Lukat 5:21 - Ala Wone Peenok Peebi Mbanak

²¹ Yoge mbareegi, it aap Ala wone liiru mbanak unde nogo inom, it aap Pariti inom, nen iniki mbako logonet, “Aap Ala miyuk-meya eerogo pege yi ta mbakop? Nit maluk eekwi at Ala nen mban lek eerogo pinanege menggerak nogo lek a?” yinuk, mbareegwaarak.

Lukat 5:21 ပူးပေါင်းရင်းမြစ်များ

Ndawi 103:3

At nen komaluk lek eerogo pagage, Yi kugi ndi kugi andi eekkake nogo, at nen lek eerogo pagage,

Ndawi 130:4

Kat nen ninomaluk lek eerogo mbo pege menggendak me, Kat paga ninagabiti kombako monggoorak o.

Ndawi 32:5

Togop aret ee'nakerak me Maluk eekirak nogo yokkege, Nomaluk kiraappunuk wonaga'lek kin paga pege, “An nen Kaliku ALA koone tagambunuk, Maluk eekirak nogo paganogo yokkirikit o,” Yinuk, paganogo yokkege, Eeke mbaki, Kat nen nomaluk lek eerogo panggendak o.

Ndawi 35:5

Aliku ALA ayonggo malayikat nen mugogo nappiige kagak, Wiya nen iri'ngga ameneno wonok nage menggi kwak, Togop aret aruwak o.

Yetaya 1:18

At Aliku ALA nen ari logonet, “Wone agaarak yi, ninom koonuwok nduk woraawak o. It inomaluk maa'ngga amu kunik kwak wonage ti, ndugu-ndugu abinak kwak eerogo piige, Inomaluk tawi maarak kwak wonage ti, ndomba eeruwak yanggwi kwak eerogo piige, Eerigin o.

Yetaya 43:25

An o. An Ala aret me, an lombok nen inomaluk lek eerogo piige, Inomaluk eekaarak nogo an abeke lek nami age, Eeke minggirak o.

Yetaya 44:22

Tit aagi wiya nen wonok nggarek ari menggi kwak, it maluk eerit wogo nogogwaarak nogo, lek eerogo piige, Ndugwi o wiya nen wonok nage menggi kwak noone taganogo punuk, maluk eeko nogogwaarak nogo lek eerogo piige, Eeke nagarik, Wondet eerogo piigirak me, iniyokan yungguninuk neya woraawak o,” yinuk, yegerak me, yokkiragi o.

Ndaniyen 9:19

Ninogoba o. Karuk konenu o! Ninogoba o. Ninomaluk lek eerogo pinanu o! Ninogoba o. Liippinaninuk, mbet-mbet yeenggwaanirage logot o. Ninogoba Ala wae. Kat kendage kumbunuk, kagota endage yogwe, kapuri inendage yogwe, eekwi me, kat kendage ti, maluk age kero, puk ariyak lek mbet-mbet yeenggwaanirage logot o,” yinuk, tamban eereegirak.

Ndaniyen 9:9

Kat koone ari nogo, Eeriyak nineebi o, yinuk, mbo pogoorak kagak kwe, kat ninogoba Ala ninabuwa mbake logonet, ninomaluk lek eerogo pinanege menggendak o.

Mika 7:19

Aa'nduk ninabuwa mbake nagagindak nogo ndak-ndak, yogondak ambinom ninabuwa mbake logonet, Ninomaluk kumaarogo kiyok libik-lebek eerogo pege, Nit maluk eeko nogogurak nogo abok aret niyo nggwok yenggenak laut nogo oolo kiiniki paga lombok mbo wuppege, Eerumunggun o.

Matiyut 26:65

Yorage mbareegi, at Ala unde inowe nggwok nogo nen ayum mondok nggoguk togon eerogo nappege logonet, “Wologwe! Ala miyuk-meya eerogo pege yi kagak, wone ambi ngge inom yo'niraawak nduk, tokkogo ogotik? At yegerak abu konenggotak me,

Matiyut 9:3

Yoreegerak nogo paga it Ala wone liiru mbanak unde nogo nen yogo logonet, “Ie! Aap yi, Ala miyuk-meya agago pege agaarik ubi,” yinuk, yereegwaarak.

Lukat 3:8

Kit maluk eeko monggotak nogo, kiniki koombunuk mbo pogotak kenok, eyo anggen abe yi'nage menggi kwak, ndak-ndak aret eeko logonip o. Kit kinikime nen mbako logonet, Ninombo ti, Abarakam aret me, nit obeelom aret o, mban mbakwi ti mage o. At Ala nen, Yugum yi, at Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Lukat 5:17

Ne ambi paga Yetut wone mamunirage me, it aap Pariti inom, it aap Ala wone liiru mbanak unde inom, iname o Nggalileya nen, Yureya nen, Yerutalem nen, nogo nogogwaarik, we ugun kwi'ndak logonet, Yetut oone konenggo nogogwaarak. Aakumi andi obeelom eeginabuwak nduk, ninogoba Ala omaawi at Yetut eeppege kagak, eeke nagagerak.

Lukat 5:22

Mbakwi nogo Yetut yelok iige nagagerik, yorage logonet, “Kit nonggop nduk kiniki togop mbako ogotik?

Lukat 7:49

Yoreegerak nogo, it mbi noorak nduk inom kwi'ndak wonogogwaarak nogo it-it yogo logonet, “It aakumi inomaluk lek eerogo piige nogo yi ta mbakop?”

Yaya 10:33

Yorage mbareegi, it Yakuri mendek nen, “Kat obeelom eekendak paga koorugun lek o. Ata, Ala miyuk-meya eerogo pege, ndi, kat aap aret kwe, Ala aret eekko'net nage, eeke ti paga aret koorugun o.”

Oroma 8:33

Nit mii'ninabeegerak Ala nogo nen, “Kit maluk lek aret o,” yinuk, yo'nirage me, ta nen, “Kit maluk o,” yinuk, yo'nirage kero nduk, yogo ogotik?