Lukat 4:35 - Ala Wone Peenok Peebi Mbanak

³⁵ Yoge mbareegi, at Yetut nen mberege logonet, “Koone puk a'nuk wundi nak o.” Yoge mbareegi, kugi nogo nen aap eebe aakumi inenggela'me nggween paga mbo nggimbege nagagerik, eebe andi yagan waka'lek kagak, kugi nggigik togon wundeegerak.

Lukat 4:35 ပူးပေါင်းရင်းမြစ်များ

Ndawi 50:16

“Kit maluk eeka yi, eeko logorak wone yugu mbininggwi, Wone abuk nggaruk togon koonogo pereegirak nogo We kinambe paga mban yogwe, Eeko monggotak nogo ti, Nonggop eeriyak nduk eeko ogotik?

Takariya 3:2

Titi'nege mbaki, Aliku ALA nen at Tile nogo yoge logonet, “Kat Tile yi wae. Kani arowa nengge kero, kiinogo wumbogo mengga kwak, at aap yi, togop aret wonage kagak, kat Tile yagandak paga Naliku an ALA nen aret mbekkege, kota Yerutalem leenogo pateegirak Naliku an ALA nen mondok onggo eeppagage, eerigin o,” yinuk, yoge kagarak.

Matiyut 17:18

Yinuk, yoragagerak wonok wogo mbareegwa, at Yetut nen kugi nogo mberege mbareegi, kugi nogo wulaga inikime nen wundi nage kagak, wulaga nogo ti eyom obeelom aret agagerak.

Matiyut 8:26

Yogo mbareegwa, Yetut nen, “Kit kiniki liirogon abet nombaka'lek monggotak yi, nonggop nduk kinagabiti yogo ogotik?” yorage nagagerik, mi'na'nuk, o wiya inom, yi kilaarak-mogonik eeke inom, mberege mbareegi, abolok abu lek puk aret agagerak.

Marakut 1:26

Yoge mbareegi, kugi ogole warak aap inikime unggwagagerak nogo nen eebe nuk eeke, kwa yuwak nduk eeppege, eeke nagagerik, nggigik togon wundeegerak.

Marakut 4:39

Yogo mbareegwa, eenik a'nuk wiya nogo mberege nagagerik, niyo nogo, “Kabolok lek puk aru o,” yoge mbareegi, o wiya nogo abolok lek age, niyo nogo puk age, eereegerak.

Marakut 9:26

Yoge mbareegi, kugi nogo kwa ari nagagerik, wulaga nogo eenggi-iyok puk-puk ige logonet, wundi nagagerak. Wundi nage kagak, wulaga nogo kambak negen aago wonage kenok, it aakumi ambik nogome nen, “Kanggerak o,” yinuk,

Lukat 11:22

aap alik ambi anini ambik lombok nen aap nogo awi paga kwi'nari unggwage logonet, at eebe tebenogo pege kenok perak, eegin-omaale nogo paga iniki panggombunuk, logomenggerak nogo ndinogo punuk, agugun waganogo tumbuke menggerak o.

Lukat 4:23

Yogo mbareegwa, at Yetut nen yorage logonet, “It aakumi nen, Ndotet wae. Kat keebe obeelom eekkolet o. Ndi, ambi, O Kaperenawum eeke nagandak, konenggoorak nogo, kat kame nda'nagaginom yime togop aret eeke logot o, yogo menggaarak nogo, an yo'niriyak nduk, eekwi kiigi o.”

Lukat 4:39

Yogo mbareegwa, at eebe wonage me nage nagagerik, eraaninu mi'ndak logonet, “Andi lek aru o,” awo yoge kagak, aret lek agagerak. Lek age mbareegi, kwe nogo mi'na'nuk, it inake eeke nagagerak.

Lukat 4:41

Ndi, it aakumi apit kugi inikime unggwagagerak nogo kunduk, obeelom aganake logonet, “Wundi nanip o,” yinuk, kugi nogo yorage mbareegi, inoone kwa kunik yogo logonet, “Ala aput kat aret o,” yinuk, wundit nogogwaarak. Ala nen leenogo mippereegerak Keritut nogo ineenu me, inoone yogwe iigak kwe, at Yetut nen, “Kinoone ambi yuurak mondok lek o,” yinuk, mberiragagerak.

Lukat 8:24

Tebe agan wambuurak eeke mbareegi, Yetut owagam nogo nogogwaarik, eenik eeppunuk, “Ninogoba wae! Ninogoba wae! Yi abu ndonggonninake agaarik o.” Yogo mbareegwa, at eenik a'nuk, o wiya inom, yi kilaarak-mogonik eeke inom, mberege mbareegi, puk a'nuk, yi yenggenak nogo abolok lek agagerak.

Lukat 9:39

Kugi nen wulaga nogo piga wagak mban eeke kenok, kwa ari kagak, piyanogo nggween paga anek-nggwik nggimbege nagaatik, eenggi-iyok puk-puk yuwak nduk eeppege, awoori lagap-lagap eeruwak nduk, eeppege, eeke nagaatik, wake menggerak. Mbo punuk, mbaganikit ti, mbakeelik aret o.

Lukat 9:42

Yoge mbareegi, awo wonok wage kagak, kugi nogo nen wulaga eebe piyanogo nggween paga anek-nggwik nggimbege nagagerik, eenggi-iyok puk-puk yuwak nduk eeppereegerak. Eeppege kagak, at Yetut nen kugi ogole warak nogo mberege nagagerik, wulaga nogo obeelom eerogo ogoba wogoreegerak.

Wayu 12:12

Kat mbogut inom, kit mbogut paga monggotak inom, kiniki ale'nggen mbako logonip o. It nggween paga wonogwe nogo inom, niyo nggwok yenggenak laut paga wonogwe nogo inom, nogo perak, Inenggela'me at Tile wuppi wagaarak nogo nen, An ne mbereeluk logonuk, nenggaawak lek arigin kagi, mba'nuk, Anini nen aakumi lale-pale eerogo piyaakit nduk, wambi nagaarak wonage me, inabuwa o,” yinuk, ari kagarak.