Lukat 5:25 - Ala Wone Peenok Peebi Mbanak

²⁵ Awo yoge kagak, aap nogo it apit inenggaanom paga mi'nage nagagerik, at nogo yege nagagerak ndoonak nogo ko'nok ame nage logonet, Ala endage wogoppit nagagerak.

Lukat 5:25 ပူးပေါင်းရင်းမြစ်များ

Wakkagagerak 1:3

Wiga agan nege kagak, at Ala nen, “O eya aruwak o,” ari kagak, o eya aret agagerak.

Ndawi 50:23

It aap an, Wa, yo'nogo logonet, Warogo wo'nugwi paga nendage tiyappanugo logogun o. Ndi, it inaru koonogo pakwi iinok ti, Inagap ndariyak wone nogo An nen ineenu eeppiige logogin o,” yinuk, yorage logogin o.

Matiyut 9:8

Ti eereegerak nogo, it aakumi inigen kogo nogogwaarik, inagabiti a'nuk, “Ala nen it aakumi togop eeko logowak nduk, unde eerogo mippiige menggerak me, iya!” yinuk, wogoppereegwaarak.

Marakut 2:12

Awo yoge kagak, mi'nage nagagerik, agare'ngga ndoonak nogo yege menggerak nogo ko'nok, it abok inenggaanom paga endekem wungge mbareegi, it aakumi abok nogo nen, “Yogop eekwi nit ambi abu ninigen kogolik mendek aret eekerak yi, wi!” yinuk, at Ala wogoppogo logonet, pi wareegwaarak.

Lukat 13:13

eenggi awo pigagangge kagak, kwe nogo amborowak koonnage mbareegi, Ala wogoppereegerak.

Lukat 18:43

Nogo awo yoge kagak, at enegen pagak yereegerak. Enegen pagak ari mbareegi, Yetut imbirak wage logonet, Ala endage wogoppit wagagerak. Ndi, Yetut eereegerak nogo it aakumi abok aret kogo nogogwaarik, Ala alut eereegwaarak.

Lukat 5:13

Yoge mbareegi, at Yetut eenggi nderogon pigagangge logonet, “Obeelom eekkaburak mbakirak me, obeelom agago pagi o,” wone awo yoge kagak, at awin aaga'ne kunik nogo lek aret agagerak.

Yaya 9:24

Togop yorogo mbareegwa, it Yakuri mendek nen aap enegen mbuk wonagagerak nogo ambinom wiigo nogogwaarik, wage mbareegi, yogo logonet, “Wulaga! Aap nogo maluk eeke menggerak nit nineenu me, Ala enggaanom paga koone mondok abet aret yu o.”