Lukat 6:19 - Ala Wone Peenok Peebi Mbanak

¹⁹ At Yetut omaawi inikime liinik wonage nogo wundi nage logonet, aakumi obeelom eeginabit nege me, it aakumi abok aret Yetut pigaawok nduk, eereegwaarak.

Lukat 6:19 ပူးပေါင်းရင်းမြစ်များ

2 Endagembogut 13:21

Ne ambi paga aap Iterali mendek nen aap kambeegerak ambi taambuwok nduk eekwi me, aap a'nggan wogonaka wogwe inigen iigo nogogwaarik, aap kambak nogo Elita mambereegwam nogome mbo mambogo mbareegwa, aap ti, at Elita owak nogo mbaanggage nagagerik, eenik a'nuk mi'nagagerak.

Matiyut 14:36

Piya wogogwaarak nogo nen we ayum abo mban ineenggi pigaawok nduk, nggino yogo nagaatik, pigaganggwi iinok, it abok aret obeelom ogo nogogwaarak.

Marakut 5:30

at Yetut nen, “Nomaawi ambi lek age kagi,” mba'nuk, aakumi ninggi'nuk wogwe nogo ena logurogon pegiige logonet, “An nayum ta nen pigaganggi?”

Marakut 6:56

O kota nggwok me inom, mbuuluk me inom, o yambo-ndambo time inom, nege kagak, it kugi andi warak nogo mbi onggo kunggo menggam piya wagaatak nogo nen, we ambogoyum irip pigaawok nduk nggino yogo nagaatik, pigaganggwi iinok, it abok aret obeelom ogogwaarak.

Marakut 8:22

Ti'nuk, o Mbetayira nogogwaarak. Nogo mbareegwa, it aakumi time nen aap enegen mbuk me at owagam wonok wogo nogogwaarik, Yetut nen at oba eenggi pigaawak nduk, inabuwa warak nggo-nggo logonet, Yetut yoreegwaarak.

Lukat 5:17

Ne ambi paga Yetut wone mamunirage me, it aap Pariti inom, it aap Ala wone liiru mbanak unde inom, iname o Nggalileya nen, Yureya nen, Yerutalem nen, nogo nogogwaarik, we ugun kwi'ndak logonet, Yetut oone konenggo nogogwaarak. Aakumi andi obeelom eeginabuwak nduk, ninogoba Ala omaawi at Yetut eeppege kagak, eeke nagagerak.

Nappiigak 19:12

Iya tit eeke nagagerak ti, at ayum liigak kookak inom, ambogoyum oba pereninuk nege menggerak inom, wonok nogo nagaatik, it aakumi kugi andi nogo, inoba labumbiigwi iigak, kugi andi nogo lek age, kugi inikime unggwegetak nogo nggik togon wungge, eeke nagagerak.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.