Lukat 6:21 - Ala Wone Peenok Peebi Mbanak

²¹ Kit yogondak abu wonogwe yi, ndonggoppinagarak me, kiniki ale'nggen mbako logonip o. Kit yogondak le yogwe yi, i'ndok kambuurak eekkinabigin me, kiniki ale'nggen mbako logonip o.

Lukat 6:21 ပူးပေါင်းရင်းမြစ်များ

Wakkagagerak 17:17

Yoge mbareegi, at Abarakam nogo enete wanduk nggween paga wambunuk, inikime nen ari logonet, “Aap ambit-ambi tahun 100 eekerak kagak apuluk ndariyak op mbakop? Ndi, at Tara kunduk, ndarak kagak tahun 90 eekerak me, aagaluk ambi ndariyak op mbakop?” yinuk, i'ndok kambeegerak.

Wakkagagerak 21:6

Ndake nagagerik, at Tara nen ari logonet, “An niniki ale'nggen paga i'ndok kambikit nduk, Ala nen eeppanegerak ndak-ndak it aakumi ando inaruk konembogo logomenggaarik, an eekirak paga iniki ale'nggen mba'nuk i'ndok kanggo logogun o.”

Ndawi 119:136

Koone yugu Muta liiru mbaneegerak nogo It aakumi woppunuk eeka'lek paga Niyo wu'nuk wage menggi kwak Nale togop aret wambit wage menggerak o.

Ndawi 143:6

Nggween mbuk agaatak kwak An niniki togop aret woongge kenok, Kat koba abeke logonet, Neenggi nippunuk tamban eeke agarik o.

Ndawi 17:15

An perak, obeelom mban eeke minggirak me, Kenggaawak nenegen kage, Neenik a'nuk kenete nonggop menggendak nogo nenegen keege, Eeke logominggirik, Niniki abu ndonggo yigin o.

Ndawi 28:7

Nomaawi inom, nanggeemu kwak inom, Kaliku ALA kat aret o. Niniki koba panggonak wonage neenok, Yeenggwa nege menggendak me, Niniki ale'nggen alik negen ee'nake, “Wa!” lombok yokkege, Eeke logonet, Ndawi wake agarik o.

Ndawi 65:4

It aap kat nen leenogo piige, Kinom logonok nduk kawoore'nggam piya wage, Eeke menggendak kenok, Inale'nggen wonogo mengga kwak, Nit kat kawi wurik me unggunuk wonogwe niigak, Obeelom mban eerogo pinanege ti paga niniki abu kwi'nage, Nit kat kawi alik leenak wurik me Unggunuk wonogo logonet, ale'nggen lombok ee'ninake, Eeke agaarik o.

Yetaya 25:6

“Puut yi paga Nomaawi Lombok Minggirak Naliku ALA nen yi aakumi ndi aakumi abok aret Inake yi mendek ndi mendek ombat abe lombok anggur kole agaarak amburu toolak inom, Amok enggaanggum ta'mbanak inom, Anggur amburu at mendek mban toolak inom, Pipuk eerogo pege,

Yetaya 30:19

Kit aakumi o Tiyon mendek kota Yerutalem monggotak yi wae. “Yeenggwa niret o,” yogwi kiinok, at abet aret kinabuwa nen yeenggwa kirage logogin me, kit le ambinom yogo logomunggup lek o. Kinoone nggwok paga at nggino yogwi ti eyom paga aret at konembunuk, onggo yokkiraagin o.

Yetaya 66:10

Togop me, kit o Yerutalem kiniki kunik eeko monggotak yi wae. O Yerutalem ti, agalo kwak logonet ale'nggen mbake me, kinom kinale'nggen mbakwi, Aagalogwe ambik ndarogo piigerak paga keekok yogwe, Yagan wake kagak kinom le yogo nogotak kit yi wae. At yogondak ale'nggen mbake me, kinom kiniki ale'nggen mondok alik negen mbakwi, Eeko logonip o.

Yeremiya 13:17

Kit an yokkirage kinaruk konengga'lek kiniki wogoppakwi paga nalik kumaarak logonet, le ari, Aliku ALA andomba kit keele maakkiren nagun me, Niniki wakkolage logonet, nale yi wurik kwak wurabit wage, Eeke logogin o.

Yeremiya 31:25

It ineebe ndeyak eerogo piige kenok, inomaawi eerogo piige, iniki lek age kenok, iniki kwippiige, eeke logogin o,” yinuk, yegerak o.

Yeremiya 31:9

At Iterali ogoba ti an aret age, ndi, at Eparayim nogo ti, an naput manggu ndarak aret age, Eerak aret wonage me, Tu paga wage logonet, inale ambik yogwe iinok, an nen iniki eyak wappiige, Yi niyo ndi niyo nage menggim aa'nggi paga time wogoren wage, It iniyogobit mbanirage kero, tu kobappaga wogoren wage, Eerigin o.

Yeremiya 9:1

Nanobak me niyo yenggenak kwak wonage, Ndi, niyo kila-kila wundi wage menggi kwak, nenegen me nen wundi wage, Eeke logowak lak, ao! Togop aret logonetak en, it aakumi an nowe-nawot inoorak nogo liingge-oonikiya inale ari logonetak o.

Yetikiyen 7:16

It ando inenggela'me nen peberagangge eerak mbaganit puut-puut paga ari namenggaarak wonogo logonet, it inobaalombok inomaluk paga towe puume inoone yogo mengga kwak iniki wakkologo logonet, Ai-au, yogwe,

Yetikiyen 9:4

at yoge logonet, “O kota Yerutalem time nege logonet, it yi aakumi ndi aakumi nen, O kota yime maluk ogole warak mendek eerit nogwe yi, ao, yinuk, iniki wakkologwe, le yogwe, eekwi iinok, ineenu agak inenggaawak paga liiru mbanogo piyet o,” yinuk, yoge koneneegirak.

Matiyut 5:4

It aakumi iniki puru aago menggaarak nogo ti, Ala nen iniki eyak wappiyaagin me, Iniki ale'nggen aret mbako logowak o.

Matiyut 5:6

It aakumi inagi-inambi abu aganake menggerak nogo pogom obeelom lombok eeko logorak uugwe mbako menggaarak nogo ti, It iniki mbakwi ndak-ndak a'me aret arit nage kogo logogun me, Iniki ale'nggen aret mbako logowak o.

Lukat 1:53

It abu wonogwe nogo abe mendek kalo logonogo wogorage, It aap ineenggi warak nogo wogoraga'lek we nappiige, Eereegerak o.

Lukat 6:20

Togop eekwi me, Yetut nen at oone waganggwi nogo enegen pegiige nagagerik, yorage logonet, “Kit aap kinamendek lek yi, Ala abu'me pinagarak me, kiniki ale'nggen mbako logonip o.

Lukat 6:22

It aakumi yi, inombomini nen Ala yorage kagak yoraga eeppiigo nogogwaarak pogom, an aap aret nda'nagagirak nogo noone waganggotak paga ineebi lombok kinombako logonet, Kit nit mendek lek o, yinuk, mbo pinagagwi, miyuk-meya eerogo pinagagwi, Aap yi maluk o, yinuk, kinendage tebembinagagwi, eekwi iinok, kiniki ale'nggen mbako logonu o. Kinake aago mbogut paga ambik wonage me, ti eeppinagagwi eyom paga keyage wako logonet, kiniki ale'nggen nen ndawi lubuk yogo logonu o.

Lukat 6:25

Kit yogondak mbi ndonggoppinagagerak wonogwe yi, peebi abu eekkinabigin me, kinabuwa o. Kit yogondak i'ndok kanggwi yi, peebi kiniki puru ari logonet, le yumunggup me, kinabuwa o.

Yaya 11:35

Yogo mbareegwa, Yetut le yereegerak.

Yaya 4:10

Yoge mbareegi, at Yetut nen at yoge logonet, “Ala nen onggo lek we wokkiriyak inom, ndi, aap nen, Niyo too'niru o, yokkege nogo eebe inom, kat keenu logonet, Niyo aakumi ineenik eeginake menggerak mendek wo'niru o, nggino yo'nenetak en, niyo ti mendek aret wokkenetak o.”

Yaya 6:35

Yogo mbareegwa, Yetut nen, “Mbi ineenik eeginake minggirak an aret o. Kit ambi nen an nowagam wogwe kiinok, abu eekkinabigin mondok lek o. Ndi, kit kiniki an noba panggombunuk, abet nombakwi kiinok, yi abu eekkinabigin mondok lek mban.

1 Korindut 4:11

O maan nen yogondak kuli nit nggween paga yayi wonogo logonet, ninagi-ninambi abu ee'ninake, ninayum nibi-nibi aago kagak nugwi, yawi ninookwi, ninawi wurik lek me ugun ambime nogo yegak eerit nugwi, eerit nugu ogoorik o.

2 Korindut 11:27

Yoranet mban nage neegak, ndeyak eerogo panege, kulinik-kalinik nogo yega'lek neenik mban wonage, mbi abu ee'nake, yi abu ee'nake, mbi lek kenok abu nogo yege, kani lek kenok togwi aret nogo yege, nayum lek me we aret nege, eeke nagagirak nogo ti, an neenu aret o.

2 Korindut 12:10

Togop me, an meek ee'nake kenok, Ala omaawi eeppanege kagak, nomaawi ambik logonet eerit nage minggirak me, Keritut eeke nagagerak wone wigak yuwak nduk eeke neegak, an eeriyak meek ee'nake, miyuk-meya eerogo panugwi, ambi yo'negak mban eekwi paga niniki taganogo pugwi, piyak-payak eerogo panugwi, aaninggin-paaninggin noba panugwi, eekwi iigak, “Op mban aret ee'nakwi o,” yinuk, niniki tayenak ale'nggen aret minggirak o.

2 Korindut 6:10

niniki puru ari kwe, kagak ale'nggen mban mbakwi, nineenggi lek kwe, it apit ineenggi warak eeppiigwi, ninamendek lek aret kwe, yi mendek ndi mendek abok aret unde eerogo pakwi, eerit nogo monggoorak nogo abok aret ambi eerumonggoorak paga yiluk ari kenok, nit wone unde eeppinaneegerak nogo meek mbarukwak, Ala ayeloman logonet, “Eerit nogwe yi, iya,” yuwak nduk, niniki kwi'ndak logonet, mondok liippunuk aret eerit nogo ogoorik o.

Yakobut 1:12

It aakumi inabut mbangge kagak nu'lek wonogwe kenok, inale'nggen aret mbako logowak o. It aakumi inabut mbangge kagak nu'lek wonogwe nogo, op eekwi iinok, nggare-nggare mendaarak yippiigo mengga kwak, “Kineenik mondok logorak mendek wokkiraagin o,” yinuk, abok yoragagerak ti, it aakumi Ala iniki kunik eekwi nogo, aret wogoraagin o.

Wayu 21:3

Wambi wage mbaki, wone lengganogo yorage menggim time nen oone nggwok ambi ari logonet, “Ala at apuri inenggela'me logowam nogome logokit nduk, eebe wambi wage ti, kaanip o. At eebe nogo apuri inom logonet, it nen, Kat ninogoba Ala aret o, yinuk, yogwi, ndi, at nen, Kit an napuri aret o, yinuk, yorage, eeko logogun o.

Wayu 7:16

Ndi, wone lengganogo yorage menggim oolo lombok menggerak Ndomba Aagaluk nogo nen ineebe liirogon aret ndegeninake, Ineenik mondok logowak nduk, niyo eneeri abe mili me piya nage, Eerigin me, Mbi abu aganake, niyo abu aganake, mo andi inooke, o aganggen nen ndeyak eerogo piige, Eerigin mondok lek o. It le yogwe iinok, Ala nen aret inale amburu lek eerogo piyamenggerak logogun o,” yinuk, yo'nege kagarak.