o,” yoragagerak. Wone ti yorage nagagerik, oone nggwok ari logonet, “Wologwe! Kinaruk koneniyak kenok, liirogon aret konenggo logonip o,” yinuk, yoragagerak.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 16:28

at Pawulut nen, “Wulaga. Wakkolaagun o. Nit abok aret wonogo ogoorik,” yinuk, oone nggwok paga yoreegerak.

Nappiigak 7:60

yinuk, endobanggun yindumbunuk oone nggwok paga ari logonet, “It maluk eekwi yi, onggo eeppiyoorak mage o. Teppiyet o, nogoba!” yinuk, yoge nagagerik, kambeegerak.

Nggalatiya 6:10

It yi aakumi ndi aakumi abok aret obeelom eeppiyoorak, “Nanonggwan aga o,” yinuk, obeelom eeppiinet nogo logonet kwe, it ninom ndak-ndak abet mbakwi kenok perak, logorogon obeelom eeppiyoorak mondok aberak aret logonip o.

1 Tetalonika 5:15

Maluk onggo-onggo eekwi iyo, liippiigo logonip o. Kit-kit inom, it aakumi abok inom, obeelom mban eekak yuwak nduk, liippogo logonip o.

3 Yaya 1:11

Noreeluk niniki kunik yi wae! It maluk eeko menggaarak nogo kat ndak-ndak eeke logogun o. Ata, it aap obeelom eeko menggaarak nogo ndak-ndak mban eerit nage logot o. Aap ambi obeelom eeke menggerak kenok ti, Ala nen ndareegerak aret mbariyak kwe, at maluk mban eeke menggerak nogo nen perak, Ala mondok liippega'lek aret menggerak o.