Lukat 5:6 - Ala Wone Peenok Peebi Mbanak

⁶ Yinuk, wuppi nogo nogogwaarik, ikan mondok iya tit waganeegwaarak me, yum nogo abu nibik yuurak eereegerak.

Lukat 5:6 ပူးပေါင်းရင်းမြစ်များ

Wone Alom Kibingga 11:6

Iri'ngga yumbunemenggendak nogo, “Ambi ti, op arigin,” ilik, “Ambi ti op arigin a?” Ilik, “Imbirak aret obeelom aremenggi a?” nogo ti, kat keenggo'lek me, O kubondendok paga yi mendek ndi mendek awi yumbunit nage, ndi, o kiyoma kunduk, keenggi awiirak puk wonaga'lek eerit nage, Eeke logot o.

Lukat 5:7

Yum nibik yuurak eeke mbareegi, inoreewi yiiro ore paga wonogwe nogo yeenggwaara woraawak nduk, ineenggi walok yorogo mbareegwa, wogo nogogwaarik, ikan waganogo yiiro imbirak eno korok togon yonggoleegwaarak me, aaninggin nen yiiro nogo imbirak yi inikime tebenikit nduk, eereegerak.

Nappiigak 2:41

Eeke mbareegi, it aakumi nen at oone waganeegwaarak nogo yiime wuppiyareegwaarak. Ne ti eyom paga inom nabennari unggwogogwaarak nogo, ineebe lambuk togon aap ambik tiga ribu aret.

Nappiigak 4:4

Ndi, it wone yorogwe iigak koneneegwaarak nogo aap mban ineebe ambik lima ribu aret abet mbareegwaarak.

1 Korindut 15:58

Ti kenok, noreewi o. Kit an niniki kunik me, kiniki mondok kwi'ndak nu'lek logonet, ninowe eyabu aret eekwi kenok ti, we aanom warogo eekwi lek ambi kola noorak nduk eekwi kineenu me, kulinik-kalinik nggwiirit-nggwaarit aret eeko logonip o.

Nggalatiya 6:9

Togop me, nit yi obeelom ndi obeelom eerit nogo logonet, anggon-panggon ee'ninake kagak, mbo pega'lek mondok aret eerit nogwe niinok, anggen yugu obeelom mbanggologwe nogo kokwak, nit onggo wo'niroorak nineenu me, ta'liila ee'ninake kenok mbo puurak mage o. Kagak aret eerit nogo logowok o.