Lukat 6:15 - Ala Wone Peenok Peebi Mbanak

¹⁵ Matiyut inom, Tomat inom, Alepeyut aput Yakobut inom, “Ninalik aruwok,” yaga mendek ambi endage Timon inom,

Lukat 6:15 ပူးပေါင်းရင်းမြစ်များ

Matiyut 9:9

At Yetut o time teppunuk, tu paga nage logonet, aap ambi endage Matiyut o unde inake wu kuwak eeko menggam taati kwi'ndak wonage enegen kage nagagerik, “Nimbirak nawok nduk, omok o.” Yoge mbareegi, at Matiyut nogo mi'nage nagagerik, Yetut imbirak aret nagagerak.

Marakut 2:14

Wone mamunirage nagagerik, tu paga nage logonet, at Alepeyut aput Lewi nogo, it o unde inake wu kuwak eeko menggam kwi'ndak wonage enegen kagagerak. Enegen kage nagagerik, “Nimbirak nawok nduk, omok o,” yoge mbareegi, mi'nage nagagerik, Yetut imbirak nagagerak.

Marakut 3:18

Andereyat inom, Piliput inom, Mbarotolomeyut inom, Matiyut inom, Tomat inom, Alepeyut aput Yakobut inom, Tareyut inom, “Ninalik aruwok,” yaga mendek ambi endage Timon inom,

Lukat 5:27

Ti eeppunuk, at Yetut endekem wundi nage nagagerik, aap o unde inake wu kuwak eeka mendek ambi endage Lewi wu kuwak eeko menggam kwi'ndak wonage kagagerak. Kage nagagerik, Yetut nen at yoge logonet, “Nimbirak nawok nduk, mok o.”

Lukat 6:14

Leenogo piyareegerak nogo ti, Timon endage ambi Peterut tooneegerak nogo inom, at Timon awuluk Andereyat inom, Yakobut inom, Yaya inom, Piliput inom, Mbarotolomeyut inom,

Lukat 6:16

Yakobut aput Yurat inom, ndi, Yetut onggo mbaneegerak Yurat Ikariyot nogo inom, leenogo piyareegerak.

Yaya 11:16

Yorage mbareegi, at Tomat endage ambi Kulu'mbere toonak nogo nen oreewi yorage logonet, “Nit at ninom aret kambuwok nduk, nawok o,” yinuk, yoragagerak.

Yaya 20:24

Wone yoragagerak nogo ti, at oone waganggwi mendek 12 nogo ambi Tomat endage ambi Kulu'mbere toonak nogo, eebe lek kagak iya wagagerak me,

Nappiigak 1:13

O kota Yerutalem unggwi wogo nogogwaarik, it wonogo menggam tilaabaga nogome lagi nogogwaarak. It lagi nogogwaarak nogo ineebe ti, Peterut Yaya imbirak, Yakobut Andereyat imbirak, Piliput Tomat imbirak, Mbarotolomeyut Matiyut imbirak, Alepeyut aput Yakobut togon, at “Ninalik aruwok o,” yaga Timon togon, Yakobut aput Yurat togon, nogo aret.

Nappiigak 15:13

Wone ti, inaruk konenggo nogogwaarik, Yakobut nen it yorage logonet, “Noreewi o. Wone yokkirage yi, liirogon konenggo logonip o.

Nggalatiya 1:19

it nappiigak ando ti, an nenegen abu iyoolik. Ninowe Yetut awuluk Yakobut nogo, alik mban nenegen kagagirak o.

Nggalatiya 2:9

it Ala apuri kuwak eerit nogwe pippiirogo menggaarak o Yerutalem wonogwe nogo, Yakobut kunduk, Peterut kunduk, Yaya kunduk, nogo nen Mbaranabat nimbirak yo'nirogo logonet, “Ala iniki kunik nen unde eeppinagareegerak me, op aret o. Kit aakumi endekem mendek yora nogwe, ndi, nit inagabolo mbanak mendek yorogwe, eeko logowok o,” yinuk, keyage warogo nappinaneegwaarak.

Yakobut 1:1

Kit Yakuri kinanebunu 12 mendek yi o ndi o mbaganit nogogutak nogo, an Yakobut nen ninogoba Ala ninowe Yetut Keritut imbirak inayeloman logonet, keyage wappinagagi o.