Lukat 5:24 - Ala Wone Peenok Peebi Mbanak

²⁴ Yorage nagagerik, “An aap aret nda'nagagirak nggween paga yime logonet, aakumi inomaluk lek eerogo piyoorak unde Ala nen an aret mippaneegerak kineenu arubagip nduk, yogirak o,” yorage nagagerik, aap eenggi-iyok nggunanak nogo yoge logonet, “Mi'na'nuk, kat nogo yege menggendak ndoonak nogo ti, ko'nok kame nak o, yinuk, yokkigi o.”

Lukat 5:24 ပူးပေါင်းရင်းမြစ်များ

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Ndaniyen 7:13

Oonikiya ti paga mban nabinggaanggo kage logonet, aakumi inaput ndarak negen ambi o mbogut ya'i ndugwi enggela'me wage nagaarik, at Anggok Ageelik Itok Menggerak kwi'ndak wonage me nogome wage mbaki, at enggaanom paga pi wogwe iigirak.

Matiyut 16:13

At Yetut o Kayitareya Pilipi unggwi nanuk, time nege logonet, at oone waganggwi nogo yorage, “Wologwe! An aap aret nda'nagagirak yi, it aakumi nen ta nomba'nuk yogo agaarik?”

Matiyut 25:31

Yetut wone ambinom yorage logonet, “An aap aret nda'nagagirak nobanggi-nobangge li'luk eekko'nok, it malayikat abok aret ninom wage logominggirik, an wone lengganinake minggim tiyanak nogome neegak,

Matiyut 26:64

Yoge mbareegi, at Yetut nen, “Yagandak ti aret o. Togop me, kit abok aret an ambi yokkira o. O yogondak yi kuli paga nen an aap aret nda'nagagirak yi, at Omaawi Lombok Menggerak eenggi abe'nggan kwi'ndak wonage logominggirik, mbogut paga ndugwi enggela'me wambi wage neyaamunggup o, yinuk, yokkiragi o.”

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Matiyut 9:6

Ala nen an aap aret nda'nagagirak nogo nggween paga aakumi inomaluk lek eerogo piyoorak unde mippaneegerak kineenu arubagip nduk, yogirak me,” yinuk, yorage nagagerik, aap eenggi-iyok nggunanak nogo yoge logonet, “Mi'na'nuk, kat nogo yege menggendak ndoonak ti, ko'nok, kame nak o.”

Lukat 5:13

Yoge mbareegi, at Yetut eenggi nderogon pigagangge logonet, “Obeelom eekkaburak mbakirak me, obeelom agago pagi o,” wone awo yoge kagak, at awin aaga'ne kunik nogo lek aret agagerak.

Lukat 5:18

Nogome wonogwe me, aap ambi eenggi-iyok nggunanak me, aap nen eewu'nuk, Yetut owagam pi ungguwok nduk, eereegwaarak mendek

Lukat 5:23

Komaluk lek eerogo pagagi, yoriyak ti, iya ilik, mi'na'nuk nege logot, yoriyak ti, iya? Kit yinip nda!”

Lukat 7:14

Yoge nagagerik, aap eewurik wonok wogwe me panggo yi nage nagagerik, eenggi pigaganeegerak. Eenggi pigagangge mbareegi, aakumi eewurik wonok wogwe nogo puk ogo mbareegwa, at Yetut nen, “Wulaga! Mi'na'nok nduk, yokkege agarik o.”

Lukat 8:54

Agi'ndok kanggwi iigak kwe, Yetut nen kolaga nogo eenggi pigagangge logonet, “Napuluk mi'naru o!”

Yaya 11:43

Yoge nagagerik, at oone nggwok paga, “Latarut wae! Wundi mok o.”

Yaya 17:2

An kaput, yi aakumi ndi aakumi abok tigitogon unde logonet, aakumi wo'nereegindak nogo mondok-mondok ineenik eeginabikit nduk, mippaneegindak o.

Yaya 3:13

Aap alik ambi abu lek o. An aap aret nda'nagagirak nogo nalik mban mbogut paga nen wambi wagagirak me, ti'nuk, niyokan mbogut paga lagi nagin o.

Yaya 5:27

Aput an aap aret nda'nagagirak me, aakumi inowak loonogo maluk onggo eeppiyoorak nogoba nen awone kili'nereegerak o, yinuk, mondok abet aret yokkiragi o.

Nappiigak 14:10

“Kiyok nggik togon mi'naru o,” yinuk, oone nggwok paga yoge mbareegi, at nogo pilak togon mi'na'nuk, nege nagagerak.

Nappiigak 5:31

Mippege nagaarik, kit kinowe endagembogut kinagap ndaka at eenggi abe'nggan logonet, kit aakumi Iterali mendek maluk eeko monggotak kiniki koombunuk mbo pugwi kiinok, kinomaluk lek eerogo pinagawak nduk tiyappegerak aret o.

Nappiigak 9:34

Kage nagagerik, Peterut nen at yoge logonet, “Eneyat wae. Yetut Keritut nen obeelom eekkakerak me, mi'nage logomenggendik, ndoonak windak menggendak yunggunggolet o,” yinuk, awo yoge kagak, mi'nagagerak.

Nappiigak 9:40

Le yogwe me, Peterut nen, “Kit abok aret wundi nanip o,” yorage nagagerik, endobanggun yindumbunuk, tamban eereegerak. Tamban eeppunuk, at kambeegerak nogo ena logurogon pekkage nagagerik, “Tabita wae. Mi'naru o,” yoge mbareegi, enegen kubunik nogo pagak yinuk, Peterut enegen kage nagagerik, windak nogo mi'nagagerak.

Wayu 1:13

Ndi, ndi wuninogo pegak 7 ogobakkigirik nogo inenggela'me oolo taati aakumi inetenggen pogom ambi wonage kagarak. Aap ti nogo, ambogoyum nggorek, nok, iyok me linik yirik wonage, agabee'le mbuti emas mendek obate paga yirik wonage,