Lukat 3:36 - Ala Wone Peenok Peebi Mbanak

³⁶ (Kenan aput. Kenan ti,) Arapakatat aput. Arapakatat ti, Tem aput. Tem ti, Nu aput. Nu ti, Lamek aput.

Lukat 3:36 ပူးပေါင်းရင်းမြစ်များ

Wakkagagerak 5:3

Ti'nuk, at Aram nogo tahun seratus tiga puluh eeke nagagerik, apuluk ambi at enete-obaabut ndak-ndak aret ndareegerak. Ndake nagagerik, endage, Tet, aret tooneegerak.

Wakkagagerak 6:22

Yoge mbareegi, at Nu nen Ala yoreegerak nogo ndak-ndak abok aret eereegerak.

Wakkagagerak 7:23

O nggween paga yime menggaarak yi aakumi ndi aakumi inom, yi mendek ndi mendek inigen mbolok lek inigen mbolok kwi inom, inaanogum paga nugu menggaarak inom, wiga agan nugu menggaarak yirowe-ndirowe inom, abok tigitogon lek eerogo piyareegerak kwe, at Nu inom yiiro paga wonogogwaarak nogo perak, ambi ndonggoninabulik Ala nen inili agago piyareegerak.

Wakkagagerak 8:1

At Nu inom, yi mendek ndi mendek inigen mbolok kwi anebunu lombok inom, inigen mbolok lek anebunu lombok inom, abok aret yiiro paga wonogogwaarak nogo at Ala nen kobak eerogo piyoolik aberak aret wonagagerak me, wiya nggwok ambi o nggween paga yime nappi wage mbareegi, niyo nogo poro agan wambeegerak.

Wakkagagerak 9:1

Ari nagagerik, Ala nen Nu apurilogwe inom ale'nggen inoba piige logonet, “Kit kineebe ambik wiganit nogo logonet, o nggween paga yime ndak warak logobagip nduk, kinapuri-kinombowologwe ndaganabit nogo logonip o.

Wakkagagerak 9:18

At Nu apuri yiiro paga nen wundi wogogwaarak nogo ti, Tem inom, Kam inom, Yapet inom, aret wundi wogogwaarak. At Kam nogo nen aput Kanan aret ndareegerak.

1 Mbinineegwaarak 1:1

At Aram nen Tet ndake, Tet nen Enot ndake,

1 Mbinineegwaarak 1:17

At Tem nen apuri aap ndaganabeegerak ti, Elam, Atiyut, Arapakatat, Luti, Aram aret. Ndi, at Aram apuri aap ndaganabeegerak ti, Ut, Kun, Nggetet, Metek aret.

Yetikiyen 14:14

it aap ineebe kenagan aap Nu inom, Ndaniyen inom, Ayup inom, o ti enggela'me logomenggaarak kwe, it iniki abe koonak eerit nugwi paga ineebe kenagan ti mban inili eerogo piige logonet, o time wonogwe nogo abok aret lek eerogo piyane o, yinuk, Naliku Nitok Minggirak an ALA nen aret yagi o.

Lukat 17:27

It aakumi nen mbi nunggwi, amburu nunggwi, aap nen kumi kologwe, kumi nen aap kologwe, eerit nugwi iigak, aap Nu yiiro wurik me unggwage mbareegi, yi yenggenit lagangge logonet, it ineebe abok aret niyo ndonggoninabeegerak nogo o.

Lukat 3:35

Nakot ti, Teruk aput. Teruk ti, Ereku aput. Ereku ti, Pelek aput. Pelek ti, Ebet aput. Ebet ti, Tela aput. Tela ti,

Lukat 3:37

Lamek ti, Metutala aput. Metutala ti, Kenok aput. Kenok ti, Yaret aput. Yaret ti, Makalaten aput. Makalaten ti, Kenan aput.

Iberani 11:7

Aap Nu kunduk, peebi eeriyak awo kin kaga'lek kagak, Ala nen kurumbi yoge mbareegi, “Yi abet aret eeriyak yo'nege kagi,” yinuk, ayuk wuke logonet, akwe-apuri inom inagap ndaruwak nduk, o yiiro wureegerak. Ala nen at yoreegerak nogo abet mba'nuk, yiiro wureegerak ti paga, “Kit aakumi maluk eekwi onggo niyo paga kinoorigin o,” yinuk, ineenu eeppiyareegerak me, nit abet mbakwi paga at Ala nen, “Aap yi, iniki abe koonak aret o,” yinuk, yo'nirage nogo ndak-ndak, at Nu iniki abet mbareegerak paga, “Aap yi, iniki abe koonak o,” yinuk, yereegerak.

1 Peterut 3:20

Obeelom wone yora nagagerak nogo ti, aap Nu nen maan aa'nduk it aakumi Ala wone yorage kagak, taganogo mbo pogo mbareegwa, Ala nen, “Mbet-mbet inoorikit,” mbareegerak kwe, aap Nu nogo o awo wuke kenok, iniki yanggo yinuk, tokkage kagak, o nogo wuke mbareegi, aap Nu apuri inom ineebe 8 mban unggwogogwaarak nogo, niyo nen wogoren laganeegerak paga inagap ndake logonet, it ando apit niyo ndonggoninabeegerak inogoma keele maarak o apit me wonogwe me, wone obeelom wone yora nagagerak nogo it aret o.

2 Peterut 2:5

Ndi, it aakumi maan aa'nduk o nggween paga yime logonet, maluk eeko mbareegwa, Ala inabuwa nen teppiyareegerak mbakop? Lek o. Mayu wuppi wagagerak nogo paga niyo yenggenit lagangge logonet, it aakumi Ala ineebi mba'nuk, maluk eekwi nogo tigitogon inooke kagak, “Kit maluk eeriyak mage o. Ata, obeelom mban eerit nogo logonip o,” yinuk, Ala wone yorage nagagerak aap Nu nogo, akwe-apuri inom ineebe 8 mban inagap ndareegerak nogo lek a?