Lukat 4:22 - Ala Wone Peenok Peebi Mbanak

²² Yorage mbareegi, it aakumi abok aret, “Wone ti abet aret yigi o,” yinuk, at wone abe kigirikwe ari me, “Wi!” yinuk, pi wako logonet, “Yi aap Yutup aput nogo lek a?” yinuk, yogogwaarak.

Lukat 4:22 ပူးပေါင်းရင်းမြစ်များ

Ndawi 45:2

Aap ando obeelom negen iigak, Kalik perak, abu obeelom lombok wonage, Koone abu abe yanggorogon mban ari, Eeke menggendak me, Ala ale'nggen koba pagareegerak Mondok-mondok aret wonage agaarik o.

Ndawi 45:4

Aakumi abet kenok mban yogwe, Iniki tebenak logonet, a'me nggelok mban eerit nogwe, Eeko logowak nduk, Kendage abu tiyanak aakumi, “Wi,” kugwi iigak, Kaguda paga kwi'na'nuk, keegin tiyak yuwak nduk wundi nage, Aakumi inamineeri ne agan nage kagak, keenggi abe omaawi paga eerit nage, Eeke logot o.

Kini Wuppiige 10:32

Aap iniki abe koonak nen aakumi inale'nggen mbariyak wone ineenu logonet, agan nogo menggaarak kwe, It aap maluk mendek perak, pilit wone yuurak mban ineenu logonet, agan nogo menggaarak o.

Kini Wuppiige 16:21

Aap iniki warak kenok, “Wone mbet-mbet yelok kaga o,” yinuk, yogwe, Ndi, aap wone kigirikwe ari paga nen, “Aap ti, abet aret ari,” mbakwi, Eeko menggaarak.

Kini Wuppiige 25:11

Wone ambi mondok liirogon a'me aret yorogwe nogo ti, ye wanggo'me anggun enona nggelok togon mambogo mengga kwak aret o.

Wone Alom Kibingga 10:12

Aap iniki warak nen inoone yogwe ti, aakumi koneniyak inikilom mbako menggaarak kwe, Aap iniki lek wi nen agan nogwe paga perak, it ineebe aret lek eerogo pako menggaarak.

Ndawi Iya 5:16

Oone ari ti, abu abe yanggik-yanggok ari, At eebe paga inom, eerit nage paga inom, abok aret abu aberogon wonage, Eerak menggerak o. O Yerutalem aagalogwe komologwe yi wae. At noreeluk niniki kunik eeke nogo ti aret me yagi o.

Yetaya 50:4

Aakumi inomaawi lek agaarak wonogwe nogo iniki eyak wappiyoorak wone neenu arikit nduk, Aliku Itok Menggerak ALA nen, “Ndogop yu o,” yinuk, mamunnake menggerak o. Ko'lu-kii'me kubondendok paga neenik eerogo panege, Aap ambi mamunirage kenok, apuri inaruk liirogon konenggo mengga kwak, naruk liirogon konengge logokit nduk, eeppanege, Eeke menggerak.

Lukat 2:47

It aap apit at oone koneneegwaarak nogo nen at wone abok eenu logonet, wone onggo yorage nogo kogo nogogwaarik. “Wulaga yi, abok eenu logonet, ari wi!” yinuk, pi wareegwaarak.

Lukat 2:48

Agalo-ogoba nogo nen wulaga nogo kwaakkogo nogogwaarik, “Ia!” yinuk, agalo nen, “Naagaluk o. Kat nonggop nduk, togop eeppinanggendak o? Kogoba nimbirak niniki piirik logonet, kwaakkabit wogoorak yi, niyet o.”

Lukat 4:21

Inigen loogwi me, Yetut nen it yorage logonet, “Ala wone liiru mbanak pekkagak yokkiragarak nogo, o yogondak yi aret kinaruk konenggwi kiigak, a'me lik yigi o,” yoragagerak.

Yaya 1:45

“Nimbirak nawok nduk, mok o,” Piliput nogo yoge mbareegi, Piliput nen aap Natanayen kwaakkage nagagerik, yoge logonet, “Natanayen wae! At ambi woraagin o, yinuk, Muta nen Ala wone yugu liiru mbangge, ndi, it aap Ala nen yorage kagak yoraga nen kunduk, liiru mbanggwi, eereegwaarak eebe nogo ti, Yutup aput Yetut awi Nataret mendek aret me, muk wagaarak ninigen kogoorak o.”

Yaya 6:42

“A puk! Aap yi, Yutup aput endage Yetut agalo-ogoba nineenu nogo nen aret ari yi, lek a? An mbogut paga nen wambi wagagirak o, yo'nirage yi, nonggop yo'nirage mbakop?”

Yaya 7:46

Yorogo mbareegwa, it aap nogo nen, “Aakumi togop ambi yogwe iigulik lombok at aap ti ari kogoorak me, iya!”

Nappiigak 6:10

Inom wone wareegwaarak kwe, at Tepanut nogo Aberiniki nen nggaganogo yoge kagak iniki warak logonet, yoragagerak paga it nen onggo yoriyak meek age mbareegi, puk ogogwaarak.

Titut 2:8

Ata, kayuk warak logonet, yorage kenok, it aap koone woorak, “Nineebi,” mbakwi nogo nen wone maluk ambi yoramenggendak paga yilunogo punuk, nit tebembinaniyak lek me, it inenggali aruwak nduk, wone koleewak wone kenggali wappagarak lek nogo mendek mban yorage logot o.