Lukat 3:8 - Ala Wone Peenok Peebi Mbanak

⁸ Kit maluk eeko monggotak nogo, kiniki koombunuk mbo pogotak kenok, eyo anggen abe yi'nage menggi kwak, ndak-ndak aret eeko logonip o. Kit kinikime nen mbako logonet, Ninombo ti, Abarakam aret me, nit obeelom aret o, mban mbakwi ti mage o. At Ala nen, Yugum yi, at Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Lukat 3:8 ပူးပေါင်းရင်းမြစ်များ

Nekemiya 5:11

O yogondak aret inanggween inom, ineyabu anggur yarak inom, eyo tayitun yarak inom, inawi inom, inawu lek kenok, luulu unde eeppinagareegwaarak nogo obaane'me wogoraanip o. Ndi, wogorogo logonet, 100 wonage kenok ambiret oba lunogo wo'niraanip o, yorogogutak kira wogogwaarak wu inom, gandum inom, anggur amburu ngget toolak inom, wam amburu inom, abok aret obaane'me wogorogo logonip o.”

Yetikiyen 33:24

“Aakumi nen ndarak yi wae. It aakumi o langgu-langgu wambeegim Iterali inanggween paga wonogo logonet, Abarakam alik aret kagak nggween yi abok aret at unde eeppatinuk logowak nduk, wogoreegerak kwe, nit nineebe ambik lombok me, nggween yi, nit unde eeppatinuk logowok nduk, wo'niragagerak kogo o, yinuk, yogwe me,

Matiyut 21:43

Ti kenok, kit Ala abu'me pinagarak aret wonogogutak kwe, pinagagin lek o. Kinobaane'me it aakumi anggen mbanogo wogogo logorak nogo mendek aret at abu'me piyaagin o.

Matiyut 3:8

Kiniki koombunuk kinomaluk mbo pogotak kenok, eyo anggen obeelom mendek yi'nage menggi kwak, kit togop ndak-ndak aret eeko logonip o.

Matiyut 3:9

Kinikime nen, Ninombo ti, Abarakam me, nit obeelom aret o, yinuk, mbakwi ti mage o. At Ala nen, Yugum yi, Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Lukat 13:25

At o unde nen mi'na'nuk, tu nake mbaremenggi, kit endekem tu puk-puk eeko logonet, Nogoba! Tu paa'niyet o, yorumonggotak kwe, at nen, Kit aap nggeeme nen wogop? Kit an neenggo'lek o, yokkirage kenok,

Lukat 13:26

kit nen at yogo logonet, Lek o. Laago ninom nonggo nogoorak nogo o. Lek o. Ninawoore'nggam wone mamunnirage nagandak nogo o, at yorumonggotak kwe,

Lukat 14:9

at kinom kinayonggo pemenggerak nogo nen kit yokkira wage logonet, Wologwe! Aap yi, kit kinobaane'me kwi'naruwam kit tayo yinip o, yokkirage kenok, kinenggali mbakak aap ugun kwi'nogo menggam kwi'nari noorak age kero, aap nggwok kwi'nogo menggam kwi'narugup o.

Lukat 19:40

Yogo mbareegwa, Yetut nen, “Wologwe! It aakumi yi, inoone puk logonetak en, yugum yi, inoone yogo logonetak o, yinuk, yokkiragi,” yoragagerak.

Lukat 19:9

Yoge mbareegi, at Yetut nen, “Kat kunduk Abarakam ombooluk aret me, kat kapuri kinom yogondak aret kinagap ndakkologop o.

Lukat 5:21

Yoge mbareegi, it aap Ala wone liiru mbanak unde nogo inom, it aap Pariti inom, nen iniki mbako logonet, “Aap Ala miyuk-meya eerogo pege yi ta mbakop? Nit maluk eekwi at Ala nen mban lek eerogo pinanege menggerak nogo lek a?” yinuk, mbareegwaarak.

Yaya 8:33

Yorage mbareegi, it nogo nen at yogo logonet, “A puk! Nit Abarakam ombowologwe niigak, aap ambi abu'me pinanugo logolik me, kat nen, Wondet eerogo pinagagin o, yagandak ti, nonggop togon yo'nirage agandik o?”

Yaya 8:39

Yorage mbareegi, it nen, “Nit ninombo ti, Abarakam aret me tit ari!” Yogo mbareegwa, Yetut nen it yorage logonet, “Kit Abarakam ombowologwe abet aret logonetak en, at eeke nagagerak nogo kit ndak-ndak aret eeko logonetak.

Nappiigak 26:20

Yo'nereegerak nogo aa'nduk lombok it o Ndamitik wonogwe nogo yorage, o Yerutalem wonogwe nogo yorage, ti'nuk, o Yureya enaagan-ambokan inom, it endekem konenggulik mendek inom, yoranet nege, eeke logonet, Kit abok aret kiniki koonogo punuk, kinomaluk paganogo mbo pogo logonip o. Ndi, kinomaluk mbo punuk, Ala mugurok nogwe abet aret kinombaruwak nduk, yi eekak ndi eekak abe mban eerit nogo logonip o, yinuk, yorage nagagirak.

Oroma 4:16

Togop me, it aakumi Muta yoreegerak wone nogo woppunuk eeko menggaarak inom, ndi, at Abarakam iniki abet mbareegerak kwak, it abet mbakwi inom, nit abok ninombo Abarakam aret me, Ala nen abok yoreegerak woorak ti, at ombowologwe nit eekwi paga lek o. Ata, “Abet mbakwi paga Ala iniki kunik en onggo lek we aret unde eeppinanege kagi,” mbaruwok nduk, yoreegerak.

Oroma 9:7

Ndi, ambi, “At Abarakam ombowologwe ti, at Itak paga nen aret, yogo logogun o,” yinuk, wone yoreegerak paga it Abarakam ombowologwe nogo ti, it abok at abe ombowologwe lek mban iigo o.