Lukat 6:2 - Ala Wone Peenok Peebi Mbanak

² Nenet nogwe iigak, it Pariti mendek ando nogo nen, “Tamban eekwi paga togop eeriyak mage yugu kagak, kit nonggop nduk eerit nogo ogotik?”

Lukat 6:2 ပူးပေါင်းရင်းမြစ်များ

Wundeegwaarak 22:10

Aap ambi nen aanggo keledai a, lembu a, ndomba a, aanggo alik mendek a, at oreeluk piirogo logowak nduk wogoremenggerak kangge kenok a, iyok kalok ari kenok a, aakumi inigen lek iigak, aap ambi nen kumaake kenok a,

Wundeegwaarak 31:15

Ne 1 nen nok ne 6 paga ti, yabu eeko logorak op aret kwe, nogo 6 yinuk, ko'lu nogo paga ti, we puk tat yonggonggologo logorak Naliku ALA nake leenogo pateegirak me, aap ambi nen yabu eeke kenok, onggo at eebe aret warogo pogo logowak o.

Wundeegwaarak 35:2

Ne aa'nduk nen nok ne 6 kuli paga ti, it yabu eerit nogo logorak op aret kwe, ko'lu paga perak, yabu eeka'lek tat yonggonggologo logonet, Naliku ALA nalut eeko logowak nduk, nake leenogo pateegirak me, ne ti paga aap ambi nen yabu eeke kenok, onggo at eebe warogo pogo logowak o.

Yetaya 58:13

“Nogo 6 yippunuk, ko'lu paga yonggonggologo logorak wone taganogo pugwi lek liirogon eekwi, Ne an Ala nake leenogo pateegirak nogo paga it eeriyak mbakwi nogo lek an eeriyak mbake nogo mban eekwi, Nogo 7 paga yonggonggologo logorak ninikilom aret, yogwe, Naliku ALA nen ne leenogo pateegirak nogo ayuk wukwi, Ayuk wuko logonet, it eeriyak mbakwi nogo eeka'lek mbo pugwi, Eeriyak inikilom mbakwi nogo eeka'lek teppugwi, Inoone ugun-ugun yaga'lek liirogon mban agan nogwe, Eekwi iinok,

Matiyut 12:2

Nenet nogwe it aap Pariti mendek nen inigen iigo nogogwaarik, Yetut yogo logonet, “Tamban eekwi paga yi eekak ndi eekak eeriyak mage yugu kagak, it kat koone waganggwi mendek nen ugun eekwi yi iyet o.”

Matiyut 15:2

“Kat koone waganggwi yi, nonggop nduk ninombomini eeko nogogwaarak wandek eekwi nogo taganogo mbo punuk, ineenggi kooka'lek logonet, mbi nonggo menggaarak?”

Marakut 2:24

Warit nogwe me, it aap Pariti mendek nogo nen at yogo logonet, “Yetut wae. Ala nen, Tamban eekwi paga togop eeriyak mage, yugu kagak, it kat koone waganggwi mendek nen ugun eekwi yi, pegiyet o.”

Lukat 5:33

Yorage mbareegi, it aap Pariti nogo nen at Yetut yogo logonet, “It aap Yaya oone waganggwi ti, nabenak mban mbi nengga'lek inambe mage negen logonet, tamban eeko menggaarak. Ndi, nit aap Pariti ninoone waganggwi ti, togop aret eeko menggaarak kwe, kat koone waganggwi perak, we ugun mbi nunggwi, niyo nunggwi, eeko menggaarak iigo o.”

Yaya 5:16

At Yetut nen it aap Yakuri tamban eekwi paga togop aret obeelom eeginabit nege nagagerak me, it Yakuri mendek nen Yetut inanini agaket eerogo pit nogo nogogwaarak.