Lukat 6:12 - Ala Wone Peenok Peebi Mbanak

¹² Ti eyom paga Yetut tamban eerikit nduk, puurom lagi nagagerak. Lagi nage nagagerik, oonikiya Ala yoge tit kagak, o weereegerak.

Lukat 6:12 ပူးပေါင်းရင်းမြစ်များ

Ndawi 22:2

Nogoba Ala o. O liingge paga wone yokkigitak kwe, onggo yo'nega'lek wonage, Ndi, oonikiya kunduk tamban eekitak kwe, Niniki kwi'naga'lek tit wonage, Eeke agarik o.

Yetaya 26:9

Oonikiya paga, “Nimbirak lambunikit lak, ao,” mbake, Ndi, o weege paga, “Keyaakit lak, ao,” mbake, Eeke minggirak. O nggween paga yime nen aakumi inowak looni wage eyom paga Kat a'me nggelok mban eeke menggendak nogo it aakumi nggween paga wonogwe abok aret ineenu arugun o.

Ndaniyen 6:10

Wone liiru mbanogo punuk, wumbereegerak nogo, at Ndaniyen aruk konembunuk, ame nage nagagerik, ame irimbaga ko ambi ogoorak me, pugagi ena Yerutalem pa'nggwe mbanak nogo, pugagi paarak me time nen o ne ambit wege paga ne kenagan kuli tamban eeke menggerak nogo ndak-ndak, time ari unggunuk, endobanggun yindumbunuk, tamban eeke, Ala wa yoge, eeke nagagerak.

Matiyut 5:1

Aakumi ambik inom nogwe nogo Yetut enegen iinok, puurom paga lagangge nagagerik, kwi'na'nuk wonage me, it at oone wagangga nogo owagam nogogwaarak.

Matiyut 6:6

Kit nen tamban eeriyak mbakwi kiinok, kiname unggwogo logomonggotik, tu nappunuk, kinogoba nobara'me menggerak nogo nggino yogo logonip o. Ndi, nggino yogwi kiinok, at kote eekwi enegen kage menggerak nogo nen onggo wokkiraagin o.

Marakut 1:35

O kilim nagabikit nduk apit eeke kagak, Yetut eenik a'nuk wundi nage nagagerik, aakumi ineebe lek me time tamban eeri nagagerak.

Marakut 3:13

At Yetut nogo puurom lagangge nagagerik, nogome logonet, at inom nege logorak iniki koonogo pereegerak nogo woraawak nduk wiirage mbareegi, owagam kuwak ari wogogwaarak.

Marakut 6:46

nogwe iigak, aakumi nogo iname nappiinok, tamban eerikit nduk puurom time laganeegerak.

Lukat 5:16

Togop aret eeko nogogwaarak kwe, at Yetut karume aakumi lek me time tayo yi nage nagaatik, tamban eekak eeke nagagerak.

Lukat 6:11

Eenggi abu obeelom aret agagerak kwe, it perak, iniki inanini arit unggwage logonet, “Yetut nonggop eerogo puwi o?” yinuk, wone mbaneegwaarak.

Lukat 6:17

At Yetut leenogo piyareegerak inom puurom paga nen wambi wogo nogogwaarik, kobappaga time puk ogogwaarak. Puk ogo mbareegwa, at oone waganggwi ando apit inom, aakumi ambik o Yureya nen, o kota Yerutalem nen, o Tirut Tiron yi yenggenak laut aa'nggi paga nogome nen, at Yetut oone konenggwi, kugi andi kunik obeelom eeginake, eeruwak nduk, at owagam kuwak ari wogogwaarak nogo inom, Yetut inom kobappaga taati aret wonogogwaarak. It aakumi kugi ogole warak mendek inikime unggwagak mban eeko nogogwaarak nogo obeelom eeginabeegerak.

Lukat 9:18

Ti'nuk, peebi ne ambi paga at Yetut alik tamban eeke me, at oone waganggwi nogo owagam nogo mbareegwa, Yetut nen ineegwa'me wogiige logonet, “It aakumi abok en an ta nomba'nuk, yogo agaarik?”

Lukat 9:28

Wone ti yorage nagagerik, nogo 8 negen yinuk, Yetut nen Peterut kunduk, Yaya kunduk, Yakobut kunduk, wogoret tamban eeruwok nduk, puurom lagi nogogwaarak.

Lukat 9:29

Nogo nogogwaarik, Yetut tamban eeke me, at enete alik lombok age nagagerik, ambogoyum abinak mondok yanggwi negen lan ari kagak,

Yaya 6:3

Mugurok nogwe iigak, at Yetut puurom lagi nage nagagerik, at oone waganggwi inom time aret kwi'nogogwaarak. (

Kolote 4:2

Ko'lu-kii'me nogolumok yega'lek tamban mban eeko logonet, Ala, “Wa!” mban yogo logonip o.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,

1 Tamuwen 15:11

“At Tawun nogo, Yogop eeke logot o, yogirak nogo, eeka'lek an mbo paninuk, alik eekerak paga, At endagembogut logorak nanonduk mippigirak o? yinuk, niniki wakkolage agarik o.” Yoge mbareegi, at Tamuwen nogo iniki puru ari logonet, oonikiya oone nggwok paga Aliku ALA yoge kagak, o aret weereegerak.