Lukat 6:24 - Ala Wone Peenok Peebi Mbanak24 Ndi, kit kineenggi warak wonogwe yi perak, kiniki muk ugun tayenak wonogwe me, kinabuwa o. အခန်းကိုကြည့်ပါ။ |
Nomaawi Lombok Minggirak Naliku ALA nen, An nawi aa'nduk wurik nogo ti, mbuuluk iya negen wurik wonagagerak kwe, yogondak wukwi yi perak, mondok iya lombok wuremenggaarak me, an nawi wurik me yime nen iniki ugun tayenak logowak nduk, eerogo piyaagin o, yinuk, Nomaawi Lombok Minggirak Naliku an ALA nen aret yagarak me yoret o,” yinuk, ari mbareegi, yoragagerak.
Yetut nen wone ambinom yorage logonet, “Kit mbi nengga'lek kinambe mage negen logonet, tamban eekwi kiinok ti, it aap iniki laakot logonet, eekwi nogo nen, Nit mbi nengga'lek ninambe mage negen logonet, tamban eekwi niyaawak o, yinuk, inete ogum warak eekkologo mengga kwak, kit togop logonet, tamban eeko logogup o. It aap togop eekwi paga aakumi wiirogwe nogo, it onggo ti aret kologo menggaarak o, yinuk, abet aret yokkiragi o.
It aap iniki laakot logonet, eekwi nogo ti, Aakumi nen, Nit iya, ninombaruwak o, yinuk, tamban eeko menggam inom, tu paga inom, Togop eekoorak o, yinuk, yoranet nugu menggaarak me, kinamendek aakumi ineenggi lek mendek wogorogo logonet, it eeko mengga kwak, kit togop eerugup o. It aap togop eekwi paga aakumi nen wiirogwe nogo onggo ti aret kologo menggaarak o, yinuk, abet aret yokkiragi o.
Wone ambinom yorage logonet, “It aap iniki laakot logonet, eekwi nogo nen, Aakumi inigen niyaawak o, yinuk, tamban eeko me-nggam inom, tu nggwok nandogon-kandogon paga inom, taati mi'ndak logonet, tamban eeriyak inikilom mbako mengga kwak, kit tamban togop eeko logogup o. It aap togop eekwi paga aakumi nen wiirogwe nogo, onggo ti aret kologo menggaarak o, yinuk, abet aret yokkiragi o.
It aakumi o yogondak ineenggi warak wonogwe nogo ti paga iniki wogoppako logonet, yi mendek ndi mendek lek ariyak kagak, iniki ti paga lunik logokwak, yorage logot o. Nit ale'nggen mbaruwok nduk, at yi mendek ndi mendek ngginu-ngginu eerogo wo'nirage menggerak Ala paga mban iniki mondok lunik logowak nduk, yorage logot o.