Lukat 4:32 - Ala Wone Peenok Peebi Mbanak

³² Wone mamunirage logonet, at oone omaawi paga yorage me, aakumi nen, “Ia!” yinuk, inagabiti ogogwaarak.

Lukat 4:32 ပူးပေါင်းရင်းမြစ်များ

Marakut 1:22

It at oone mamunirage inaruk konenggo nogogwaarik, “Ie! Aap yi, it Ala wone liiru mbanak unde nen yo'nirogo mengga kwak yo'nirage lek o. Wone ti, at unde nen aret ari me, Wi!” yinuk, pi wareegwaarak.

Lukat 2:47

It aap apit at oone koneneegwaarak nogo nen at wone abok eenu logonet, wone onggo yorage nogo kogo nogogwaarik. “Wulaga yi, abok eenu logonet, ari wi!” yinuk, pi wareegwaarak.

Lukat 4:33

Ne ambi paga aap ambi kugi ogole warak mendek inikime unggwagagerak me, it Yakuri tamban eeko menggam wonagagerak. At aap nogo oone kwa kunik ari logonet,

Lukat 4:36

Nggigik togon wungge mbareegi, aakumi abok inagabiti nen, “Wi!” yinuk, at ambi nen at ambi yogak eeko logonet, “Wologwe! Aap yi, oone nonggop ari mbakop? Kugi wumbiyoorak at unde me, oone omaawi paga kugi ogole warak mendek, Wundi nanip o, yorage kenok, wunggo menggaarak ia!” yinuk, yogogwaarak.

Yaya 6:63

At Aberiniki nen aakumi ineenik eeginake menggerak aret. It aakumi nggween paga ndarak nen ambi eekkoloorak lek aret o. At Aberiniki nen wone an yokkirage nogo paga kineenik eekkinake menggerak kwe,

Yaya 7:46

Yorogo mbareegwa, it aap nogo nen, “Aakumi togop ambi yogwe iigulik lombok at aap ti ari kogoorak me, iya!”

2 Korindut 4:2

Inenggali ariyak mendek kagak, wone kote yorogo menggaarak nogo mendek, “Nit togop yoranet nogo logogun lek o,” yinuk, kooneegurak me, kit nen nineebe wo'ninabubagip nduk, koonggo'net nugwi, Ala wone kagak alik pugunogo yokkirogwe, ti eeko logolik o. Nineebe mbo pinaniyak mbakwi kenok, wo'ninaburak mbakwi kenok, “Ala mban koonigin o,” mbako logonet, nit we at ari menggerak wone nogo mban paganogo yokkirogo monggoorak.

1 Tetalonika 1:5

Nit nen wone obeelom wone yokkira wogogurak nogo ti, we nit ninoone paga mban lek o. Ata, Aberiniki omaawi eeppinanege kagak, yokkirogogurak paga kinikime nen, “Ie! Wone yi, mondok abet aret yo'nirogwe iigo o,” yinuk, waganeegutak nogo o. Kit mamunggolaabagip nduk, nit kinenggela'me logonet, nonggop eerit nogo nogogurak nogo ti, kineenu aret o.

Titut 2:15

Wone yi yorage, “Yogop eeriyak ndogop eeriyak,” wone lengganinake, koone omaawi paga inaruk wake, eeke logot o. Ndi, aap ambi nen kat meek eerogo pagarak lek o.