Lukat 5:30 - Ala Wone Peenok Peebi Mbanak

³⁰ it aap Pariti inom, aap Pariti mendek Ala wone liiru mbanak unde inom, nen Yetut oone waganggwi mendek ineebi-ineeba inomba'nuk, yorogo logonet, “Kit nonggop nduk, it aap o unde inake wu kuwak eeka inom, it aap maluk eeka inom, kinom mbi nonggo ogotik o?”

Lukat 5:30 ပူးပေါင်းရင်းမြစ်များ

Matiyut 5:46

It aap iniki kunik eekkinakwi nogo mban kiniki kunik eeginakwi kiinok, ti paga onggo ambi koloorak mbakop? It o unde inake wu kuwak eeko menggaarak nogo nen eeko menggaarak nogo mendek mban eekwi me, kit onggo koloorak lek aret mbako logonip o.

Matiyut 9:11

Inom mbi nunggwi nogo it aap Pariti mendek nen iigo nogogwaarik, Yetut oone waganggwi nogo yorogo logonet, “Kinowe ngguru yi, it aap o unde inake wu kuwak eeka mendek inom, it maluk eeka mendek inom, inom lambunik logonet, nonggop nduk mbi nengge agaarik o?” yinuk, yorogogwaarak.

Marakut 2:16

it aap Pariti mendek Ala liiru mbanak unde ando nogo nen it maluk eeka inom, it o unde inake wu kuwak eeka inom, Yetut inom aret mbi nunggwi inigen iigo nogogwaarik, at oone waganggwi nogo yorogo logonet, “It o unde inake wu kuwak eeka inom, it maluk eeka inom, nonggop nduk at Yetut inom lambunik logonet, mbi nengge agaarik o?” yorogogwaarak.

Marakut 7:3

It Pariti mendek inom, it Yakuri mendek nogo inom, it abok aret inombomini nen eeko nogogwaarak wandek eeko logonet, ineenggi kooka'lek mbi nunggwi, mbi kunggo menggam nogome nen wogo nagaatik, mili lenggek ari kenok, kooka'lek logonet, mbi nunggwi, eeko logolik o. Ti mendek abok aret inombomini wandek eeko logonet, yiiwak mbuulogwe inom, yo'nggok inom, mbutiiwak inom, kooko nogogwaarak.

Marakut 9:16

at Yetut nen, “It aap ti, kinom nano wone wako ogotik o?”

Lukat 18:11

Imbirak Ala awi wurik me unggwi nogo nogogwaarik, aap Pariti nogo nen mi'na'nuk, tamban eekkolage logonet, Ai, nogoba Ala! It aakumi yogoot wagangga inom, maluk eeka inom, mbabi eeka inom, ndi, aap o unde inake wu kuwak eeka yi nogo inom, an togop kwak lek me, wa yokkege agarik o.

Lukat 19:7

Yetut imbirak nage it aakumi nen kogo nogogwaarik, ineebi-ineeba yogo logonet, “Aap maluk eeke menggerak imbirak ame nogo yuurak nduk, nogwe yi kiraap?”

Lukat 5:17

Ne ambi paga Yetut wone mamunirage me, it aap Pariti inom, it aap Ala wone liiru mbanak unde inom, iname o Nggalileya nen, Yureya nen, Yerutalem nen, nogo nogogwaarik, we ugun kwi'ndak logonet, Yetut oone konenggo nogogwaarak. Aakumi andi obeelom eeginabuwak nduk, ninogoba Ala omaawi at Yetut eeppege kagak, eeke nagagerak.

Lukat 5:21

Yoge mbareegi, it aap Ala wone liiru mbanak unde nogo inom, it aap Pariti inom, nen iniki mbako logonet, “Aap Ala miyuk-meya eerogo pege yi ta mbakop? Nit maluk eekwi at Ala nen mban lek eerogo pinanege menggerak nogo lek a?” yinuk, mbareegwaarak.

Lukat 7:34

Ndi, an aap aret nda'nagagirak nogo mbi inom, amburu inom, ugun nenet wagagirak me, kit nen yogo logonet, Mbi inom, anggur amburu inom, lagap mban agan nenet nege logonet, it aap o unde inake wu kuwak eeka inom, aap maluk eeka abok inom, inom kunggo'net nage yi, kaanip o, yinuk,

Lukat 7:39

“Aap Pariti, Yetut nimbirak mbi noorak,” yoreegerak nogo nen kwe nogo eeke kage nagagerik, iniki mbake logonet, “Kwe yi, maluk eeke menggerak me, aap yi nogo Ala nen yoge kagak yoraga mendek abet aret logonetak en, Kwe yi maluk eeke menggerak nen aret pi'nake kagi, yinuk, ti maan yelok kaanetak,” mbareegerak.

Nappiigak 23:9

Ogooppunuk, inoone yimbu-lambu yogo nogogwaarik, it Pariti mendek liiru mbanak unde ando nogo nen, mi'na'nuk yorogo logonet, “At yi, maluk ambiriluk ambi eerulik aret kogo o. Aakumi inogoma ambi nen yogerak paga ari agaarik ilik, malayikat ambi nen yogerak paga ari agaarik a?” yinuk, awone nggwok wareegwaarak.