Lukat 3:38 - Ala Wone Peenok Peebi Mbanak

³⁸ Kenan ti, Enot aput. Enot ti, Tet aput. Tet ti, Aram aput. Ndi, Aram ti, Ala aput aret.

Lukat 3:38 ပူးပေါင်းရင်းမြစ်များ

Wakkagagerak 2:7

Ti'nuk, peebi at Aliku Ala nen nggween mbuuluk ambi nggalenogo wagangge nagagerik, aap aret ogobakkigirogo punuk, at eenik nogo ogobak me pu eerogo mambege mbareegi, aap nogo eenik a'nuk oone warak aret agagerak.

Wakkagagerak 4:25

Ndi, peebi Aram akwe Kawa imbirak nogo yege nagagerik, kwe Kawa nogo aagaluk wulaga ambi ndareegerak. Ndake nagagerik, at kwe Kawa nen ari logonet, “An naagaluk Kaben oweeluk Kayin nen wareegerak nogo obaane'me nogoba Ala nen wulaga yi wo'negerak me, endage Tet aret o,” yinuk, tooneegerak.

Wakkagagerak 4:26

Ti'nuk, peebi at Tet nogo aput wulaga ambi ndake nagagerik, endage Enot aret tooneegerak. Ne ti eyom paga it aakumi nen at Aliku ALA endage kunogo tamban eeko logonet, alut eeko nogogwaarak.

Yetaya 64:8

Togop kwe, Kaliku ALA o. Kat ninogoba aret o. Nit yi, nggween nggabok mendek aret. Ndi, nineebe longgo warogo ogobakkigi'ninabeegindak kat aret me, Nit abok kat keenggi paga eerak aret ogoorik o.

Lukat 3:37

Lamek ti, Metutala aput. Metutala ti, Kenok aput. Kenok ti, Yaret aput. Yaret ti, Makalaten aput. Makalaten ti, Kenan aput.

Lukat 4:1

At Aberiniki nogo Yetut inikime mondok liinik kagak, yi Yoraran aa'nggi paga nen wage me, Aberiniki nen wonok karume aakumi lek me time nagagerak.

1 Korindut 15:45

“Aap Aram aa'nduk nggween mendek wakkage mbareegi, eenik a'nuk oone warak agagerak o,” yinuk, liiru mbanak wonage. Ti'nuk, Aram peebi mbogut paga mendek nogo perak, aakumi ineenik aganake logowak nduk, nappi wagagerak.

1 Korindut 15:47

Aap aa'nduk wakkagagerak nogo ti, nggween mendek aret wakkagagerak. Ndi, aap peebi mendek nogo ti, at awi alom mbogut paga nen aret wagagerak.