Lukat 5:9 - Ala Wone Peenok Peebi Mbanak

⁹ Ikan apit waganeegwaarak nogo paga at oreewi inom inagabiti ambik aganabeegerak me nduk yoreegerak.

Lukat 5:9 ပူးပေါင်းရင်းမြစ်များ

Ndawi 8:6

Kat yi mendek ndi mendek keenggi paga ogobakkigirogo pereegindak nogo Nit aakumi unde logowok nduk pege, Ndi, kambin-ndomba inom, lembu-tapi inom, Ndiimbu-nggwiya karume nugu menggaarak inom, Towe wiga agan nugu menggaarak inom, Yikwe yi nggwok laut inikime menggaarak inom, Yi nggwok laut nage menggim inikime wonogwe inom, Yi mendek ndi mendek abok aret Nit aakumi ninabu'me logowak nduk piige, Eereegindak o.

Marakut 9:6

It nogo nen, “Ia!” yinuk, inagabiti ambik age mbareegi, nonggop yuubok kenok, togop yoreegerak.

Lukat 2:18

It ndomba ndegeninaka nen wone mbininogo yorogogwaarak nogo, aakumi konenggo nogogwaarik, it abok aret, “Wi!” yinuk, pi wareegwaarak.

Lukat 4:32

Wone mamunirage logonet, at oone omaawi paga yorage me, aakumi nen, “Ia!” yinuk, inagabiti ogogwaarak.

Lukat 4:36

Nggigik togon wungge mbareegi, aakumi abok inagabiti nen, “Wi!” yinuk, at ambi nen at ambi yogak eeko logonet, “Wologwe! Aap yi, oone nonggop ari mbakop? Kugi wumbiyoorak at unde me, oone omaawi paga kugi ogole warak mendek, Wundi nanip o, yorage kenok, wunggo menggaarak ia!” yinuk, yogogwaarak.

Lukat 5:10

At Peterut oreewi Tebereyut apuri Yakobut Yaya imbirak nogo inom inagabiti mbakwi iigak, Yetut nen Timon yoge logonet, “Kagabiti mbarugun o. Ikan wagangge menggendak kwak, o yogondak nen aakumi wogonake logomunggun o,” yinuk, yoreegerak.

Lukat 5:8

Timon nen yiiro nogo imbirak tebenikit nduk eeke kage nagagerik, Yetut abu'me tebe yinuk, “Nogoba o. An aap abu maluk mendek me, nogole nen mbaganu o,” yinuk, yoreegerak.