Lukat 6:26 - Ala Wone Peenok Peebi Mbanak

²⁶ It aakumi yi, inombomini nen aap pilit wone yorogwe iigak kwe, tiyappiigo nogogwaarak nogo ndak-ndak, it aap abok nen kinendage tiyappinagagwi iinok, kinabuwa o,” yinuk, yoragagerak.

Lukat 6:26 ပူးပေါင်းရင်းမြစ်များ

Kini Wuppiige 27:21

Kani eyak paga mbuti perak abut mbanggwi, Kani aganggen paga mbuti emas abut mbanggwi, Eeko menggaarak kwe, Aakumi nen aap ambi endage tiyappugwi paga at abut mbanggwi ti aret.

Yetaya 30:10

Aap inabi kaga nogo, Kinabi ambinom koorak mage o, yinuk, yorogwe, It aap an nen yorage neegak yoraga nogo, Obeelom eeko logorak kinigen kenok, ambinom yo'niroorak mage o. Ata, wone ninikilom mbakwi mendek mban yo'nirogwe, Ndogop kwak ee'ne, mbakwi nogo mban yo'nirogwe, Eeko logonip o.

Yeremiya 5:31

It aap an nen wone yorage neegak yoraga nogo nen, Ndogop eeke kaamunggup o, yinuk, we pilit pugunit nugwi, It aap an neebe unde nogo nen it iniki mbakwi mban mamuninabit nugwi, Ndi, it ti eekwi nogo it an napuri kunduk, inikilom mbako logonet konenggwi, Eekwi ti aret me, O age yobok panggoni wage kenok it nano eerugun o?” yinuk, yegerak me, yokkiragi o.

Mika 2:11

Aap pilit pugunogo inambokan lagangga ambi nen wage logomenggerik, ari logonet, An perak, anggur amburu inom, kumili aganaka amburu inom, ndonggok togon nonggo logorak yokkirage logogin o, yinuk, yoraga nogo mendek it inobam aret me, inenggela'me logonet yoragak yuurak op aret o,” yinuk, yegerak me, yokkiragi o.

Matiyut 7:15

Yorage nagagerik, ambinom yorage logonet, “It aap Ala wone pilit pugunogo yokkirogo menggaarak nogo nen kinambokan laganggwi iyo, tum wako logonip o. It aap ti, inetenggen ndomba enete negen kunggo'nok kinowagam wogwe kwe, iniki ti, mba'ngge anini warak pogom wonogwe o.

Lukat 6:25

Kit yogondak mbi ndonggoppinagagerak wonogwe yi, peebi abu eekkinabigin me, kinabuwa o. Kit yogondak i'ndok kanggwi yi, peebi kiniki puru ari logonet, le yumunggup me, kinabuwa o.

Yaya 15:19

Kit nen it aakumi o nggween paga yime menggaarak nogo mendek logonetak en, it muk iniki kunik eekkinabenetak kwe, kit it mendek lek me, ndi, it nogo iigak, an miirogo leengginabeegirak me, ineebi kinombako agaarik o.

Yaya 7:7

It aakumi nen kit ineebi kinombariyak meek kwe, an perak, it aakumi eeko menggaarak ti, Maluk aret o, yinuk, paganogo yorage minggirak me, ineebi lombok nombako agaarik o.

Oroma 16:18

It aap togop eerit nugu menggaarak mendek nogo ti, ninowe Keritut ayeloman logonet, ake eerit nugwi lek o. Ata, inaanogum ake mban kwaarit nogo logonet, “Yogop eeruwok, ndogop eeruwok,” yinuk, inoone yanggorogon amburu ndik-ndik paga pilit pugunogo it aap iniki ugun mendek nogo inambokan laganit nogo menggaarak me, kinom ogoorak aret logonip o.

Yakobut 4:4

Kwe ambi nen aap ambi waganggak eeke menggi kwak eeko monggotak kit yi, it aakumi nggween paga eeko menggaarak mendek kinom kunggologwe kiinok, Ala kinom ogookkologwe nogo kineenggo'lek me eeko ogotik? Togop me, aap ambit-ambi, “It aap nggween paga eeko menggaarak mendek ninom kunggola,” mba'nuk, eeke kenok, Ala imbirak ogookkolage menggerak aret o.